Kurdî  ■  كوردی  ■  عربي
MON, 16 JUL 2018 15:33 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

مستەفا چاوڕەش: چیی دی ناهێڵین حەشدی شەعبی پێشڕەوی بکات
| KDP.info


گەرمیان-KDP.info- هێزه‌كانی حه‌شدی شه‌عبی و سوپای عێراق چه‌ند ڕۆژی ڕابردووو داوای بازگه‌ی شێخ باوه‌ی، سنووری ئیداره‌ی گه‌رمیانیان کرد، به‌ڵام ئاسایش ڕه‌تی كرده‌وه‌، ئه‌و بازگه‌یان ته‌سلیم بكات، ئه‌و هێزانه‌ هاتوونه‌ته‌ قه‌ره‌هه‌نجیر و ئاژاوه‌یان ناوه‌ته‌وه‌، (مسته‌فا چاوڕه‌ش)، ئه‌ندامی سه‌ركردایه‌تیی یه‌كێتی ده‌ڵێ، چیی دیكه‌ ڕێگه‌ ناده‌ن ئه‌و هێزانه‌ پێشڕه‌وی بكه‌ن بۆ هیچ ناوچه‌یه‌كی دیکەی كوردستان و داگیری بكه‌ن.

 

(مسته‌فا چاوڕه‌ش)، ئه‌ندامی سه‌ركردایه‌تیی یه‌كێتی و فه‌رمانده‌ی سه‌ربازیی هێزی پێشمه‌رگه‌ی كوردستان، تایبه‌ت به‌ ماڵپه‌ڕی فه‌رمیی پارتی دیموكراتی كوردستان ڕایگه‌یاند: "كاتی ئه‌وه‌ هاتووه‌ ئیدی سنوورێك بۆ ئه‌و ناعه‌دالیه‌تییه‌ی هێزه‌كانی سوپای عێراق و حه‌شدی شه‌عبی دابندرێت، بۆیه‌‌ ئێستا‌ خه‌ریكی ڕێكخستنه‌وه‌ی هێزه‌كانی پێشمه‌رگه‌ی كوردستانین، سه‌نگه‌ری نوێی خه‌نده‌ق له‌گه‌ڵ ئه‌و هێزانه‌ لێدراوه‌ و چیی دیكه‌ ڕێیان ناده‌ینێ، یه‌ك بست پێشڕه‌وی بكه‌ن، له‌وه‌ی هاتوون له‌ دوای ڕوداوه‌كانی 16ـی ئۆكتۆبه‌ر."

 

له‌باره‌ی ئه‌وه‌ی ئه‌و هێزانه‌ داوای بازگه‌ی شێخ باوه‌ی، سنووری ئیداره‌ی گه‌رمیان دەکەن و له‌ قه‌ره‌هه‌نجیر چه‌ند جارێك ئاژاوه‌یان ناوه‌ته‌وه‌، (چاوڕه‌ش) گوتی: "له‌و شوێنانه‌ی كه‌ هێزه‌كانی عێراقی لێیه‌، ئیدی له‌وه ‌زیاتر بیانه‌وێت پێشڕه‌وی بكه‌ن لێیان قبووڵ ناكه‌ین، بۆیه‌ ئه‌گه‌ر ڕێیان بده‌ین ئه‌وان ده‌یانه‌وێت كوردستان هه‌مووی كاول بكه‌ن، بۆیه‌ ئیدی بێت و بیانه‌وێت سنوور ببه‌زێنن، شه‌ڕ دروست ده‌بێت."

 

ئه‌و فه‌رمانده‌ سه‌ربازییه‌ی یه‌كێتی دەشڵێت: "له‌گه‌ڵ جه‌نابی كاك (مەسعوود بارزانی) كۆبونه‌وه‌مان كردووه‌، باسمان له‌ سه‌نگه‌ره‌كانی پێشمه‌رگه‌ و ڕێكخستنه‌وه‌ی هێزه‌كانمان كرد، ته‌واوی ڕه‌وشی سه‌ربازیمان له‌ سه‌نگه‌ره‌كان تاوتوێ كرد، ته‌واوی میحوه‌ره‌كان ڕێك خراونه‌ته‌وه."

 

له‌باره‌ی ڕه‌وشی ئێستا‌ی دووزخورماتوو ناوبراو ده‌ڵێت: "حه‌شدی شه‌عبی ئه‌و شاره‌یان كاول كردووه‌، ئه‌وه‌ش حكوومه‌تی عێراق لێی به‌رپرسیاره،‌ كه‌ به‌ پێی قانوون ئه‌و هێزانه‌ سه‌ر به‌ حكوومه‌تی عێراقن، بۆیه‌ ئێستا سه‌ركردایه‌تیی سیاسیی كوردستان له‌گه‌ڵ وڵاتان له‌سه‌ر خه‌تن بۆ چاره‌كردنی ئه‌و ڕه‌وشه‌ كاولكارییه‌ی كه‌ ئه‌و هێزانه‌ به‌سه‌ر دووزخورماتویان هێناوه‌."

 

له‌باره‌ی جووڵه‌ی هێزه‌كانی حه‌شدەوە ده‌ڵێت: "حه‌شد زیاتر له‌ 60 گرووپن، هیچ تەرتیبێکی سەربازییان نییە و سه‌ره‌ڕای ئه‌وه‌ی به‌ یاسا وا ده‌رده‌كه‌وێت سه‌ر به‌ حكوومه‌تی عێراقن، به‌ڵام هه‌رگرووپه‌ و سه‌ر به‌ كه‌سایه‌تێكی عێراقه،‌ بۆیه‌ بێسه‌روبه‌رن و كه‌س خه‌تی كه‌س ناخوێنێته‌وه‌."

 

هێڤیار هەڵەبجەیی




دوایین هەواڵەکان

"پارتی و یەکێتیی بە پڕۆژەیەکی هاوبەشی نیشتمانی دەچنە بەغدا"

MONDAY, 16 JULY 2018 15:07:15

هەولێر-KDP.info-  ئەمڕۆ مەکتەبی سیاسی پارتی دیموکراتی کوردستان و مەکتەبی سیاسی یەکێتیی نیشتمانی کوردستان لە هەولێر کۆبوونەوە و ناوەڕۆکی کۆبوونەوەکە راگەیاندرا کە پارتی و یەکێتی بە پرۆژەیەکی هاوبەشی نیشتمانی دەچنە بەغدا.

"کۆمپانیاکانی ھەرێم بەهۆی دۆخی عێراقەوە ڕێگەی ھاوردەکردنی کالاکانیان گۆڕیوە"

MONDAY, 16 JULY 2018 14:07:59

هەولێر-KDP.info- بە ھۆی ئاڵۆزییەکانی چەند ڕۆژی ڕابردووی عێراقەوە مەترسی بۆ سەر کەرتی بازرگانی، بەتایبەت ھاوردەکردنی کەلوپەلی بیانی دروست بووە و وەک سەرۆکی یەکێتیی ھاوردە و ھەناردەکارانی کوردستانیش دەڵێ، کۆمپانیاکانی ھەرێمی کوردستان ڕێگەیان گۆڕیوە.

 
خالد ئەحمەد: ل پارێزگەها دهۆکێ دەنگ وەکهەڤ دەرکەتینە

MONDAY, 16 JULY 2018 14:07:00

دهۆک- KDP.info- بەرپەرسى نڤیسینگەها هەلبژارتنان ل لقا ئێکێ پارتى راگەهاند، پشتى پرۆسیسا ڤاڤارتنا دەنگان ل پارێزگەها دهۆکى دەسپێکرى، دەنگێن پارتى کێم نەکرینە و دەنگ وەکهەڤ بووینه، بەلێ ب مخابنى ڤە کومسیونا هەلبژارتنان ئیدارەکا گەلەکا خراب  ددەنگدانا ئاوارەیان دا کریە و باوەرم ژى ئەڤە نیەتەکا سیاسى ل پشت هەبوویە.

 
ئەمڕۆ چارەنووسی ٢٢٧ سندووقی ئاوارەكانی شنگال یەكلا دەبێتەوە

MONDAY, 16 JULY 2018 13:07:41

دهۆك-KDP.info- كاندیدێكی پارتی دیموكراتی كوردستان لە شنگال ڕایگەیاند، بڕیارە ئەمڕۆ چارەنووسی ٢٢٧ سندووقی ئاوارەكانی شنگال یەكلا ببێتەوە.

 
چیای قەرەچووغ.. ئۆپەڕاسیۆنەكە بە سەركەوتوویی بەڕێوە دەچێت و پێشمەرگە گەمارۆی داعشیان داوە

MONDAY, 16 JULY 2018 13:07:08

مەخموور-KDP.info- بەیانیی ئەمڕۆ دووشەممە، ئۆپەراسیۆنی پێشمەرگە و ھاوپەیمانان بۆ سەر تیرۆریستانی داعش لە بناری چیای قەرەچووغی نزیك مەخموور دەستی پێكرد و، سەرچاوەیەكی سەربازییش دەڵێ، ژمارەیەك چەكداری داعشیان كوشتوون و پێشمەرگە لە پێشڕەویدایە.

 


 
© 2018 Kurdistan Democratic Party, KDP