Kurdî  ■  كوردی  ■  عربي
WED, 17 OCT 2018 13:18 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

سه‌رۆك بارزانی و ئوسامە نوجێفی: نابێ کێشەکان لەرێگەی زمانی زبر و فەرزی ئەمری واقیع یەکلایی بکرێنەوە
| KDP.info


هەولێر-KDP.info-  (سه‌رۆك بارزانی) پێشوازی له‌ جێگری سه‌رۆككۆماری عێراق كرد و هه‌ردوولا جه‌ختیان له‌وه‌ كرده‌وه‌، كه كێشه‌كانی نێوان هه‌رێمی كوردستان و به‌غدا نابێت له‌ رێگه‌ی زمانی زبر و فه‌رزی ئه‌مری واقیع یه‌كلایی بكرێته‌وه‌، به‌ڵكو ده‌بێت سه‌رجه‌م كێشه‌كان له‌ڕێگه‌ی گفتوگۆ و دانیشتن چاره‌ بكرێت.

رۆژی پێنج شه‌ممه‌ 7ـی12ـی2017 له‌ سه‌لاحه‌ددین سه‌رۆك (مه‌سعوود بارزانی) پێشوازی له‌ (ئوسامه‌ نوجێفی) جێگری سه‌رۆككۆماری عێراق كرد.
له‌ دیداره‌كه‌دا، كه‌ (فازڵ میرانی) سكرتێر و (هۆشیار زێباری) و (ئازاد به‌رواری) ئه‌ندامانی مه‌كته‌بی سیاسی پارتی دیموكراتی كوردستان ئاماده‌ بوون، بارودۆخی سیاسی نێوده‌وڵه‌تی و عێراق و ناوچه‌كه‌ خرایه‌ به‌رباس و گفتوگۆ و رۆشنایی خرایه‌ سه‌ر ره‌وشی ئاواره‌كان و بارودۆخی شاری مووسڵ.

له‌ به‌شێكی دیكه‌ی كۆبوونه‌وه‌كه‌دا، په‌یوه‌ندی نێوان هه‌ولێر و به‌غدا و  پرۆسه‌ی سیاسی عێراق و دوا رۆژی ژیانی سیاسی پێكهاته‌كان له‌ عێراق، هه‌روه‌ها كێشه‌ و ته‌حه‌ددیاتی ناو پرۆسه‌ی سیاسی تاوتوێكرا و هه‌ردوولا جه‌ختیان له‌وه‌ كرده‌وه‌، كه كێشه‌كانی نێوان هه‌رێمی كوردستان و به‌غدا نابێت له‌ رێگه‌ی زمانی زبر و فه‌رزی ئه‌مری واقیع یه‌كلایی بكرێته‌وه‌، به‌ڵكو ده‌بێت سه‌رجه‌م كێشه‌كان له‌ڕێگه‌ی گفتوگۆ و دانیشتن چاره‌سه‌ر بكرێت.

هه‌روه‌ها له‌سه‌ر ئه‌وه‌ش هاوڕابوون، كه‌ چاره‌كردنی كێشه‌كان و تێپه‌ڕاندنی ته‌حه‌ددیات و رێگه‌گرتن له‌ قوڵبوونه‌وه‌ی قه‌یرانه‌كان پێویستی به‌ هه‌ماهه‌نگی و لێكتێگه‌یشتن و كاری هاوبه‌شی لایه‌نه‌كان هه‌یه‌.

 




دوایین هەواڵەکان

بارەگای بارزانی، سەرەخۆشی لە خانەوادەی سیروان عومەر ڕەواندزی دەكات

WEDNESDAY, 17 OCTOBER 2018 12:10:26

بە ناوی خودای گەورە و میهرەبان

خانەوادەی خوالێخۆشبوو سیروان عومەر ڕەواندزی

بە دڵگرانییەوە هەواڵی كۆچی دوایی كارمەندی كوردستان تیڤی (سیروان عومەر ڕەواندزی)ـیمان پێ گەییشت.

سەرۆك بارزانی پێشوازی لە باڵیۆزی كەنەدا لە عێراق کرد

WEDNESDAY, 17 OCTOBER 2018 12:10:45

هەولێر-KDP.info-  لە دیداریدا لەگەڵ سەرۆک بارزانی، وێڕای پیرۆزبایی سەركەوتنی هەڵبژاردنەكانی هەرێمی كوردستان و سەركەوتنی لیستی پارتی، باڵیۆزی كەنەدا ڕایگەیاند، کە وڵاتەكەی لە چوارچێوەی ناتۆ بەردەوام دەبێت لە مەشق و ڕاهێنانی هێزەكانی عێراق و هەرێمی كوردستان.

 
ڕاوێژكاری كۆمارییەكانی ئەمەریكا: هێزە عێراقییەكان و حەشد، داعش دژی كورد بەكار دەهێنن

WEDNESDAY, 17 OCTOBER 2018 12:10:44

هەولێر-KDP.info- ڕاوێژكارێكی پارتی كۆماریی ئەمەریكا، چەند نهێنییەك ئاشكرا دەكات و دەڵێت، حەشدی شەعبی بە ھاوكاریی سوپای عێراق، سەرقاڵی دامەزراندنی داعشە كۆنەكانن لە ناوچە كوردییەكاندا.

 
دامەزراوەی دەرمانی نیشتمانی لە ھەرێمی كوردستان دروست دەكرێت

WEDNESDAY, 17 OCTOBER 2018 12:10:41
هەولێر-KDP.info- لە كۆنگرەیەكی رۆژنامەوانیدا رێكەوت حەمە رەشید، وەزیری تەندروستی ھەرێمی كوردستان رایگەیاند، حكوومەتی ھەرێمی كوردستان چەند بڕیارێكی لەبارەی بازرگانی كردن بە دەرمان دەركردووە و دامەزراوەی دەرمانی نیشتمانی لە ھەرێمی كوردستان دروست دەكرێت.
 
زریان كاكەیی: بە ھۆی داگیركاریی ١٦ ئۆكتۆبەرەوە، ھیچ نەما بەرانبەر بە پێكھاتەكان نەكرێت

WEDNESDAY, 17 OCTOBER 2018 10:10:41

هەولێر-KDP.info- داگیركەرانی ١٦ی ئۆكتۆبەر، دەستیان لە ھیچ تاوانێك دەرهەق بە پێكھاتەكانی كەركووك و ناوچە كوردستانییە داگیركراوەكان نەپاراستووە و، مامۆستایەكی زانكۆیش باوەڕی وایە، ھێشتا ١٦ی ئۆكتۆبەر كۆتایی نەھاتووە و بەردەوامە. دەشڵێ،  خەڵكێك دەرگای ماڵەكەی بە ڕووی دزدا كردەوە و كارەسات بەسەر گەلی كورددا ھات.

 


 
© 2018 Kurdistan Democratic Party, KDP