Kurdî  ■  كوردی  ■  عربي
WED, 17 OCT 2018 13:21 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

بۆ یووسف محەمەد: نیشتیمانپەروەری، شانازییەکە بەر ئەمسالی تۆ ناکەوێت
| KDP.info


کارزان کەمال

ڕیفراندۆمی گەلی کوردستان لە ٢٥ـی ئەیلوول دەستکەوتێکی مێژوویی و ئامانجی هەموو شۆڕشەکانی پێشتری گەلی کوردستانە و، هەرگیز لێی پەشیمان نین و دەستبەرداریشی نابین. ئەگەرچی ئێستا بەهۆی خیانەتی تاقمێکی وڵاتفرۆشەوە ئەنجامەکانی ڕیفراندۆم بۆ ماوەیەکی کاتی دواخراوە، بەڵام ئەوە دەنگی ڕەوای زۆرینەی ڕەهای گەلی کوردستانە و بۆ یەکەمجاریشە دانیشتوانی زیاتر لە ٩٠ لە سەدی خاکی کوردستان بتوانن بە ئازادی و دیموکراسی پێکەوە بڕیاری خۆیان لەبارەی چارەنووسیان بە جیهان ڕابگەیەنن و، ئەو بڕیارەش شەرعی و دیموکراسییە و هیچ هێزێک شەرعیەت و مەشروعییەتی هەڵوەشاندنەوەی ئەنجامەکانی ئەو بڕیارەی گەلی کوردستانی نییە.
یووسف محەممەد کە خۆی بە سەرۆکی باڵاترین دەزگای یاسادانانی کوردستان دەزانێت و خۆی یەکێک بووە لەوانەی لە سەرەتاوە بەشدار بووە لە بڕیاری دروستکردنی کۆمسیۆنی باڵای سەربەخۆی هەڵبژاردن و ڕاپرسی و، لە سەرەتای مانگی ٧ـی٢٠١٤ەوە کە ئامادەکارییە یاساییەکان بۆ ڕیفراندۆم لە پەرلەمانەوە دەستی پێکرد، ئەو وەک سەرۆکی پەرلەمان ڕۆڵی تێدا بینیوە، کەچی دواتر بووە سەرقافڵەی کودەتا و هەوڵەکانی بۆ شکستپێهێنانی ئەو پرۆسە مێژووییە، ئێستایش هاتووە و لە ترسان یان بۆ ئەوەی ببێتە بەشێک لە خەنجەری نامەردانە لە پشتی گەلەکەی، گوتوویەتی: "پارتی بە ئەنجامدانی ڕیفراندۆم وەزعی کوردستانی تێک دا".
لە وەڵامی ئەودا دەبێ ئەوە بڵێین کە پێش هەموو شتێک مرۆڤێک هێندە دڵبەکین و دووڕوو بێت و هەموو ئاوات و ئامانجی بووبێتە هەوڵی تێکدان و دژایەتیی دەستکەوتەکانی گەلەکەی، پێویستە لە بنچینە و ڕیشەی ئەو کەسە بکۆڵدرێتەوە کە سەرچاوەی ئەو هەموو حیقدە لە کوێوەیە.
دوای ئەوەش یووسف و ئەوانەی پشت یووسفیش دەبێ بزانن ڕیفراندۆم تەنها بڕیاری یەک کەس و حزبێک نەبووە و هەر خودی حزبەکەی یووسف، کە بزووتنەوەی گۆڕانە لە دەقی ڕێککەوتنە هاوبەشەکەیاندا لەگەڵ یەکێتی جەختیان لە ڕەوایی ڕیفراندۆم کردۆتەوە و زۆرینەی هەرەزۆری حزبەکانی کوردستانیش پشتیوانی ڕیفراندۆم بوون و کاریان بۆ کرد و خودی ڕێکخەری حزبەکەی یوسفیش یەکێک بوو لەو کەسانەی زۆر زووە چووە سەر سندووقی دەنگدان و بە شانازییەوە ڕایگەیاند کە بە بەڵێ دەنگی بۆ سەربەخۆیی داوە.
ئاخۆ ئەگەر حیقد و خیانەت نەبێت، ئەوە چ پاڵنەرێکە وا لە یووسف دەکات دژی دەنگی ٣ ملیۆن کەس لە گەلەکەی ڕاوەستێت و لەگەڵ شەپۆلی خواستی نەیارانی گەلەکەیدا مەلە بکات و هاوئاوازی دوژمنانی کوردستان بێت؟ ئاخۆ دوای ئەم قسانەی بە چ ڕوویەکەوە خۆی بە سەرۆکی ئەو پەرلەمانە دەزانێت کە بڕیاری ئەنجامدانی ڕیفراندۆمی پەسند کردووە؟
لە کۆتاییشدا بە یووسف و هاوبیرەکانی دەڵێین، ئەگەر پێتان وایە پارتی بە تەنها تەحەممولی بەرپرسیارێتیی ئەنجامدانی ڕیفراندۆم دەکات، ئەوە پارتی شانازیی بەوە دەکات و هەرگیز لێی پەشیمان نییە. بەشداریی لە کارێکی ئاوا مەزن و نیشتیمانی و چارەنووسساز، شانازییەکی گەورەیە و بە مرۆڤی نیشتیمانپەرەوەر و تێکۆشەر دەکرێت نەک کەسانی بودەڵە و وڵاتفرۆش و خیانەتکار.




دوایین هەواڵەکان

بارەگای بارزانی، سەرەخۆشی لە خانەوادەی سیروان عومەر ڕەواندزی دەكات

WEDNESDAY, 17 OCTOBER 2018 12:10:26

بە ناوی خودای گەورە و میهرەبان

خانەوادەی خوالێخۆشبوو سیروان عومەر ڕەواندزی

بە دڵگرانییەوە هەواڵی كۆچی دوایی كارمەندی كوردستان تیڤی (سیروان عومەر ڕەواندزی)ـیمان پێ گەییشت.

سەرۆك بارزانی پێشوازی لە باڵیۆزی كەنەدا لە عێراق کرد

WEDNESDAY, 17 OCTOBER 2018 12:10:45

هەولێر-KDP.info-  لە دیداریدا لەگەڵ سەرۆک بارزانی، وێڕای پیرۆزبایی سەركەوتنی هەڵبژاردنەكانی هەرێمی كوردستان و سەركەوتنی لیستی پارتی، باڵیۆزی كەنەدا ڕایگەیاند، کە وڵاتەكەی لە چوارچێوەی ناتۆ بەردەوام دەبێت لە مەشق و ڕاهێنانی هێزەكانی عێراق و هەرێمی كوردستان.

 
ڕاوێژكاری كۆمارییەكانی ئەمەریكا: هێزە عێراقییەكان و حەشد، داعش دژی كورد بەكار دەهێنن

WEDNESDAY, 17 OCTOBER 2018 12:10:44

هەولێر-KDP.info- ڕاوێژكارێكی پارتی كۆماریی ئەمەریكا، چەند نهێنییەك ئاشكرا دەكات و دەڵێت، حەشدی شەعبی بە ھاوكاریی سوپای عێراق، سەرقاڵی دامەزراندنی داعشە كۆنەكانن لە ناوچە كوردییەكاندا.

 
دامەزراوەی دەرمانی نیشتمانی لە ھەرێمی كوردستان دروست دەكرێت

WEDNESDAY, 17 OCTOBER 2018 12:10:41
هەولێر-KDP.info- لە كۆنگرەیەكی رۆژنامەوانیدا رێكەوت حەمە رەشید، وەزیری تەندروستی ھەرێمی كوردستان رایگەیاند، حكوومەتی ھەرێمی كوردستان چەند بڕیارێكی لەبارەی بازرگانی كردن بە دەرمان دەركردووە و دامەزراوەی دەرمانی نیشتمانی لە ھەرێمی كوردستان دروست دەكرێت.
 
زریان كاكەیی: بە ھۆی داگیركاریی ١٦ ئۆكتۆبەرەوە، ھیچ نەما بەرانبەر بە پێكھاتەكان نەكرێت

WEDNESDAY, 17 OCTOBER 2018 10:10:41

هەولێر-KDP.info- داگیركەرانی ١٦ی ئۆكتۆبەر، دەستیان لە ھیچ تاوانێك دەرهەق بە پێكھاتەكانی كەركووك و ناوچە كوردستانییە داگیركراوەكان نەپاراستووە و، مامۆستایەكی زانكۆیش باوەڕی وایە، ھێشتا ١٦ی ئۆكتۆبەر كۆتایی نەھاتووە و بەردەوامە. دەشڵێ،  خەڵكێك دەرگای ماڵەكەی بە ڕووی دزدا كردەوە و كارەسات بەسەر گەلی كورددا ھات.

 


 
© 2018 Kurdistan Democratic Party, KDP