Kurdî  ■  كوردی  ■  عربي
WED, 21 NOV 2018 01:29 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

دۆخی سەخت و کەلی ڕوون
| KDP.info


سەرۆ قادر

کەمێک سەرنجدان بە دۆخی پەیوەندی و دەرگیریی نێوان کورد و داگیرکەرەکانی، دەردەکەوێ کە لە هیچ قۆناغێکی مێژووی سەد و پەنجا ساڵی ڕابردومان هێندەی ئێستا کوردستان لە مەیدانی تێکۆشان و بەشداریکردنی گۆڕانکارییەکان کاریگەر و چالاک نەبووە.
لە باشووری کوردستان حکوومەتێک هەیە کە زیاتر لە دەوڵەتێکی ئەمری واقیع دەچێ، بەشدارێکی کاریگەر بوو لە ڕووخاندنی حکوومەتی بەعس، پێشەنگ بوو لە لەناوبردنی داعش، پەیوەندیێکی ئاسایی لەگەڵ پارچەکانی تر هەیە. هەڵبەت بە ناو تورکیادا پێشمەرگەی ناردە هانای کۆبانێ.
کوردی رۆژاڤا بەشدار بوو لە پاشەکشەپێکردنی حکوومەتی سووریا لەسەر خاکی کوردستان، بەشدارێکی کاریگەر بوو لە قەڵاچۆکردنی داعش. حکوومەتێکی نیشتمانی بۆ خۆی دروست کردووە.
کوردی باکوور بەردەوام لە ململانێدایە لەگەڵ تورکیا، سەرەنجام بە هەشتا ئەندامی پەرلەمانەوە بووە دووەمین حزبی دەستڕۆیشتوی تورکیا. لە هەمان کات شار بە شار لە جەنگێکی خوێناویدا لە بەرامبەر تورکیا دیفاعی لە خۆی کرد.
کوردی رۆژهەڵات هەمیشە سەری یەکەم بوون لە بەرەنگاربوونەوەی ئێران.
جیهانی پێشکەتوو، کورد بە هۆکارێکی کاریگەر بۆ پارسەنگی ئاشتیانەی رۆژهەڵاتی ناوەڕاستی ئایندە دەزانێ. تا ئێستایش کورد بە تەرەفێکی هاوپەیمانی خۆیان دەزانن.
هەر لەم کاتەدا عێراقی نوێ دژی کوردستان شەڕ دەکات، ئێران لەناو عێراق سەرکردایەتیی لێدانی کوردستانی کرد. تورکیا لەو شەڕەدا هیچ قسوری لە هاوکاریکردنی عێڕاق نەکرد. تورکیا لە ناو کوردستانی رۆژاڤا شەڕی دژی کورد دەکات. ئەورووپا و ئەمریکا لەگەڵ چوار دەوڵەتە داگیرکەرەکە بۆ لێدانی کوردان هەماهەنگی دەکەن، لە هەمان کات بۆ مانەوەی کوردانیش هاوکاری دەکەن.
لە تەنگانەدا کوردی هەموو پارچەکان بە هانای یەکتر دەچن، هەستی هاونیشتمانی، هەموو کوردستانی داگرتووە، جیهانیان بە عەتفەوە لەم دۆخەی کورد دەڕوانن. لۆبییە کاریگەرەکان بۆ ڕزگاریی کوردیش لەگەڕدان. کەواتە کورد پارسەنگێکە پشتگوێ ناخرێ. ئەم پەیوەندییە ئاڵۆزانە نیشانەی ئاڵۆزیی بەرژەوەندییەکانن. پێویستە لە هەڵسوڕاندنی دۆخەکە بۆ لای بەرژەوەندیی خۆمان زاناتر و شارەزاتر بین. چونکە لە کۆتایی شەڕەکەدا کورد بەهێزەوە دەمێنێتەوە و دنیای هێز ناچارە مامەڵەی لەگەڵ بکات و بوون و سەربەخۆیی لە بەرچاو بگرێ.
ئەم دۆخە نیشاندەری قووەتی کوردانە بۆیە سەرکەوتن و سەربەخۆیی، حەتمیە.
غەیری ئەم ڕوانگایە، نابێ هیچ نائومێدییەک بە خۆمان وەربکەین.
دۆخەکە سەختە، چوار دەوڵەتەکە قۆڵیان لێمان هەڵماڵیوە، بەڵام زۆر لاوازن و هیچ ئایندیان نییە. کورد زۆر لەسەر هەقن، باڵیان بۆ پێکهاتەکان کراوەیە، ڕوانگایان مەدەنییە، بۆیە داهاتوویان ڕوونە، ئەویش سەربەخۆییە.




دوایین هەواڵەکان

باڵیۆزی فەرەنسا پیرۆزبایی لە فوئاد حوسێن کرد

TUESDAY, 20 NOVEMBER 2018 19:11:27

بەغدا-KDP.info-  باڵیۆزی فەڕەنسا لە بەغدا لەگەڵ د.فوئاد حوسێن جێگری سەرۆکوەزیران و وەزیری دارایی عێراق، کۆبوویەوە و پیرۆزبایی دەستبەکاربوونی لێ کرد.

حەشد و ھێزە عێراقییەكان سەرقاڵی بازرگانیكردنن.. ئاگایان لە دۆخی ئەمنیی مووسڵ نەماوە

TUESDAY, 20 NOVEMBER 2018 10:11:52

مووسڵ-KDP.info- بەرپرسێكی پارتی دەڵێ، دۆخی ئەمنیی مووسڵ زۆر خراپە و خەڵكی ھەست بە مەترسییەكی زۆر دەكەن، چونكە داعش جارێكی دیكە سەری ھەڵداوەتەوە و حەشدی شەعبی و ھێزە عێراقییەكانیش لەبەر كاری بازرگانی، ئاگایان لە دۆخی ئەمنیی شارەكە نەماوە.

 
هەولێر و بەغدا ڕێككەوتنێكی ٢٨خاڵییان واژۆ كرد

TUESDAY, 20 NOVEMBER 2018 10:11:36

ھەولێر-KDP.info- بەڕێوەبەری گشتیی وەزارەتی بازرگانیی حكوومەتی ھەرێمی كوردستان گوتی، لە دوای سەردانی شاندی بەغدا بۆ ھەرێمی كوردستان، سەبارەت بە خاڵە گومرگییەكان رێككەوتنێكی ٢٨خاڵییان واژۆ كردووە، كە گرینگترینیان لادانی خاڵە گومرگییە نایاساییەكانن.

 
نێچیرڤان بارزانی: وێڕاى سه‌ختییه‌كان، ئامانجه‌كانى پلانی‌ ستراتیژیی حكوومه‌تى هه‌رێم‌ دێنه‌ دى

MONDAY, 19 NOVEMBER 2018 23:11:32

هه‌ولێر-KDP.info-  نێچیرڤان بارزانی سەرۆکوەزیرانی هەرێمی کوردستان ده‌ڵێ، سەرەڕای گوشارەکانی حکوومەتی عێراق، بەربەستە دەرەکییەکان و هەروەها بارودۆخی شەڕی داعش، پلانە بەردەوامەکەی حکوومەت سەرکەوتوو بوو و ڕۆڵی بەرچاوی هەبوو لە بەرەوپێشبردنی کوردستان لە سەرجەم كه‌رته‌كان، هاوكات ‏وه‌به‌رهێنانی له‌ بوارى وزه‌ و سه‌رچاوه‌ سروشتییه‌كانى بە ڕێگەپێدراو و مافێکی دەستووری دانا.

 
سه‌رۆک بارزانی یادی له‌دایکبوونی پێغه‌مبه‌ری موسڵمانان پیرۆز ده‌کات

MONDAY, 19 NOVEMBER 2018 22:11:31

بسم الله الرحمن الرحیم

به‌بۆنه‌ی یادی له‌ دایکبوونی پێغه‌مبه‌ری مه‌زنمان محه‌مه‌دولمسته‌فا ( سڵاوی خوای له‌سه‌ر بێت) پیرۆزبایی له‌ سه‌رجه‌م موسڵمانانی جیهان و عێراق و موسڵمانانی کوردستان به‌تایبه‌تی ده‌که‌م.
هیوادارین ئه‌م بۆنه‌ پیرۆزه‌ هۆکارێکی دیکه‌ی پته‌وبوونی په‌یامی ئاشتی و برایه‌تی و پێکه‌وه‌ژیان و لێبورده‌یی بێت.



 
© 2018 Kurdistan Democratic Party, KDP