Kurdî  ■  كوردی  ■  عربي
FRI, 14 DEC 2018 09:06 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

"سیاسەتی بەغدا لە گۆشەگیرکردنی کوردستان شکست دەهێنێت"
| KDP.info


 

 

هەولێر-KDP.info- د.فوئاد حوسێن ناوەڕۆکی کۆبوونەوەی سەرۆکوەزیرانی کوردستانی لەگەڵ پاپای ڤاتیکان خستە ڕوو و گوتی، لە دیدارەکەدا باس لەوەکراوه‌ ڤاتیکان دەتوانێ لە ئاستی نێودەوڵەتی رۆڵی خۆی بگێڕێ و رۆڵی لە چارەکردنی کێشەکانی هەولێر و بەغدا هەبێ.

ئەمڕۆ سەرۆکوەزیرانی هه‌رێمی کوردستان نێچیرڤان بارزانی بە یاوەریی شاندێک سەردانی ڤاتیکانی کرد. سەرۆکوەزیرانی کوردستان ٤٠ خولەک لەگەڵ پاپای ڤاتیکان کۆ بوویەوە و دواتریش لەگەڵ سەرۆکوەزیرانی ڤاتیکان کۆ بوویەوە.

سەرۆکی دیوانی سەرۆکایەتیی هەرێمی کوردستان د.فوئاد حوسێن کە ئەندامی شاندەکە بوو، ناوەڕۆکی کۆبوونەوەکەی راگەیاند و دەڵێ، لە دیداری نێوان سەرۆکوەزیرانی کوردستان و پاپای ڤاتیکان باسی دۆخی سیاسی و ئابووری کوردستان، قوربانیدانی پێشمەرگە دژی داعش و بارودۆخی ئاوارە و کریستیانەکان کراوە  و لە کۆبوونەوەکەدا پاپای ڤاتکیان کۆمەڵێک پرسیاری لەو بوارانەدا کرد.

فوئاد حوسێن بۆ رووداو رایگەیاندووە، کە لە کۆبوونەوەکەدا نێچیرڤان بارزانی باسی دۆخی قوربانیدانی پێشمەرگەی لە شەڕی دژی داعش، دۆخی ئابووریی کوردستان و پەیوەندییەکانی هەولێر و بەغدای کردووە.

بەگوتەی فوئاد حوسێن، باس لە رۆڵی ڤاتیکان کراوە لە ئاستی نێودەوڵەتی بۆ چارەی کێشەکانی نێوان هەرێمی کوردستان و حکوومەتی عێراق، کە ڤاتیکان دەتوانێ رۆڵی خۆی ببینێ بۆ چارەی ئاشتییانەی کێشەکان. هەروەها گوتیش،ی ئەو سیاسەته‌ی کە بەغدا پەیڕەوی دەکات لە دژی هەرێمی کوردستان کە مه‌به‌ستیه‌تی هەرێم گۆشەگیر بکات، ئەو سیاسەتە سەرناگرێ و وردە وردە دەشکێ.

لەبارەی پەیوەندییەکانی هەولێر و بەغدا، فوئاد حوسێن ئاماژە بەوە دەکات، بەغدا سیاسەتی دابڕاندنی کوردستان لە کۆمەڵگەی نێودەوڵەتی جێبەجێ دەکات، بەڵام لەو سیاسەتەدا شکست دەهێنێت. دەشڵێت، هەڵبژاردنەکانی عێراق کاریگەری لەسەر پەیوەندییەکان دەبێت و دواجار هەولێر و بەغدا دەبێت دەست بە گفتوگۆ بکەن، بەڵام هەرچەند زووتر کۆبوونەوە دەستپێ بکات و پێش هەڵبژاردنەکان بێت، باشترە.

 




دوایین هەواڵەکان

فڕۆکە جەنگییەکانی توركیا بە چڕی شنگال بۆردوومان ده‌كه‌ن

THURSDAY, 13 DECEMBER 2018 23:12:02

شنگال-KDP.info-  فەرماندەی فەرماندەیی پێشمەرگەی شنگال ڕایگەیاند، فڕۆکە جەنگییەکانی تورکیا بە چڕێ شنگال بۆردوومان ده‌كه‌ن، به‌ڵام زیانه‌كانی بۆردوومان نه‌زانراون.

 
سەرۆك بارزانی پیرۆزبایی جەژنی ڕۆژووی ئێزیدی لە خوشك و برا ئێزیدییەكان دەكات

THURSDAY, 13 DECEMBER 2018 16:12:04

هەولێر-KDP.info-  سەرۆك بارزانی پیرۆزبایی جەژنی ڕۆژووی ئێزیدی لە خوشك و برا ئێزیدییەكان کرد و لە پەیامیدا رایگەیاند، شانازییە بۆ هەموومان كە كوردستان وڵاتی برایەتی و پێكەوەژیانە و، دەبێ بە هیممەتی هەموو لایەك ئەو برایەتی و پێكەوەژیانە قوڵتر و فراوانتر ببێت.

نادیە موراد سەردانی پەرلەمانی كوردستانی كرد

THURSDAY, 13 DECEMBER 2018 16:12:04

هەولێر-KDP.info-  نادیە موراد، باڵیۆزی نیازپاكیی نەتەوەیەكگرتووەكان و خاوەنی خەڵاتی نۆبڵی ئاشتی بۆ ساڵی ٢٠١٨، سەردانی پەرلەمانی كوردستانی كرد و لە لایەن ڕێڤنگ محەمەد هرورى، بەتەمەنترین ئەندامی خولی هەڵبژاردنی پێنجەمی پەرلەمانی كوردستانەوە وەك سەرۆكی یەكەمین دانیشتنی خولی پێنجەمی پەرلەمان و سەرۆك و نوێنەرى فراكسیۆنەكانی پارتی دیموكراتی كوردستان و یەكێتیی نیشتمانیی كوردستان و بزووتنەوەى گۆڕان و پێكهاتەكانى توركمان و كلدان و ئاشوور و سریانەوە پێشوازیی لێ كرا.

 
پسپۆڕێكی بواری وزه‌: وڵاتانی دنیا چاویان له‌ نه‌وت و غازی كوردستانه‌

THURSDAY, 13 DECEMBER 2018 15:12:05

سلێمانی-KDP.info- پسپۆڕێكی بواری وزه‌ ده‌ڵێ، زۆربەی حکوومەت و کۆمپانیا جیاجیاکان، سەرەڕای ئەوەی لە ڕووی سیاسییەوە وەک ناوچەیەکی جیاواز لە ڕۆژهەڵاتی ناوەڕاستدا گرینگی بە هەرێمی کوردستان دەدەن، لە هەمان کاتدا لە ڕووی ئابووریشەوە بووەتە جێگەی سەرنجیان و ده‌یانه‌وێت وه‌به‌رهێنان له‌ بواری وزه‌ی كوردستاندا بكه‌ن.

 
سەرۆك بارزانی پیرۆزبایی یادی دامەزراندنی حزبی زەحمەتكێشانی كوردستان دەكات

THURSDAY, 13 DECEMBER 2018 15:12:53

هەولێر-KDP.info-  سەرۆك بارزانی بەبۆنەی سی و سێیەمین ساڵیادی دامەزراندنی حزبی زەحمەتكێشانی كوردستان، پەیامێکی پیرۆزبایی ئاراستەکردن کە ئەمە دەقەکەیەتی:



 
© 2018 Kurdistan Democratic Party, KDP