کازاخستان -KDP.info- هزرڤانەکێ مەزنێ کورد دبێژیت، دەروبەرێن مە هەرتم دوژمنێن ئێکن و چوجارا نەبووینە یەکە، بتنێ ل دژی کوردان بووینە دۆست.
پرۆفیسۆر(نادرێ کەریـمێ نادرۆف)، هزرڤانێ مەزنێ کوردە ل سۆفیەتا بەرێ، بۆ ماڵپەرێ فەرمی یێ پارتی دیموکراتی کوردستان گۆت:'' دەروبەرێن مە هەرتم دوژمنێن ئێکن و چوجارا نەبووینە یەک، بتنێ ل دژی کوردان بووینە دۆست، ئەڤەژی وێ یەک دگەهینیت هەرتم ئارمانجا وان تونەکرنا مللەتێ کوردە ئەڤە ب سەدان ساڵا ئارمانجا وان ئەوە مافێن کوردان ب پێ بکەن.
ڤی هزرڤانێ مەزنێ کورد ئاماژە ب وێ یەکێ کر، ژبلی کو ئەڤ دەردۆرێن مە دوژمنێن مەنە نها جیهانێ ژی ل سەر پێشێلکاریێن ڤان دوژمان و زۆردەستیان وان خۆ بێدەنگریە، و ئەڤ دوژمنە ب چەکێن دونیایێ یێ کو دایە وان ل دژێ تەرۆرێ شەڕ بکەن، بەلێ ئەو وان چەکان ل دژی کوردان بکاردئینن، ئەرێ ئەڤە چ یاسا و ریسانە کو تەنێ مللەتەک داخوازا مافێ خۆیێ رەوا بکەت ئەڤ هەموو زۆردارییە ل سەرێ وان دهێتە بڕیڤەبرن؟.
هێشتا زەلالکر، پێدڤیە جیهان بزانیت کو تەنێ مللەتێ کورد ل رۆژهەلاتا ناڤین دۆستێن وان یێن دروستن ئەگەر کورد نەبانە چو هێزێن دی ل دەڤەرێ نەدکاری داعشێ ژناڤ ببەت، چونکی ئەڤ هێز دێ بۆ وان ژی با گەفەکا هەری مەزن ل سەر ئەولەکاریا وان ژی .
خویا ژی کر، پیدڤیە ئەم چاڤەرێ چ تشتێن باش ژ دەردۆرێن خۆ نەکەین چونکی ئارمانجا هەرتم و تم ژناڤبرنا گەلێ کوردە، وەک چاوان کوردستان ب رابەراتیا (سەرۆک بارزانی) بەرەڤ قۆناغەکا دیرۆکی دچۆ ئەوژی سەرخۆبوون بوو، هەموو ل دژی کوردان کەتنە د بزاڤاندا ژبۆ برسیکرن و ئێرشکرنا گەلی کورد، بەلێ کورد خودان ئیرادەنە چوجاران ناکەڤە دبن دەستێن زاڵم و خیانەتکارێن ژ دەرڤە و ژ ناڤخۆدا.
کــاروان بــاعەدری