Kurdî  ■  كوردی  ■  عربي
SAT, 16 DEC 2017 10:04 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

ئه‌ردۆغان هه‌ڕه‌شه‌ له‌ واشنتن ده‌كات: جیهانی ئیسلامیت لێ هان ده‌ده‌ین
| KDP.info


 

هه‌ولێر-KDP.info-  سه‌رۆكی توركیا(ڕه‌جه‌ب ته‌ییب ئه‌ردۆغان) ده‌ڵێ، كه‌ بێتو واشنتن ددان به‌وه‌دا بنێ كه‌ قودس پایته‌ختی ئیسرایل بێ، ئه‌وا ئه‌م هه‌نگاوه‌ی ئه‌مه‌ریكا هانده‌ر ده‌بێ له‌وه‌ی ئانكارا به‌ ته‌واوی پێوه‌ندییه‌كانی له‌گه‌ڵ وڵاته‌ عیبرییه‌كه‌ بپچڕێت.

(ئه‌ردۆغان) ڕایگه‌یاند، له‌ ئێستادا كه‌ توركیا سه‌رۆكایه‌تیی كۆمه‌ڵه‌ی هاوكاریی ئیسلامی ده‌كات، له‌ ئه‌گه‌ری ئه‌وه‌دا سه‌رۆكی ئه‌مه‌ریكا (دۆناڵد ترامپ) ددان به‌وه‌دا بنێ ئیسرایل قودس بكا به‌ پایته‌ختی وڵاته‌كه‌ی، داوای به‌ستنی لووتكه‌ی كۆمه‌ڵه‌ی هاوكاریی ئیسلامی ده‌كات و ته‌واوی جیهانی ئیسلامی لێ هان ده‌ده‌ین.''

له‌و گوتاره‌ ئاگرینه‌ی كه‌ ئه‌مڕۆ سێشه‌ممه‌ له‌به‌رده‌م ئه‌ندامانی حزبه‌كه‌ی دای گوتی ''به‌رێز (ترامپ)! قودس هێڵی سووری موسوڵمانانه‌.''
(ئه‌ردۆغان) گوتیشی، ''ئانكارا به‌مشێوه‌یه‌ و تا كۆتایی تێده‌كۆشێ، به‌ پچڕاندنی پێوه‌ندییه‌ دیپلۆماسییه‌كانیشمانه‌وه‌ له‌گه‌ڵ ئیسرایلدا.''

ئه‌م لێدوانه‌ی سه‌رۆكی توركیا پاش ئه‌وه‌یه‌، كه‌ ڕۆژی ٢ی ئه‌م مانگه‌، گه‌وره‌به‌رپرسێكی ئه‌مه‌ریكایی گوتوویه‌تی، سه‌رۆكی ئه‌مه‌ریكا(دۆناڵد ترامپ) له‌ گوتاری چوارشه‌ممه‌ی دابێ، قودس وه‌ك پایته‌ختی ده‌وڵه‌تی ئیسرایل بناسێنێت و، به‌مه‌ش سیاسه‌تی ئه‌مه‌ریكا له‌ ڕۆژهه‌ڵاتی نێوه‌ڕاستدا گۆڕانی قووڵی به‌سه‌ردا دێت.

هه‌ڵبه‌ته‌ ئه‌وه‌ی سه‌رۆكی ئه‌مه‌ریكا له‌هه‌گبه‌یدایه‌، گۆڕانكاریی قووڵه‌ له‌ هه‌ڵوێستی سه‌رۆكه‌كانی پێشووتری ئه‌مه‌ریكا كه‌ باوه‌ڕیان وابوو، پێویسته‌ بابه‌تی قودس له‌ چوارچێوه‌ی دانوستانی ئاشتیدا چاره‌نووسه‌كه‌ی یه‌كلا ببێته‌وه‌، به‌ره‌وڕووی به‌رهه‌ڵستكاریی ده‌سته‌ڵاتی فه‌له‌ستینی و تووڕه‌یی جیهانی عه‌ره‌ب به‌ گشتی ببێته‌وه‌.

پێشتر له‌سه‌ر زاری به‌رپرسانی ئه‌مه‌ریكایی وا بلاو كراوبووه‌وه‌، كه‌ هێشتا ئه‌م پرسه‌ به‌ ته‌واوه‌تی یه‌كلا نه‌بووه‌ته‌وه‌، چونكه‌ گه‌وره‌به‌رپرسانی ئه‌مه‌ریكا ده‌ڵێن، بڕیاری دداننان به‌ قودس وه‌ك پایته‌ختی ئیسرایل، هێشتا یه‌كلا نه‌بووه‌ته‌وه‌. گوته‌بێژی ئه‌نجوومه‌نی ئاسایشی نیشتیمانییش له‌ كۆشكی سپی ده‌ڵێ، له‌وباره‌وه‌ شتێكیان بۆ گوتن نییه‌.

ئیسرایل له‌ جه‌نگی ساڵی ١٩٦٧ه‌وه‌ ده‌ستی به‌سه‌ر ڕۆژهه‌ڵاتی قودسدا گرتووه‌، هه‌ڵبه‌ته‌ له‌وكاته‌وه‌ تا ئێستا ئه‌م به‌خۆوه‌لكاندنه‌ی، ددانپێدانانی كۆمه‌ڵگای نێوده‌وڵه‌تی به‌ده‌ست نه‌هێناوه‌.

زریان زیاد




دوایین هەواڵەکان

ئەمەریکا زەنگی جەنگێکی نێودەوڵەتیی لە دژی ئێران لێ دا

FRIDAY, 15 DECEMBER 2017 19:12:00

هەولێر-KDP.info-  باڵیۆزی ئەمەریکا لە یوئێن، زەنگی جەنگێکی نوێی بۆ ئێران لێ دا و، ئەنجوومەنی ئاسایشی نێودەوڵەتییش، دێکۆمێنتی لایە کە ئێران دەستوەردانی کردووە لە یەمەن. بەگوێرەی قسەکانی (نیکی هێلی)، ئەمەریکا هاوپەیمانێتییەکی نێودەوڵەتی بۆ رووبەڕووبوونەوەی ئێران لە رۆژهەڵاتی ناویندا پێک دەهێنێ.

کوڕی دۆستێکی کورد بوو بە سەرۆکوەزیرانی پۆڵۆنیا

FRIDAY, 15 DECEMBER 2017 19:12:54

پۆڵۆنیا-KDP.info-  (ماتێوش مۆراڤێچکی) وەک سەرۆکوەزیرانی نوێی پۆڵۆنیا دەستبەکار بوو، (ماتێوش) کوڕی پەرلەمانتارێکی دۆستی گەلی کوردە کە لە کاتی ئەنجامدانی ریفراندۆمی هەرێمی کوردستان باوکی (ماتێوش) وەک چاودێر لە کوردستانبوو و لەکاتی گەڕانەوەیشی بۆ پۆڵۆنیا رایگەیاند،  ئەو پێکەوەژیانەی لە کوردستان هەیە پێویستە ببێتە نمونەیەک بۆ رۆژهەڵاتی ناوین.

حەشد نەیهێشت ئێزدییەکان بە ئارامی لە شنگال جەژن بگێڕن

FRIDAY, 15 DECEMBER 2017 18:12:37

شنگال-KDP.info- هاووڵاتییەک لە شنگال دەڵێ، حەشدی شەعبی نەیهێشت ئێزدییەکان بە ئارامی جەژن لە شنگال بگێڕن، هەروەها نەیهێشت ئێزدییەکان نەریتێکی ساڵانەیان بەجێبێنن کە لە جەژندا سەردانی گۆڕستان دەکەن.

یەکێتیی مافپەروەرانی نێودەوڵەتیی، لێکۆڵینەوە لە رووداوەکانی خورماتوو دەکات

FRIDAY, 15 DECEMBER 2017 12:12:23

هەولێر-KDP.info-  شاندێکی یەکێتیی مافپەروەرانی نێودەوڵەتی بۆ لێکۆڵینەوە لە رووداوەکانی خورماتوو گەیشتوونەتە ھەرێمی کوردستان و ئەندامێکی یەکێتیی مافپەروەرانی نێودەوڵەتییش دەڵێ، ھەموو ھەوڵێک بۆ بەجینۆسایدناساندنی تاوانەکانی حەشدی شەعبی بەرانبەر بە گەلی کورد دەدەین.

چوار کچی دیکەی ئێزدی رزگار کران

FRIDAY, 15 DECEMBER 2017 09:12:01

شنگاڵ-KDP.info-  بەرپرسی نووسینگەی رزگارکردنی کوردانی ئێزدی لە دەستی داعش دەڵێ، ئەمڕۆ توانرا چوار کچی دیکەی کوردی ئێزدی لە دەستی داعش رزگار بکرێن.



 
© 2017 Kurdistan Democratic Party, KDP