Kurdî  ■  كوردی  ■  عربي
WED, 17 OCT 2018 13:30 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

سه‌فین دزه‌‌یى وه‌ڵامی عه‌‌بادیی دایه‌وه‌
| KDP.info


 

هه‌ولێر-KDP.info-  گوته‌بێژی حكوومه‌تی هه‌رێمی كوردستان وه‌ڵامی دوالێدوانی سه‌رۆكوه‌زیرانی عێراق ده‌داته‌وه‌ و ڕایده‌گه‌یێنێ، به‌ پشتبه‌ستن به‌ بڕیاره‌كه‌ى دادگاى فیدراڵى عیراق له‌ 20/11/2017، ده‌بێت هه‌‌موو ئه‌‌و ڕێكار و ده‌‌ر‌‌ه‌‌نجام و لێكه‌‌وته‌ ناڕه‌وایانه‌ هه‌‌ڵبوه‌‌شێنرێنه‌وه‌ كه‌‌ ته‌نیا له‌ كاردانه‌‌وه‌‌ى ڕیفراندۆمدا دژى هه‌‌رێمى كوردستان له‌لایه‌ن حكوومه‌تى فیدراڵ و په‌رله‌مانى عێراقه‌وه‌ گیراونه‌ته‌ به‌ر.

ده‌رباره‌ى دوالێدوانه‌كانى (حه‌‌یده‌‌ر عه‌‌بادى) سه‌‌رۆكوه‌‌زیرانى عێراقى فیدراڵ، له‌ كۆنگره‌ى ڕۆژنامه‌وانیى ڕۆژى سێشه‌‌ممه‌ ‌21/11/2017یدا، (سه‌فین دزه‌یى) گوته‌بێژى فه‌رمیى حكوومه‌تى هه‌رێمى كوردستان، له‌ لێدوانێكدا بۆ ماڵپه‌ڕى حكوومه‌تى هه‌رێمى كوردستان ڕایگه‌یاند:

"به‌ پشتبه‌ستن به‌ بڕیاره‌كه‌ى دادگاى فیدراڵى عیراق له‌ 20/11/2017، ده‌بێت هه‌‌موو ئه‌‌و ڕێكار و ده‌‌ر‌‌ه‌‌نجام و لێكه‌‌وته‌ ناڕه‌وایانه‌ هه‌‌ڵبوه‌‌شێنرێنه‌وه‌ كه‌‌ ته‌نیا له‌ كاردانه‌‌وه‌‌ى ڕیفراندۆمدا دژى هه‌‌رێمى كوردستان له‌لایه‌ن حكوومه‌تى فیدراڵ و په‌رله‌مانى عێراقه‌وه‌ گیراونه‌ته‌ به‌ر، وه‌‌ك كه‌‌مكردنه‌‌وه‌‌ى به‌‌شه‌‌بودجه‌‌ى هه‌‌رێمى كوردستان، سزادانى نوێنه‌رانى هه‌رێمى كوردستان له‌ په‌رله‌مانى عیراق، داخستنى فڕۆكه‌‌خانه‌‌كان و هه‌‌موو ئه‌‌و بڕیارانه‌‌ى دیكه‌‌ش كه‌‌ ڕۆژى 27/9/2017 ته‌نانه‌ت به‌ر له‌ ده‌رچوونى بڕیارى دادگاى فیدراڵیش، وه‌ك كاردانه‌‌وه‌ له‌لایه‌ن په‌رله‌مانى عیراقه‌وه‌ دژى خه‌ڵك و هه‌‌رێمى كوردستان ده‌‌ركراون".


له‌باره‌ى پێشمه‌رگه‌شه‌وه‌، (دزه‌یى) گوتى: "پێشمه‌‌رگه‌‌ هێزێكى دانپێدانراوى ده‌‌ستوورییه‌‌، له‌‌ شكاندنى داعش و پاراستنى وڵاتدا له‌‌گه‌‌ڵ هێزه‌‌ عیراقییه‌‌كان له‌ پرۆسه‌ى ئازادكردنه‌وه‌ى مووسڵدا ڕۆڵى سه‌‌ره‌‌كى بینیوه‌، پێشمه‌رگه‌ نه‌بووایه‌ له‌ شه‌ڕى دژى داعشدا، كه‌ركووك و زۆر ناوچه‌ى دیكه‌ش به‌ هه‌مان ده‌ردى مووسڵ ده‌چوون. پێشمه‌رگه‌ له‌ شه‌ڕى داعشدا (1,802)  شه‌هید و (10,233) بریندار و (62) ونبووى هه‌یه‌. كۆمه‌ڵگه‌ى نێوده‌وڵه‌تى و خودى به‌ڕێز عه‌بادیش چه‌ندین جار ستایشى ڕۆڵى هاوكارى و پاڵپشتى و هه‌ماهه‌نگیى پێشمه‌رگه‌یان له‌گه‌ڵ سوپاى عیراقدا كردووه‌، بۆیه‌ ده‌بێ هه‌موولایه‌ك هه‌ر به‌‌م شێوه‌‌یه‌‌ له‌‌ پێشمه‌‌رگه‌‌ بڕوانن و مافه‌‌ ده‌‌ستوورییه‌‌كانى دابین بكه‌‌ن، كه‌ به‌ داخه‌وه‌ تا ئێستا حكوومه‌تى فیدراڵ هیچ ساڵێك مووچه‌كانى نه‌داوه‌، له‌ كاتێكدا به‌پێى ده‌ستوور پێشمه‌رگه‌ به‌شێكه‌ له‌ سیسته‌مى به‌رگریى عیراق و ده‌بێ مووچه‌ و شایسته‌ داراییه‌كانى له‌لایه‌ن حكوومه‌تى فیدراڵه‌وه‌ دابین بكرێت".


سه‌باره‌ت به‌ پرسى ناردنى مووچه‌ش بۆ مووچه‌خۆرانى هه‌رێمى كوردستان، كه‌ چه‌ندین جار له‌لایه‌ن (عه‌بادی)یه‌وه‌ باس كراوه‌، گوته‌بێژى فه‌رمیى حكوومه‌تى هه‌رێمى كوردستان دووپاتى كرده‌وه‌:
"به‌ڕێز (عه‌بادى) چه‌ندین جار گوتوویه‌تى مووچه‌ى مووچه‌خۆرانى هه‌رێمى كوردستان ده‌‌نێرێت، حكوومه‌تى هه‌رێمى كوردستانیش هه‌میشه‌ دووپاتى كردۆته‌وه‌ كه‌ ئاماده‌‌یه‌ بۆ ئه‌‌م مه‌به‌سته‌ هه‌موو هه‌ماهه‌نگییه‌كى پێویست بكات، به‌ڵام له‌ ڕاستیدا ئێستا هیچ هه‌نگاوێكى كرده‌یى بۆ ئه‌م مه‌به‌سته‌ له‌لایه‌ن حكوومه‌تى فیدراڵه‌وه‌ نه‌نراوه‌، ئه‌وان ته‌نانه‌ت ئاماده‌ نین لیستى بایۆمه‌تریى مووچه‌خۆرانیش له‌ هه‌رێم وه‌ربگرن، بۆیه‌ ئیتر خه‌ڵكى كوردستان گه‌‌یشتووه‌ته‌ ئه‌و بڕوایه‌ى كه‌ بابه‌تى ناردنى مووچه‌ له‌لایه‌ن حكوومه‌تى عێراقه‌وه‌ به‌ هیچ شێوه‌یه‌ك جیددى نییه‌، به‌ڵكوو ته‌نیا قسه‌یه‌ و هیچى تر".

له‌ كۆتاییدا له‌باره‌ى ناوهێنانى هه‌رێمى كوردستان به‌ پارێزگاكانى باكوورى عیراق و ناوه‌‌كانى دیكه‌وه‌ له‌لایه‌ن به‌ڕێز (عه‌بادی)یه‌وه‌، (سه‌فین دزه‌یى) ڕایگه‌یاند: "ناوهێنانى هه‌‌رێمى كوردستان به‌ هه‌ر ناوێكى دیكه‌ى داتاشراو، به‌ ئاشكرا ناده‌ستوورییه‌ و ڕه‌‌تی ده‌‌كه‌‌ینه‌‌وه‌، گه‌لى كوردستانیش به‌ هه‌موو لایه‌ن و پێكهاته‌كانییه‌وه‌، هاوده‌نگن له‌سه‌ر پاراستنى قه‌واره‌ى ده‌ستووریى هه‌رێمى كوردستان و قه‌ت سازشى له‌سه‌ر ناكرێت".




دوایین هەواڵەکان

بارەگای بارزانی، سەرەخۆشی لە خانەوادەی سیروان عومەر ڕەواندزی دەكات

WEDNESDAY, 17 OCTOBER 2018 12:10:26

بە ناوی خودای گەورە و میهرەبان

خانەوادەی خوالێخۆشبوو سیروان عومەر ڕەواندزی

بە دڵگرانییەوە هەواڵی كۆچی دوایی كارمەندی كوردستان تیڤی (سیروان عومەر ڕەواندزی)ـیمان پێ گەییشت.

سەرۆك بارزانی پێشوازی لە باڵیۆزی كەنەدا لە عێراق کرد

WEDNESDAY, 17 OCTOBER 2018 12:10:45

هەولێر-KDP.info-  لە دیداریدا لەگەڵ سەرۆک بارزانی، وێڕای پیرۆزبایی سەركەوتنی هەڵبژاردنەكانی هەرێمی كوردستان و سەركەوتنی لیستی پارتی، باڵیۆزی كەنەدا ڕایگەیاند، کە وڵاتەكەی لە چوارچێوەی ناتۆ بەردەوام دەبێت لە مەشق و ڕاهێنانی هێزەكانی عێراق و هەرێمی كوردستان.

 
ڕاوێژكاری كۆمارییەكانی ئەمەریكا: هێزە عێراقییەكان و حەشد، داعش دژی كورد بەكار دەهێنن

WEDNESDAY, 17 OCTOBER 2018 12:10:44

هەولێر-KDP.info- ڕاوێژكارێكی پارتی كۆماریی ئەمەریكا، چەند نهێنییەك ئاشكرا دەكات و دەڵێت، حەشدی شەعبی بە ھاوكاریی سوپای عێراق، سەرقاڵی دامەزراندنی داعشە كۆنەكانن لە ناوچە كوردییەكاندا.

 
دامەزراوەی دەرمانی نیشتمانی لە ھەرێمی كوردستان دروست دەكرێت

WEDNESDAY, 17 OCTOBER 2018 12:10:41
هەولێر-KDP.info- لە كۆنگرەیەكی رۆژنامەوانیدا رێكەوت حەمە رەشید، وەزیری تەندروستی ھەرێمی كوردستان رایگەیاند، حكوومەتی ھەرێمی كوردستان چەند بڕیارێكی لەبارەی بازرگانی كردن بە دەرمان دەركردووە و دامەزراوەی دەرمانی نیشتمانی لە ھەرێمی كوردستان دروست دەكرێت.
 
زریان كاكەیی: بە ھۆی داگیركاریی ١٦ ئۆكتۆبەرەوە، ھیچ نەما بەرانبەر بە پێكھاتەكان نەكرێت

WEDNESDAY, 17 OCTOBER 2018 10:10:41

هەولێر-KDP.info- داگیركەرانی ١٦ی ئۆكتۆبەر، دەستیان لە ھیچ تاوانێك دەرهەق بە پێكھاتەكانی كەركووك و ناوچە كوردستانییە داگیركراوەكان نەپاراستووە و، مامۆستایەكی زانكۆیش باوەڕی وایە، ھێشتا ١٦ی ئۆكتۆبەر كۆتایی نەھاتووە و بەردەوامە. دەشڵێ،  خەڵكێك دەرگای ماڵەكەی بە ڕووی دزدا كردەوە و كارەسات بەسەر گەلی كورددا ھات.

 


 
© 2018 Kurdistan Democratic Party, KDP