Kurdî  ■  كوردی  ■  عربي
TUE, 19 JUN 2018 19:11 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

"دابەشكردنی مووچەی پێشمەرگە بەردەوامه ‌و ھیچ كێشەیەك لە ئارادا نییە"
| KDP.info


 

ھەولێر-KDP.info- بەڕێوەبەری گشتیی راگەیاندنی وەزارەتی پێشمەرگە ڕایگەیاند، دابەشكردنی مووچەی وەزارەتی پێشمەرگە لەم حەفتەیەدا دەست پێ دەكاتەوە و ھیچ كێشەیەك لە ئارادا نییە.

عەمید ھەڵگورد حیكمەت، بە ماڵپەری فەرمیی پارتی دیموكراتی كوردستانی گوت، "پرسی دابەشكردنی مووچە یەكلا بووەتەوە و دەست بە دابەشكردنی كراوە، تاوەكوو ئێستایش تەنیا مووچەی دیوانی وەزارەتی پێشمەرگە و چەند لیوایەك ماون مووچە وەربگرن، ئەوانەی دیكە بە یەكەكانی ٧٠ و٨٠ـیشەوە ھەمووی مووچەی وەرگرتووە".

عەمید ھەڵگورد گوتیشی، ھیچ كێشەیەك لە ئارادا نییە و تەنیا حەفتەی رابردوو ئەو پارەیەی بۆ دابەشكردنی مووچە رەوانە كرابوو لەلایەن وەزارەتی دارایییەوە، بەشی نەكرد و بڕیارە ئەم حەفتەیە پارە رەوانە بكەن و مووچەی ئەوانی دیكەیش دابەش بكرێت.

لەبارەی چاكسازییەكانی ناو وەزارەتی پێشمەرگەیشەوە، حیكمەت گوتی، پڕۆژەیەكی فراوانی چاكسازی لە وەزارەتی پێشمەرگەیە و لە ماوەی سێ مانگی داھاتوودا جێبەجێ دەكرێت، كە ھەموو جومگەكانی ناو وەزارەت لە خۆی دەگرێت، لەوانە رێكخستنەوەی ھەیكەلیەتی وەزارەت و ھێزی پێشمەرگە.

سەبارەت بە پێداچوونەوە بە پاسەوانی بەرپرسانی وەزارەتی پێشمەرگەیشدا، بەڕێوەبەری گشتیی راگەیاندنی وەزارەتی پێشمەرگە ئاماژەی دا، پێداچوونەوە بە پاسەوانی بەرپرساندا دەكرێت و ئەمەیش خاڵێكە لە چوارچێوەی پڕۆژەی چاكسازیدایە كە لە ماوەی داھاتوودا دەستی پێ دەكرێت و كاری لەسەر دەكرێت، ئەو كاتیش دیاری دەكرێت كە ئاخۆ ھەر بەرپرسێك چەند پاسەوانی ھەبێت و ئەمەیش ھەمووی رێك دەخرێتەوە.

 

بڵند ئیبراھیم

 




دوایین هەواڵەکان

"خێزانێكی كوردی ئێزدی چوونەتە شنگال و چارەنووسیان نادیارە"

TUESDAY, 19 JUNE 2018 16:06:04

شنگال-KDP.info- ماوه‌ی شه‌ش ڕۆژه‌ خێزانێكی كوردی ئێزدی له ‌سنووری قه‌زای شێخان به ‌مه‌به‌ستی كارێكی ئیداره‌ی سه‌ردانی قه‌زای شنگالیان كردووه‌، به‌ڵام تاوه‌كو ئێستا نه‌گه‌ڕاونه‌ته‌وه‌ و چاره‌نووسیان نادیاره‌.

 
"پێشمەرگە ئۆپەراسیۆن دژی داعشەكانی مەخموور ئەنجام دەدات"

TUESDAY, 19 JUNE 2018 14:06:23

مەخموور -KDP.info- چەند ڕۆژێكە تیرۆریستانی داعش لە سنووری مەخموور جووڵەیان زیاد كردووە و، وەك بەرپرسێكیش دەڵێت، ئەگەر داعش نیەتی ھەبێت، دەتوانێت شارەكانیش داگیر بكات، بەڵام پێشمەرگە ئامادەكاری دەكات بۆ لەنێوبردنیان. فەرماندەیەكی میحوەری مەخمووریش ئاشكرای كرد، بە نیازی ئۆپەراسیۆنن بۆ لەنێوبردنی داعشەکانی مەخموور.

 
"پەیامەكەی سەرۆك بارزانی، كلیلی چارەكردنی كێشەكانی ھەرێم و عێراقە"

TUESDAY, 19 JUNE 2018 13:06:18

ھەولێر-KDP.info- لایەنە سیاسییەكان، پەیامەكەی " سەرۆك بارزانی" بە ئەرێنی دەبینن و باوەڕیان وایە، كلیلی چارەكردنی كێشەكانی كوردستان و عێراقە. دەشڵێن، لە بری ئەوەی لە ڕاگەیاندنەكانەوە وەڵام و وەڵامكاری بكرێت، پێویستە لەسەر مێزی گفتوگۆ دابنیشن.

 
عارف ڕوشدی: لە چوارچێوەی پەیامەكەی سەرۆكدا، ئامادەكاری بۆ كۆبوونەوەی لایەنەكان كراوە

TUESDAY, 19 JUNE 2018 12:06:34

هەولێر-KDP.info- سەرۆك بارزانی، لە پەیامی جەژنی رەمەزاندا داوای لە گشت ھێزە سیاسییەكانی ھەرێمی كوردستان كرد، بۆ دەربازكردنی ئەم قۆناغە، دوای جەژن كۆ ببنەوە، راوێژكاری مەكتەبی سیاسیی پارتییش دەڵێ، خواستی سەرۆك بارزانی یەكڕیزیی نێوان لایەنەكانە و، دەست بە ئامادەكاری بۆ ئەنجامدانی كۆبوونەوەی لایەنەكان كراوە.

 
دادگای فیدراڵی، لەبارەی تانەی لایەنەكانەوە كۆ دەبێتەوە

TUESDAY, 19 JUNE 2018 12:06:11

بەغدا-KDP.info- سەرۆكی لیژنەی یاسایی لە پەرلەمانی عێراق گوتی، بڕیارە دووسبەی دادگای فیدراڵی كۆ ببێتەوە و تێیدا گفتوگۆ لەبارەی بڕیارەكانی پەرلەمانی عێراقەوە دەكات، كە لایەنەكان تانەیان لێ داوە، چونكە بڕیاری نایاسایی و نادەستوورین.

 


 
© 2018 Kurdistan Democratic Party, KDP