Kurdî  ■  كوردی  ■  عربي
WED, 17 JAN 2018 00:02 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

ئەو هەموو ترس و پیلانگێڕییە
| KDP.info


 

حوسێن کوردنەژاد
کە بە قووڵی و وردی چاو لە ڕووداوەکانی ناوچە دەکەین، چەند پێکهاتە و دیسکۆرس خۆیان دەردەخەن، بزووتنەوەیەکی دواکەوتووی شیعی و مەوجودییەتێکی سوننە بە تێرۆریست و کۆنسێرڤاتیڤ و مۆدێرنەوە و هەروەها بوونی کورد وەک هێزێکی ژیئۆپۆلیتیکی ستراتێژیک.
گرفت ئەوەیە کە گشتیان لە ئێستا و لە یەک و دوو دەیەی داهاتوودا رووبەرووی گرفتی بەرچاو دەبن لە ڕووی ئەوەی پێیدەگوترێ فاکتۆر یان لایەنی جیاوازی گەشەی مرۆڤییەوە، جا چ ئاو و دەرمان و ئابووریی کاریگەر بێ یان حوکمڕانی و هەتا دوایی.
ژێردەستەیی کورد لەمپەر و کۆسپی سەرەکییە بۆ ئەوەی کە بتوانێ چارەنووسی خۆی بە دەستەوە بگرێ و، بیرێک لە حاڵی خۆی و داهاتووی بکاتەوە.
تەجروبەی زشت و زیبای کوردستانی باشوور لە ڕووی حوکمڕانییەوە سەرەڕای هەموو بۆچوونی رەخنەئامێزی بە بنەما و بێ بنەماوە، نیشانی دا کە کورد چاوی لە داهاتووە و نەک لە رابردوو و کورد حازرە و ئەو توانا کۆمەڵایەتییەی تێدایە کە بتوانێ پەیڕەوەی لە ستراتێژییەکی کۆنەپەرەستانە نەکات.
دەستکەوتەکانی کورد لە باشووردا وەک حوکمڕانی و هەروەها لە ڕۆژئاوادا وەک ساغکردنەوەی کوردستان و بەرخودانی لە باکووردا و هەروەها هاودەنگی و هاوپەیمانیی نەتەوەیی کە نموونەی بەرزەکەمان لە ڕۆژهەڵاتدا دیت، دنیای کۆنەپەرەستی نەیارانی مێژوویی کە داگیرکەری کوردستانن تووشی وەحشەت و ترس کرد.

ڕیفراندۆمی سەربەخۆیی لووتکەی بانگی کورد بوو بۆ ئازادی بە هێزێکی بێوێنەوە، بۆیە داگیرکەران هیچ سنوورێکیان بۆ دەرخستنی ڕووی ڕاستەقینەی خۆیان نەپاراست.
سیاسەتی ناوچە و جیهانی لەم مەرحەلەیەدا فریای ئەو فریاد و بانگە نەکەوت و ڕێی بۆ خۆش نەکرد، بەڵام گشت ئەو ناوەندانە کە لە دوای ڕیفراندۆم باسیان لە ڕیفراندۆم کرد و هەڵوێستیان گرت، بە ئاشکرا ڕایانگەیاند کە ئەم پاسیڤبوون و بێدەنگییە هیی ئەم کاتەیە و تاکتیکە بۆیە نەتیجەی ریفراندۆمی مێژوویی کوردیان سڕ کردەوە.
کە نەتیجەی ڕیفراندۆم لە ناو نەچوو و سڕ کرا، ترس و وەحشەتی داگیرکەران هێندەی تر ئاگری گرت و خەڵکی ئازادیخوازی کوردستان کە دەرەتانی کەمی لەبەردەستدایە بۆ ئیدارەی سەرکەوتوانەی خۆی، بەڵام خاوەن داهاتووی گەورەیە لە ناوچەدا، هەموو ڕۆژێک تووشی پیلانگێرییەک دەکەن.
بۆ ئێمەی کورد پێویستە بزانین کە دوژمنان و دەست و بەندەکانیان خاوەن هیچ داهاتوویەک نین بۆ وڵاتی ئێمە، ئەوەی ئەوان کردوویانە نموونەکەی سووریا و وێرانەکانی تری ناوچەیە. بۆیە دەتوانین بپرسین کەس هەیە خوازیار بێ باشوور وێرانە بێت؟ ئەمە پرسیارە نەک هەر بۆ خەڵکی ئاسایی وڵات، بەڵکو بۆ سیاسییەکانی زانا و کەمزان و زۆر خۆێندەوار و کەم خۆێندەوار.
پاراستنی وڵات ئەرکی هەموو کوردستانییەکە کە خوازیاری داهاتووە و تێکدان و ڕووخاندنی ئەرکی دوژمنانە. ڕادەی ترس و وەحشەتی نەیاران لە ڕزگاریی کورد خۆی وەڵامی ڕاستی و دروستیی ڕێبازی سەربەخۆییی کوردستانە.
زیاتر لە ئێمە نەیاران بۆ خۆیشیان دەزانن کە پێشی ئەم کاروانە بە کەس ناگیرێ. هەنگاوەکانی حکوومەتی کوردستان لە ئەمڕۆدا حیسابی بۆ بکەین حەوتوو تا حەوتوو، ئیسباتی وەدەستهێنانی دەستکەوتی تازەمان بۆ دەکات. پاراستنی ئەوەی هەمانە و باشترکردنی ئەرکە نەک تێکدانی، مرۆڤ و میللەتی ئاقڵ لە خۆی تێک نادات، دەنا رووڕەشی کۆمەڵگا و مناڵەکانمان و مێژوو دەبین.




دوایین هەواڵەکان

په‌یامی سه‌رۆك بارزانی له‌ ساڵیادی دامه‌زراندنی كوردستان تی ڤیدا

TUESDAY, 16 JANUARY 2018 20:01:15

هه‌ولێر-KDP.info-  له‌ په‌یامیدا له‌ ساڵیادی دامه‌زراندنی كه‌ناڵی ئاسمانیی کوردستاندا، سه‌رۆك بارزانی ڕایده‌گه‌یێنێ، لە ڕووی پابەندبوون بە ئەرکی نەتەوەیی و نیشتیمانی و گەیاندنی پەیامی ئاشتی و پێکەوەژیان و دەنگی ڕەوای بزاڤی ڕزگاریخوازانەی گەلی كورددا، كوردستان تی ڤی هەر لە سەرەتاوە تا ئێستا لە پێشەنگدایە و ئەوەیش شانازییەکی گەورەیە بۆ میدیای کوردستان.

 
مەکتەبی سیاسیی پارتی ساڵیادی کوردستان تیڤی پیرۆز دەکات

TUESDAY, 16 JANUARY 2018 19:01:50

هەولێر-KDP.info- مەکتەبی سیاسیی پارتی دیموکراتی کوردستان بە بۆنەی ١٩ ساڵەی دامەزراندنی کەناڵی ئاسمانیی کوردستان تیڤی، پەیامێکی پیرۆزباییی ئاراستەی بەڕێوەبەری گشتیی و ستافی بەڕێوەبردن و سەرجەم كارمەندانی دەزگای سەتەلایتی كوردستان کرد، کە ئەمە دەقەیەکەیەتی:

 
شێڤرۆن ده‌گه‌ڕێته‌وه‌

TUESDAY, 16 JANUARY 2018 18:01:06

هەولێر-KDP.info- گەورەکۆمپانیای بواری نه‌وت شێڤرۆن، بڕیاری دا بگەڕێتەوە و دەست بە کارەکانی لە کێڵگە نەوتییەکانی هەرێمی کوردستان بکاتەوە. گوتەبێژی کۆمپانیاکە بە فەرمیی ڕایگەیاند، کە بەو نزیکانە دەست بە کارەکانیان دەکەنەوە.

200خێزانی کەرکووک و خورماتوو لە چەمچەماڵ هاوکاری کران

TUESDAY, 16 JANUARY 2018 15:01:53

چەمچەماڵ-KDP.info- دەزگای خێرخوازیی بارزانی هاوکاریی ٢٠٠ خێزانی کەرکووک و خورماتووی کرد و هاوکات جلوبەرگی زستانەی پێشکەشی ٣٥٥٨ منداڵی پەنابەری سووری کرد.

 

تیلەرسن بۆ نێچیرڤان بارزانی، پشتگیری ئەمەریکای بۆ چارەکانی قەیرانەکانی هەرێم دووپات کردەوە

TUESDAY, 16 JANUARY 2018 15:01:42

هەولێر-KDP.info-  وەزیری دەرەوەی ئەمەریکا لە پێوەندییەکی تەلەفۆنیدا لەگەڵ سەرۆکوەزیرانی کوردستان، پشتگیریی ئه‌مه‌ریكای له‌ پرۆسه‌ی دیموكراسی و هه‌ڵبژاردن له‌ عێراق و هه‌رێمی كوردستان ده‌ربڕی، هه‌روه‌ها هیوای خواست حكوومه‌تی هه‌رێمی كوردستان له‌ ڕووبه‌ڕووبوونه‌وه‌ی ئه‌و قه‌یرانانه‌ی تێیكه‌وتووه‌ سه‌ركه‌وتوو بێت، له‌مباره‌یه‌وه‌ پشتگیریی وڵاته‌كه‌ی دووپات كرده‌وه‌.



 
© 2017 Kurdistan Democratic Party, KDP