Kurdî  ■  كوردی  ■  عربي
WED, 17 OCT 2018 13:19 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

حکوومەتی هەرێم وەڵامی عەبادیی دایەوە: خه‌ڵكی كوردستان بڕوایان به‌ قسه‌كانت نییه‌
| KDP.info


هەولێر-KDP.info-  ئەمڕۆ گوتەبێژی حکوومەتی هەرێمی کوردستان وەڵامی قسەکانی دوێنێی سەرۆکوەزیرانی حکوومەتی عێراقی دایەوە سەبارەت بە مووچەی فەرمانبەران و فڕگەکانی هەرێمی کوردستان و کۆمەڵێک پرسی دی، ئەمەش دەقی روونکردنەوەی گوتەبێژی حکوومەتی هەرێمی کوردستانە:

ده‌رباره‌ى لێدوانه‌كانى دوێنێ سێشه‌ممه‌ ٥/١٢/٢٠١٧ى (حه‌یده‌ر عه‌بادى)، سه‌رۆكوه‌زیرانى عێراق كه‌ له‌ كۆنگره‌ ڕۆژنامه‌وانییه‌ هه‌فتانه‌ییه‌كه‌یدا باسى له هه‌رێمى كوردستان كردبوو، (سه‌فین دزه‌یى) گوته‌بێژى حكوومه‌تى هه‌رێمى كوردستان له‌ لێدوانێكدا بۆ ماڵپه‌ڕى حكوومه‌ت، ڕایگه‌یاند:

(عه‌بادى) چه‌ندین جاره‌ باسى ئه‌وه‌ ده‌كات گوایه‌ مووچه‌ى مووچه‌خۆرانى هه‌رێمى كوردستان ده‌نێرێت و بۆ ئه‌مه‌ش خه‌ریكى وردبوونه‌وه‌ن له‌ لیسته‌كانى مووچه‌خۆرانى هه‌رێم، به‌ڵام وه‌ك پێشتریش گوتوومانه‌ حكوومه‌تى فیدراڵ تا ئێستا هیچ لیستێكى له‌ حكوومه‌تى هه‌رێمى داوا نه‌كردووه‌، بۆیه‌ ئاگادار نین و نازانین ئه‌وانه‌ كام لیستانه‌ن كه‌ حكوومه‌ته‌كه‌ى (عه‌بادى) خه‌ریكى لێوردبوونه‌وه‌یانه‌؟! خه‌ڵكى كوردستان ئیتر باش له‌وه‌ تێگه‌یشتووه‌ كه‌ ئه‌وه‌ له‌ لێدوانى میدیایى بترازێ، هیچى تر نییه‌، بۆیه‌ هیچ متمانه‌یه‌كى به‌و قسانه‌ نه‌ماوه‌.

ده‌رباره‌ى بابه‌تى ده‌روازه‌ سنوورییه‌كان و به‌رده‌وامیى داخستنى فڕۆكه‌خانه‌كانى هه‌رێمى كوردستانیش، (دزه‌یى) دووپاتى كرده‌وه‌ كه‌ به‌پێى مادده‌ى (١١٤)ى ده‌ستوورى عێراق، به‌ڕێوه‌بردنى ده‌روازه‌ سنوورییه‌كان به‌ ته‌نیا ده‌سه‌ڵاتى حكوومه‌تى فیدراڵ نییه‌، به‌ڵكوو به‌ هاوبه‌شى له‌گه‌ڵ هه‌رێم به‌ڕێوه‌ ده‌برێت، بۆ ئه‌م مه‌به‌سته‌ش هه‌میشه‌ ڕامانگه‌یاندووه‌ كه‌ حكوومه‌تى هه‌رێم ئاماده‌ى هاوكارى و هه‌ماهه‌نگییه‌.

هه‌رچى داخستنى فڕۆكاخه‌كانیشه‌، ئه‌وه‌ سزادانى هاووڵاتیانى هه‌رێمى كوردستانه‌، سزادانى ئه‌و نه‌خۆش و پێشمه‌رگانه‌یه‌ كه‌ له‌ كاتى به‌رگرى له‌ هه‌رێمى كوردستان و له‌ عێراق له‌ شه‌ڕى دژى داعشدا بریندار بوون و پێویستییان به‌ چاره‌سه‌ره‌ له‌ ده‌ره‌وه‌ى وڵات. سه‌فه‌ركردن له‌ ڕێگه‌ى فڕۆكه‌خانه‌كانى به‌غدا، یان شاره‌كانى دیكه‌ى عیراقه‌وه‌ هێنده‌ ئاسان نییه‌ وه‌ك (عه‌بادى) باسى ده‌كات، هه‌م تێچووى سه‌فه‌ر له‌سه‌ر هاووڵاتیان زیاد ده‌كات، هه‌م كاتێكى زۆریان ده‌گرێت. پرسیاره‌كه‌ ئه‌وه‌یه‌ بۆچى هاووڵاتییه‌كى به‌غدا، یان نه‌جه‌ف، یان به‌سرا مافى ئه‌وه‌ى هه‌یه‌ له‌ شاره‌كه‌ى خۆیه‌وه‌ ڕاسته‌وخۆ سه‌فه‌رى ده‌ره‌وه‌ى وڵات بكات، به‌ڵام هاووڵاتییه‌كى هه‌رێم ئه‌و مافه‌ى نییه‌؟! ئه‌مه‌ كوێى هاووڵاتیبوونه‌؟!!

ده‌رباره‌ى حكوومه‌تى هه‌رێم و كێشه‌ سیاسییه‌كانى هه‌رێمى كوردستانیش كه‌ (عه‌بادى) باسى كردووه‌، به‌ڕێز دزه‌یى گوتى: كاتى ئه‌وه‌مان نییه‌ باسى ئه‌و هه‌موو كێشه‌ و كه‌موكوڕیانه‌ بكه‌ین كه‌ هه‌ر له‌ سه‌ره‌تاى ده‌ستبه‌كاربوونى كابینه‌كه‌ى عه‌بادییه‌وه‌ به‌رۆكى حكوومه‌ته‌كه‌ى گرتوون، ئه‌مه‌ بابه‌تى ئێمه‌ نییه‌ و هیچ سوودێكیشى بۆ ئه‌م دۆخه‌ نییه‌. ده‌رباره‌ى حكوومه‌تى هه‌رێمى كوردستانیش، ئه‌وه‌ شه‌رعییه‌تى له‌ په‌رله‌مان و گه‌لى كوردستان وه‌رگرتووه‌ و هیچ پێویستییه‌كى به‌ شه‌رعیه‌تپێدانى خه‌ڵكى دیكه‌ نییه‌، به‌ شێوه‌یه‌كى یاساییش به‌ دوو خولى ته‌شریعى له‌گه‌ڵ په‌رله‌مانى كوردستان به‌رده‌وام ده‌بێت و ده‌سه‌ڵاتى ته‌واوى به‌سه‌ر هه‌موو كایه‌یه‌كى هه‌رێمى كوردستاندا هه‌یه‌.

(دزه‌یى) دووپاتى كرده‌وه‌ كه‌ هه‌رێمى كوردستان وه‌ك هه‌میشه‌ ڕایگه‌یاندووه‌، ڕاستگۆیانه‌ و به‌ نیازپاكییه‌وه‌ داواى گفتوگۆ بۆ چاره‌كردنى كێشه‌كان ده‌كات، به‌ڵام ئه‌وه‌ى كه‌ وه‌ڵام ناداته‌وه‌ و ته‌نیا له‌ ڕێگه‌ى میدیا و كۆنگره‌ ڕۆژنامه‌وانییه‌وه‌ ـ بۆ پڕۆپاگه‌نده‌، نه‌ك بۆ چاره‌سه‌ر ـ به‌رده‌وام باسى چاره‌سه‌ر و لێكگه‌یشتن و ده‌ستوور و هاووڵاتیبوون و ئه‌و ده‌سته‌واژانه‌ ده‌كات، به‌ڕێز عه‌بادییه‌، ئه‌مه‌ش به‌دڵنیاییه‌وه‌ هیچ خزمه‌تێك به‌ دۆخه‌كه‌ ناكات و نابێته‌ هۆى چاره‌سه‌رێكى جیددى بۆ كێشه‌كان، به‌ پێچه‌وانه‌وه‌ ده‌بێته‌ هۆى به‌رده‌وامیى ناسه‌قامگیرى.




دوایین هەواڵەکان

بارەگای بارزانی، سەرەخۆشی لە خانەوادەی سیروان عومەر ڕەواندزی دەكات

WEDNESDAY, 17 OCTOBER 2018 12:10:26

بە ناوی خودای گەورە و میهرەبان

خانەوادەی خوالێخۆشبوو سیروان عومەر ڕەواندزی

بە دڵگرانییەوە هەواڵی كۆچی دوایی كارمەندی كوردستان تیڤی (سیروان عومەر ڕەواندزی)ـیمان پێ گەییشت.

سەرۆك بارزانی پێشوازی لە باڵیۆزی كەنەدا لە عێراق کرد

WEDNESDAY, 17 OCTOBER 2018 12:10:45

هەولێر-KDP.info-  لە دیداریدا لەگەڵ سەرۆک بارزانی، وێڕای پیرۆزبایی سەركەوتنی هەڵبژاردنەكانی هەرێمی كوردستان و سەركەوتنی لیستی پارتی، باڵیۆزی كەنەدا ڕایگەیاند، کە وڵاتەكەی لە چوارچێوەی ناتۆ بەردەوام دەبێت لە مەشق و ڕاهێنانی هێزەكانی عێراق و هەرێمی كوردستان.

 
ڕاوێژكاری كۆمارییەكانی ئەمەریكا: هێزە عێراقییەكان و حەشد، داعش دژی كورد بەكار دەهێنن

WEDNESDAY, 17 OCTOBER 2018 12:10:44

هەولێر-KDP.info- ڕاوێژكارێكی پارتی كۆماریی ئەمەریكا، چەند نهێنییەك ئاشكرا دەكات و دەڵێت، حەشدی شەعبی بە ھاوكاریی سوپای عێراق، سەرقاڵی دامەزراندنی داعشە كۆنەكانن لە ناوچە كوردییەكاندا.

 
دامەزراوەی دەرمانی نیشتمانی لە ھەرێمی كوردستان دروست دەكرێت

WEDNESDAY, 17 OCTOBER 2018 12:10:41
هەولێر-KDP.info- لە كۆنگرەیەكی رۆژنامەوانیدا رێكەوت حەمە رەشید، وەزیری تەندروستی ھەرێمی كوردستان رایگەیاند، حكوومەتی ھەرێمی كوردستان چەند بڕیارێكی لەبارەی بازرگانی كردن بە دەرمان دەركردووە و دامەزراوەی دەرمانی نیشتمانی لە ھەرێمی كوردستان دروست دەكرێت.
 
زریان كاكەیی: بە ھۆی داگیركاریی ١٦ ئۆكتۆبەرەوە، ھیچ نەما بەرانبەر بە پێكھاتەكان نەكرێت

WEDNESDAY, 17 OCTOBER 2018 10:10:41

هەولێر-KDP.info- داگیركەرانی ١٦ی ئۆكتۆبەر، دەستیان لە ھیچ تاوانێك دەرهەق بە پێكھاتەكانی كەركووك و ناوچە كوردستانییە داگیركراوەكان نەپاراستووە و، مامۆستایەكی زانكۆیش باوەڕی وایە، ھێشتا ١٦ی ئۆكتۆبەر كۆتایی نەھاتووە و بەردەوامە. دەشڵێ،  خەڵكێك دەرگای ماڵەكەی بە ڕووی دزدا كردەوە و كارەسات بەسەر گەلی كورددا ھات.

 


 
© 2018 Kurdistan Democratic Party, KDP