Kurdî  ■  كوردی  ■  عربي
SAT, 16 DEC 2017 10:08 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

مێرمنداڵێك: به‌ قاسم سلێمانیم گوت، به‌رگریكردن له‌ زه‌ینه‌ب ئه‌ركی هه‌ر شیعه‌یه‌كه‌
| KDP.info


 

هه‌ولێر-KDP.info-  به‌گوێره‌ی گرته‌یه‌كی ڤیدیۆیی كه‌ هیی كاتی هێرشی سه‌ر ئه‌لبوكه‌مالی سووریایه‌، به‌ قسه‌كردن له‌گه‌ڵ مێرمنداڵێكدا كه‌ وه‌ك موجاهیدێك ده‌یناسێنن، بانگه‌شه‌ ده‌كرێ بۆ ئه‌وه‌ی مێرمنداڵانی دیكه‌ بۆ بردنه‌ به‌ره‌كانی شه‌ڕ له‌پێناو به‌رگریی له‌(زه‌ینه‌ب) و ئێران.

مێرمنداڵێكی ١٣ساڵان كه‌ خۆی به‌ (نیعمه‌تی) ده‌ناسێنێ ده‌ڵێ، شانازی ده‌كا به‌وه‌ی كه‌ له‌گه‌ڵ گرووپه‌ میلیشیاییه‌كانی شیعه‌ له‌ ئه‌لبوكه‌مالی سووریا، شه‌ره‌فی ڕزگاركردنی ئه‌و شاره‌ی پێ بڕاوه‌ و ده‌ڵێ، ''هاتووم تا به‌رگریی له‌ (زه‌ینه‌ب) بكه‌م.''

ئه‌و مێرمنداڵه‌ی كه‌ ده‌ڵێ خه‌ڵكی مازه‌نده‌رانی وڵاتی ئێرانه‌ و له‌نێو گرووپێك چه‌كداری فارسزماندا وه‌ستاوه‌، وه‌ڵامی پاسدارێك ده‌داته‌وه‌ كه‌ چه‌ند پرسیارێكی لێ ده‌كا و شانازیی ده‌كا به‌وه‌ی، منداڵێك به‌م ته‌مه‌نه‌وه‌ كه‌ بچووكترینی هێزه‌كانیانه‌، هاتووه‌ به‌رگریی له‌ حه‌ره‌می شیعه‌كان ده‌كا و، بۆ پاراستنی (زه‌ینه‌ب) ئه‌گه‌ر بشكوژرێ ئه‌وا مه‌قامی شه‌هیدی پێ ده‌درێ.

ئه‌و منداڵه‌ ١٣ ساڵه‌یه‌ وا باس له‌ ئامانجی له‌ چوونی بۆ سووریا ده‌كات و ده‌ڵێ ''وه‌ك به‌ (قاسم سلێمانی)م گوتووه‌، به‌رگریكردن له‌ (زه‌ینه‌ب) ئه‌ركی هه‌ر شیعه‌یه‌كه‌''، ده‌شڵێ، ''شه‌هیدبوونی شانازیێكه‌ له‌و پێناوه‌دا.''

 


له‌ وه‌ڵامی پرسیارێكی دیكه‌ی ئامانجداردا له‌باره‌ی تیرۆریستان و هێزه‌كانی ئه‌مه‌ریكاوه‌، كه‌ وه‌ك له‌ گرته‌ ڤیدیۆییه‌كه‌ و ناوهێنانی (قاسم سلێمانی)دا ده‌رده‌كه‌وێ كه‌ هێزێكی فه‌یله‌قی قودسی سه‌ر به‌ سوپای پاسدارانی ئێران بێ، (نیعمه‌تی)ی ١٣ ساڵ ده‌ڵێ، ''خۆشحاڵه‌ به‌ سه‌ركه‌وتن و به‌ ئه‌مه‌ریكا ده‌ڵێم ئیسلام سه‌رده‌كه‌وێ.''

وه‌ك هاندانێكیش بۆ مێرمنداڵانی دیكه‌ی ئێرانی، پاسداره‌كه‌ داوای لێ ده‌كا په‌یامی خۆی بۆ هاوته‌مه‌نه‌كانی له‌ ئێران بنێرێ و ئه‌ویش ده‌ڵێ ''وه‌رن و به‌رگریی له‌ حه‌ره‌م بكه‌ن.''

ئاماژه‌ به‌ ناوبردنی دوو كوژراو له‌ سوپای پاسداران به‌ ناوه‌كانی (سه‌مه‌دی و نه‌زه‌ری)، ئه‌و مێرمنداڵه‌ ده‌ڵێ، ''باره‌كه‌ڵڵا كه‌ شه‌ره‌فی شه‌هیدبوونیان پێ براوه‌.''

چه‌كداره‌كه‌ی سوپای پاسداران قسه‌ له‌ منداڵه‌كه‌ ده‌ستێنێته‌وه‌ و ئاماژه‌ به‌ چه‌ند ناوێكی دیكه‌ كه‌ له‌ شه‌ره‌كانی سووریادا كوژراون، ده‌ڵێ ''به‌ هه‌زاران شه‌هیدمان لێره‌ و له‌ پێناو پاراستنی ئاسایشی نیشتیمانیی ئێران داوه‌.''

زریان زیاد




دوایین هەواڵەکان

ئەمەریکا زەنگی جەنگێکی نێودەوڵەتیی لە دژی ئێران لێ دا

FRIDAY, 15 DECEMBER 2017 19:12:00

هەولێر-KDP.info-  باڵیۆزی ئەمەریکا لە یوئێن، زەنگی جەنگێکی نوێی بۆ ئێران لێ دا و، ئەنجوومەنی ئاسایشی نێودەوڵەتییش، دێکۆمێنتی لایە کە ئێران دەستوەردانی کردووە لە یەمەن. بەگوێرەی قسەکانی (نیکی هێلی)، ئەمەریکا هاوپەیمانێتییەکی نێودەوڵەتی بۆ رووبەڕووبوونەوەی ئێران لە رۆژهەڵاتی ناویندا پێک دەهێنێ.

کوڕی دۆستێکی کورد بوو بە سەرۆکوەزیرانی پۆڵۆنیا

FRIDAY, 15 DECEMBER 2017 19:12:54

پۆڵۆنیا-KDP.info-  (ماتێوش مۆراڤێچکی) وەک سەرۆکوەزیرانی نوێی پۆڵۆنیا دەستبەکار بوو، (ماتێوش) کوڕی پەرلەمانتارێکی دۆستی گەلی کوردە کە لە کاتی ئەنجامدانی ریفراندۆمی هەرێمی کوردستان باوکی (ماتێوش) وەک چاودێر لە کوردستانبوو و لەکاتی گەڕانەوەیشی بۆ پۆڵۆنیا رایگەیاند،  ئەو پێکەوەژیانەی لە کوردستان هەیە پێویستە ببێتە نمونەیەک بۆ رۆژهەڵاتی ناوین.

حەشد نەیهێشت ئێزدییەکان بە ئارامی لە شنگال جەژن بگێڕن

FRIDAY, 15 DECEMBER 2017 18:12:37

شنگال-KDP.info- هاووڵاتییەک لە شنگال دەڵێ، حەشدی شەعبی نەیهێشت ئێزدییەکان بە ئارامی جەژن لە شنگال بگێڕن، هەروەها نەیهێشت ئێزدییەکان نەریتێکی ساڵانەیان بەجێبێنن کە لە جەژندا سەردانی گۆڕستان دەکەن.

یەکێتیی مافپەروەرانی نێودەوڵەتیی، لێکۆڵینەوە لە رووداوەکانی خورماتوو دەکات

FRIDAY, 15 DECEMBER 2017 12:12:23

هەولێر-KDP.info-  شاندێکی یەکێتیی مافپەروەرانی نێودەوڵەتی بۆ لێکۆڵینەوە لە رووداوەکانی خورماتوو گەیشتوونەتە ھەرێمی کوردستان و ئەندامێکی یەکێتیی مافپەروەرانی نێودەوڵەتییش دەڵێ، ھەموو ھەوڵێک بۆ بەجینۆسایدناساندنی تاوانەکانی حەشدی شەعبی بەرانبەر بە گەلی کورد دەدەین.

چوار کچی دیکەی ئێزدی رزگار کران

FRIDAY, 15 DECEMBER 2017 09:12:01

شنگاڵ-KDP.info-  بەرپرسی نووسینگەی رزگارکردنی کوردانی ئێزدی لە دەستی داعش دەڵێ، ئەمڕۆ توانرا چوار کچی دیکەی کوردی ئێزدی لە دەستی داعش رزگار بکرێن.



 
© 2017 Kurdistan Democratic Party, KDP