Kurdî  ■  كوردی  ■  عربي
THU, 21 JUN 2018 03:33 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

جێگری کونسووڵی ئەمەریکا: گەل و حکوومەتی ئەمەریکا کوردستان بە هاوپەیمانی خۆی دەزانێت
| KDP.info


هەولێر-KDP.info- (ستیڤن گیلان)، جێگری کونسووڵی گشتی و کونسووڵی کاربەڕێکەری ویلایەتە یەکگرتوەکانی ئەمەریکا لە هەولێر ڕایگەیاند، گەل و حکوومەتی ئەمریکا، گەلی کوردستان بە هاوپەیمانی خوی دەزانێت و کاریگەرییەکانیشی بەکار دێنێت بۆ پاراستنی بەرژەوەندییە هاوبەشەکان و بەرەوپێشەوەچوونیان.

بەرپرسی پێوەندییەکانی دەرەوەی پارتی دیموکراتی کوردستان، (هۆشیار سیوەیلی) پیشوازیی کرد لە (ستیڤن گیلان)، جێگری کونسووڵی گشتی و کونسووڵی کاربەڕێکەری ویلایەتە یەکگرتوەکانی ئەمەریکا و شاندی یاوەری‌‌.

(سیوەیلی) بەخێرهاتنی شاندی میوانی کرد، باسی لە دواین پێشهات و گۆڕانکارییەکانی کوردستان و عێراق و ناوچەکە کرد.

بەرپرسی  پێوەندییەکانی دەرەوەی پارتی دیموکراتی کوردستان سوپاسی گەل و کۆنگرێسی ئەمریکای کرد بۆ پاڵپشتی و پێشکەشکردنی هاوکاریی گەل و حکوومەتی هەرێمی کوردستان (سیوەیلی) بۆ شاندی میوانی ڕوون کردەوە، ڕووداوەکانی چەند مانگی ڕابردوو لە ئەنجامی جێبەجێنەکردنی دەستوور و سەپاندنی حوکمی زۆرینە هاتووەتە ئاراوە، گەل و سەرکردایەتیی سیاسیی کوردستان هەموو کات نیگەرانییەکانی خۆێانیان نە شاردووەتەوە لە ئاراستەی سیاسەتەکانی حکوومەتی عێراق، کە بە ئاراستەیەکی تائیفی و مەزهەبیدا دەڕوات و هەر ئەو سیاسەتەش بووە هۆکاری بەهێزکردنی گرووپە توندڕەوەکانی وەک داعش، کە نەهامەتی و ویرانکاریی زروریان بۆ عێراق بەگشتی و ناوچە سوننەنشینەکان بەتایبەتی هێنا.

(سیوەیلی) گوتی، لە ئەنجامی سیاسەتی هەڵەی حکوومەتی عێراق، گەلی کوردستان بە ئازادانە و بە شێوەیەکی دیموکراسییانە پەنای بۆ ڕیفراندۆم برد، تا دەنگی خۆی بە جیهان بگەیەنێت، بەداخەوە حکوومەتی عێراق وەک پیشەی هەمیشەیی خۆی بە هێز وەڵامی داخوازییەکانی گەلی کوردستانی دایەوە و نیگەرانیی لەوەش پتر بۆ گەلی ئێمە بێدەنگیی جیهان بوو لەمەڕ هێرشە ناڕەواکانی حەشدی شەعبی بە پاڵپشتیی سوپای دەرەکی و حکوومەتی فیدراڵ، کەحکوومەتی فیدراڵ بەردەوامە لە پێشێلکردنی دەستوور و سەرکردایەتیی سیاسیی کوردستان و جەنابی سەرۆک (مەسعوود بارزانی) هەمیشە دووپاتیان کردوەتەوە، کە پێشێلکردنی دەستوور و سەپاندنی حوکمی زۆرینە و ڕێزنەگرتن لە مافە ڕواکانی گەلی کوردستان  وای کرد، گەلی کوردستان چاو بە پەیوەندییەکانیدا بخشێنێتەوە لەسەر بنەمای دەستووور، کە ئاماژە بە یەکگرتوویی ئارەزومەندانەی عێراق داوە. بە لەبەرچاوگرتنی بارودۆخی ئێستای ناوچەکە داوا لە حکوومەتی فیدراڵ دەکەین بێتە سەر مێزی  گفتوگۆ بو چارەکردنی کێشەکان و داوا دەکەین، گۆمڵگای نێودەوڵەتیش ڕۆڵی پۆزەتیڤانەی هەمیشەی خۆی بگێڕێت و گاریگەرییەکانی بەکار بێنێت بۆ کۆتاییهێنان بە ئاڵۆزییەکان کە لە بەرژەوەندیی کەسدا نییە.

دەربارەی جیاوازییە نێوخۆییەکان، (سیوەیلی) بە شاندی میوانی ڕاگەیاند، هەوڵەکان بەردەوامن بۆ لێک نزیکبوونەوە و لە ماوەیەکی نزیکدا ئەنجامی دەبێت.

(ستیڤن گیلان) سوپاسی ئەو پێشوازییەی کرد و ڕایگەیاند، گەل و حکوومەتی ئەمریکا، گەلی کوردستان بە هاوپەیمانی خوی دەزانێت و کاریگەرییەکانیشی بەکار دێنێت بۆ پاراستنی بەرژەوەندییە هاوبەشەکان و بەرەوپێشەوەچوونیان. دووپاتیشی کردەوە، حکوومەتەکەی لەگەڵ ئەوەدایە حکوومەتی هەرێم بە بەهێزی بمێنێتەوە و مانەوەیشی بە بەهێزی لە بەرژەوەندیی ئاسایشی ناوچەکەیە، هەموو هەوڵێکیش دەدەن بۆ دەستپێکردنەوەی گفتوگۆ لە نێوان حکوومەتی فیدڕاڵ و حکوومەتی هەرێمی کردستاندا.

لە دیدارەکەدا هەردوولا ڕایانگەیاند، بە گرنگییەوە لە پێوەندییەکانی نێوانیان دەڕوانن و جەخت دەکەنەوە لە بەردەوامبوون و بەهێزکردنی پێوەندییەکان و پێکەوە کارکردن بۆ بە دەستهێنانی داهاتوویەکی باشتر. 
 




دوایین هەواڵەکان

وەزارەتى خوێندنى باڵا، لیستى زانکۆ باوەڕپێکراوەکانى تورکیا و ئێرانی بڵاو كرده‌وه‌

THURSDAY, 21 JUNE 2018 00:06:18

هه‌ولێر-KDP.info-  وەزارەتى خوێندنى باڵا و توێژینەوەى زانستیى حکوومەتى هەرێمى کوردستان پێداچوونەوەى بە لیستى زانکۆ باوەڕپێکراوەکانى وڵاتانى (تورکیا – ئێران) کرد و لیستێکى نوێی بڵاو كرده‌وه‌.

 
مه‌كته‌بی سه‌رۆك سه‌رخۆشی له‌ شاخەوان غەریب ده‌كات

THURSDAY, 21 JUNE 2018 00:06:05

بەناوی خودای گەورە و میهرەبان

به‌ڕێز شاخەوان غەریب

بەبیستنی هه‌واڵی كۆچی دوایی كاكە(شڤان)ـی كوڕت خەمبار بووین.

پارتی سه‌رخۆشی له‌ خانەوادەی مەلا حاجی دێلۆیی ده‌كات

THURSDAY, 21 JUNE 2018 00:06:33

بەڕێزان خانەوادەی مەلا حاجی دێلۆیی

خەمبار بووین بە بیستنی هەواڵی کۆچی دوایی پێشمەرگەی هەدوو شۆڕشی مەزنی ئەیلوول و گوڵان، کادیری تێکۆشەر و دڵسۆزی پارتی و رێبازی بارزانی، ئەندامی مەکتەبی رێکخستن و کەسایەتیی دیاری دەڤەری پشدەر (مەلا حاجی دێلۆیی).

"بۆ گەڕانه‌وه‌ی پێشمه‌رگه‌ بۆ سنووری خانه‌قین سبه‌ی خۆپێشاندان دەکرێ"

WEDNESDAY, 20 JUNE 2018 16:06:14

خانه‌قین-KDP.info-  به ‌هۆی ئه‌وه‌ی مه‌ترسییه‌كی گه‌وره‌ له‌سه‌ر خانه‌قین هه‌یه‌ و به‌رده‌وام كرده‌وه‌ی تیرۆریستی لێ ئه‌نجام ده‌درێت و چه‌ندین گوند به‌و هۆیه‌وه‌ چۆڵ كراون و خه‌ڵكێكی زۆر بوونەته‌ قوربانی. عامر رەفعەت دەڵێ، ئیدی سبه‌ی له‌ خانه‌قین خۆپێشاندان بۆ گەڕانه‌وه‌ی هێزی پێشمه‌رگه‌ بۆ ئه‌و ناوچانه‌ ده‌ست پێ ده‌كات و خه‌ڵكی خانه‌قین مان ده‌گرن و دووكانه‌كانیان داده‌خه‌ن .

 
"زیاتر له ‌20 هه‌زار په‌نابه‌ر گه‌ڕاونه‌ته‌وه‌ عێراق و هه‌رێم"

WEDNESDAY, 20 JUNE 2018 16:06:22

هه‌ولێر-KDP.info- به‌ڕێوەبه‌ری كۆچ و كۆچبه‌ران گوتی، له‌ شه‌ڕی داعش و قه‌یرانی داراییدا شه‌پۆلێكی كۆچكردن له‌ هه‌رێمی كوردستانەوە بۆ ده‌ره‌وه‌ ده‌ستی پێ كرد، به‌ڵام له‌ دوای كۆتاییهاتنی شەڕی داعش كۆچكردن پێچه‌وانه‌ بووەته‌وه‌، به‌ جۆرێك له‌ دوو ساڵی ڕابردوودا زیاتر له‌20 هه‌زار كه‌س گه‌ڕاونه‌ته‌وه‌ بۆ عێراق، كه‌ 39%یان په‌نابه‌ری هه‌رێمی كوردستانن و گه‌ڕاونه‌ته‌وه‌ هه‌رێم و به‌رنامه‌یه‌كیشیان داناوه‌ هه‌ر ئاواره‌یه‌ك بگه‌ڕێته‌وه‌ هاوكاریی دارایی پێشكه‌ش ده‌كرێت.

 


 
© 2018 Kurdistan Democratic Party, KDP