Kurdî  ■  كوردی  ■  عربي
TUE, 16 JAN 2018 23:53 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

زەینەب ئالیئافا: داواكارین هه‌ولێر و به‌غدا كۆتایی بە گرژییەكانی نێوانیان بهێنن
| KDP.info


 

هەولێر-KDP.info- لە دیداریدا لەگەڵ بەرپرسی مەكتەبی پەیوەندییەكانی دەرەوەی پارتی، بەرپرسی سیاسیی باڵیۆزخانەی كەنەدا ڕایگەیاند، پێویستە حكوومەتی عێراق لە چوارچێوەی دەستووردا مامەڵە بكات و، لەگەڵ حكوومەتی هەرێم بگەنە رێككەوتن و رێز لە مافە دەستوورییەكانی گەلی كوردستانیش بگیردرێت.

بەرپرسی مەكتەبی پەیوەندییەكانی دەرەوەی پارتی دیموكراتی كوردستان، پێشوازیی لە زەینەب ئالیئافا، بەرپرسی سیاسیی باڵیۆزخانەی كەنەدا لە كوەیت و عێراق و شاندی یاوەری كرد.

هۆشیار سیوەیلی، بەرپرسی مەكتەبی پەیوەندییەكانی دەرەوەی پارتی دیموكراتی كوردستان، بە ناوی سەركردایەتیی پارتی دیموكرات و گەلی كوردستانەوە سوپاسی گەل و حكوومەتی كەنەدای كرد بۆ ئەو هاوكاری و پاڵپشتییەی كە لە ماوەی رابردوودا پێشكەش بە حكومەتی هەرێمی كوردستانیان كردووە، بە تایبەتی هاوكاریی سەربازی لە شەڕی رووبەڕووبوونەوەی تیرۆرستانی داعش.

بەرپرسی پەیوەندییەكان، بە وردی باسی لە ڕووداوەكانی چەند مانگی ڕابردووی بۆ شاندی میوان كرد و ئەوەی خستە ڕوو كە، گەلی كوردستان لە ئەنجامی پاپەندنەبوونی حكوومەتی فیدراڵ بە دەستووری هەمیشەیی و پێشێلكردنی، بڕیاری ئەنجامدانی پرۆسەی ریفرانۆمی دا، ڕیفراندۆمیش مافی هەموو نەتەوە و گەلێكە كە ئاشتیانە دەنگی خۆی بە جیهان و دەستەڵاتداران بگەیێنێت، بێگومان گەلی كوردستانیش لە پرۆسەیەكی دیموكراسیانەدا  بڕیاری لە چارەنووس و داهاتوی خۆی دا، بەڵام بە داخەوە حكوومەتی عێراق وەڵامی گەلی كوردستانی بە هێزی سەربازی و پاڵپشتیی دەرەكی دایەوە و جیهانیش لە بەرانبەر ئەم پێشێلكارییەدا بێدەنگ بوو، ئێستایش حكوومەتی بەناو فیدراڵ سزای گەلی كوردستان دەدات، تاوانی دژی مرۆڤایەتی ئەنجام دەدات لە ناوچە كوردستانییەكانی دەرەوەی هەرێم بە تایبەتی لە خورماتوو كە هێزێكی نانیشتیمانی دروست كراوە و هەموو پێداویستییەكی دارایی و سەربازیی بۆ دابین كراوە لەلایەن حكوومەتی عێراقەوە، ئەمەیش پێشێلكارییەكی دیكەیە.

سیوەیلی، هەروەها داوای لە جیهانی ئازاد كرد هەڵوێست وەربگرن لە بەرانبەر ئەم كارە نادەستووری و پێشێلكاریانەدا كە بوونەتە مایەی نەهامەتی بۆ گەلانی عێراق و، بەردەوامبوونی حكوومەتی عێراقیش بەم جۆرە، ناوچەكە بەرەو گرفتێكی درێژخایەن و نەهامەتیی زیاتر دەبات.

لە درێژەی ئەو دیدارەدا، گفتوگۆ لەسەر پەیوەندییەكانی نێوان پارتە سیاسییەكان و هەوڵەكانی حكوومەتی هەرێمی كوردستان كرا بۆ چارەكردنی قەیرانی دارایی هەرێمی كوردستان، كە ئەویش ئەنجامی پێشێلكارییەكانی دەستووری عێراقە لەلایەن حكوومەتی عێراقەوە، حكوومەتی هەرێم لە ماوەی ساڵی رابردوودا دەستی كردووە بە چاكسازیی دارایی و ئیداری و ئەو هەوڵانەیش بەردەوامن، ئێستا حكوومەتی هەرێم لەگەڵ لایەنە سیاسییەكان سەرقاڵی دیاریكردنی ڕۆژی هەڵبژاردنی پەرلەمانی كوردستانە و، حكوومەتی داهاتووی هەرێمی كوردستان ئەركێكی زەحمەتی لە ئەستۆیە، گرینگیشە لە كاتێكی گونجاو و زوودا هەڵبژاردن بكرێت.

لای خۆیەوە، زەینەب ئالیئافا جەختی لە پشتیوانیی وڵاتەكەی بۆ هەرێمی كوردستان كردەوە و رایگەیاند، حكوومەتی كەنەدا بەردەوام دەبێت لە هاوكارییەكانی و، داوایش لە حكوومەتی عێراق دەكات كە كێشەكانی لەگەڵ حكوومەتی هەرێم بە دانوستان چارە بكات.

خاتوو ئالیئافا گوتیشی، "پێویستە حكوومەتی عێراق لە چوارچێوەی دەستووردا مامەڵە بكات و، لەگەڵ حكوومەتی هەرێم بگەنە رێككەوتن و رێز لە مافە دەستوورییەكانی گەلی كوردستانیش بگیردرێت، ئێمە پێمان وایە بەردەوامبوونی ئەم بارودۆخە لە بەرژەوەندیی هیچ لایەكدا نییە و، مانەوەیشی ئاڵۆزییەكان زیاتر دەكات، بۆیە داواكارین بە زووترین كات كۆتایی بە گرژییەكانی نێوانیان بهێنن".

 




دوایین هەواڵەکان

په‌یامی سه‌رۆك بارزانی له‌ ساڵیادی دامه‌زراندنی كوردستان تی ڤیدا

TUESDAY, 16 JANUARY 2018 20:01:15

هه‌ولێر-KDP.info-  له‌ په‌یامیدا له‌ ساڵیادی دامه‌زراندنی كه‌ناڵی ئاسمانیی کوردستاندا، سه‌رۆك بارزانی ڕایده‌گه‌یێنێ، لە ڕووی پابەندبوون بە ئەرکی نەتەوەیی و نیشتیمانی و گەیاندنی پەیامی ئاشتی و پێکەوەژیان و دەنگی ڕەوای بزاڤی ڕزگاریخوازانەی گەلی كورددا، كوردستان تی ڤی هەر لە سەرەتاوە تا ئێستا لە پێشەنگدایە و ئەوەیش شانازییەکی گەورەیە بۆ میدیای کوردستان.

 
مەکتەبی سیاسیی پارتی ساڵیادی کوردستان تیڤی پیرۆز دەکات

TUESDAY, 16 JANUARY 2018 19:01:50

هەولێر-KDP.info- مەکتەبی سیاسیی پارتی دیموکراتی کوردستان بە بۆنەی ١٩ ساڵەی دامەزراندنی کەناڵی ئاسمانیی کوردستان تیڤی، پەیامێکی پیرۆزباییی ئاراستەی بەڕێوەبەری گشتیی و ستافی بەڕێوەبردن و سەرجەم كارمەندانی دەزگای سەتەلایتی كوردستان کرد، کە ئەمە دەقەیەکەیەتی:

 
شێڤرۆن ده‌گه‌ڕێته‌وه‌

TUESDAY, 16 JANUARY 2018 18:01:06

هەولێر-KDP.info- گەورەکۆمپانیای بواری نه‌وت شێڤرۆن، بڕیاری دا بگەڕێتەوە و دەست بە کارەکانی لە کێڵگە نەوتییەکانی هەرێمی کوردستان بکاتەوە. گوتەبێژی کۆمپانیاکە بە فەرمیی ڕایگەیاند، کە بەو نزیکانە دەست بە کارەکانیان دەکەنەوە.

200خێزانی کەرکووک و خورماتوو لە چەمچەماڵ هاوکاری کران

TUESDAY, 16 JANUARY 2018 15:01:53

چەمچەماڵ-KDP.info- دەزگای خێرخوازیی بارزانی هاوکاریی ٢٠٠ خێزانی کەرکووک و خورماتووی کرد و هاوکات جلوبەرگی زستانەی پێشکەشی ٣٥٥٨ منداڵی پەنابەری سووری کرد.

 

تیلەرسن بۆ نێچیرڤان بارزانی، پشتگیری ئەمەریکای بۆ چارەکانی قەیرانەکانی هەرێم دووپات کردەوە

TUESDAY, 16 JANUARY 2018 15:01:42

هەولێر-KDP.info-  وەزیری دەرەوەی ئەمەریکا لە پێوەندییەکی تەلەفۆنیدا لەگەڵ سەرۆکوەزیرانی کوردستان، پشتگیریی ئه‌مه‌ریكای له‌ پرۆسه‌ی دیموكراسی و هه‌ڵبژاردن له‌ عێراق و هه‌رێمی كوردستان ده‌ربڕی، هه‌روه‌ها هیوای خواست حكوومه‌تی هه‌رێمی كوردستان له‌ ڕووبه‌ڕووبوونه‌وه‌ی ئه‌و قه‌یرانانه‌ی تێیكه‌وتووه‌ سه‌ركه‌وتوو بێت، له‌مباره‌یه‌وه‌ پشتگیریی وڵاته‌كه‌ی دووپات كرده‌وه‌.



 
© 2017 Kurdistan Democratic Party, KDP