هەولێر-KDP.info- ئەنجوومەنی سەرکردایەتیی پارتی دیموکراتی کوردستان لە کەرکووک-گەرمیان بڕیاری دا، کە بایکۆتی هەڵبژاردن لە کەرکووک بکات و ڕایده‌گه‌یێنێ، کەرکووک و تەواوی ناوچە کوردسانییەکانی دەرەوەی ئیدارەی هەرێم لە ژێر داگیرکاری سەربازیدایە و ناسەقامگیرە.
ئەنجوومەنی سەرکردایەتیی پارتی دیموکراتی کوردستان لە کەرکووک-گەرمیان رایگەیاند، کە ئەوان بڕیاریان دا بەشداری لە هەڵبژاردنی کەرکووک نەکەن و بایکۆتیان کرد.
بەگوێرەی راگەیاندراوی ئەنجوومەنی سەرکردایەتیی پارتی لە کەرکووک-گەرمیان، ئێستا کەرکووک و تەواوی ناوچە کوردسانییەکانی دەرەوەی ئیدارەی هەرێم لە ژێر داگیرکاری سەربازیدایە و ناسەقامگیرە.
دەشڵێن، "ئێمه بڕیارماندا وه‌كو پارتى دیموكراتى كوردستان بایكۆتى پرۆسه‌ى هه‌ڵبژاردن له‌م ناوچانه بكه‌ین به تایبه‌تى له كه‌ركووك و شه‌رعیه‌ت به داگیركارى نه‌ده‌ین".
ئه‌نجوومه‌نى سه‌ركردایه‌تى پارتى له كه‌ركووك-گه‌رمیان، داواى له خه‌ڵكى كه‌ركووك و ناوچه داگیركراوه‌كانیش كردووه بایكۆتى هه‌ڵبژاردن بكه‌ن و نووسیویه‌تى: "داوا له جه‌ماوه‌رى كورد په‌روه‌ر ده‌كه‌ین بایكۆتى هه‌ڵبژاردنه‌كان بكه‌ن، كه ئه‌مه هه‌ڵوێستێكه به‌رانبه‌ر به‌م داگیركارییه‌ى كه ئێستا به‌رقه‌راره".