Kurdî  ■  كوردی  ■  عربي
MON, 24 SEP 2018 23:05 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

نێچیرڤان بارزانی: بوودجە بۆ زیانلێکەوتووانی بوومەلەرزە تەرخان دەکەین
| KDP.info


دەربەندیخان-KDP.info- سەرۆکوەزیرانی کوردستان، (نێچیرڤان بارزانی) لە درەبەندیخان ڕایگەیاند، بوودجە بۆ زیانلێکەوتووانی بوومەبەرزە تەرخان دەکەین و سەرەخۆشیشی لە قوربانیان کرد.

(نێچیرڤان بارزانی)، سەرۆکوەزیرانی هەرێمی کوردستان و (قوباد تاڵەبانی)، جێگری سەرۆکوەزیران، لەگەڵ وەزیری ناوخۆ و وەزیری تەندروستی و وەزیری شارەوانی و وەزیری پەروەردە، وەزیری کشتوکاڵ و سەرچاوەکانی ئاو، بۆ بەسەرکردنەوە و لە نزیکەوەئاگاداربوون بۆ ڕەوشی لێقەوماوان و زیانلێکەوتووانی بوومەلەرزەکە سەردانی دەربەندیخانیان کرد، پاشان لەگەڵ قائیمقام و یەکە ئیدارییەکانی قەزاکە کۆ بوونەوە.

دواتر لە کۆنگرەیەکی ڕۆژنامەڤانیدا، (نێچیرڤان بارزانی) ڕایگەیاند: ''دوای بینین و هەڵسەنگاندنی ورد بۆ دۆخەکە، گەیشتینە ئەو باوەڕەی بە دوو شێوە کار بکەین، یەکەم: بڕێک بوودجە دەدەینە یەکە ئیدارییەکان بۆ ئەوەی ئەو کێشانەی دێنە پێش بەپەلە چارەیان بکەن، دووەم: یەکە ئیدارییەکانمان ڕاسپاردوون بۆ ئەوەی زیانەکان بخەمڵێنن، بە دڵنیاییەوە ئەوەی ئێمە پێمان بکرێت بۆ قەرەبووکردنەوەی ئەو خەڵکە دەیکەین.''

سەرۆکی حکوومەت پەیامێکی سەرەخۆشی و هاوخەمیشی ئاراستەی خەڵکی ڕۆژهەڵاتی کوردستان کرد و گوتی: ''بنکەی بوومەلەرزەکە لەودیوی سنوور بووە، لە ناوچەی کرماشان و سەرپێڵی زەهاو، بەداخەوە لەوێ زۆر خەڵک شەهید بووە، بە ناوی حکومەتی هەرێمی کوردستانەوە سەرەخۆشی لە ماڵباتی هەموو قوربانییەکان دەکەم، هیوای چاکبوونەوەش بۆ بریندارەکان لە ئێران، کرماشان و هەموو ناوچەکان دەخوازم، وەکو حکوومەتی هەرێمی کوردستان هاوبەشی خەمیانین، هیوادارین دواکارەسات بێت لەو دیوی سنوور ڕوو بدات.''

لەبارەی بەنداوی دەربەندیخانیشەوە، کە زەرەر و زیانی پێ کەوتووە، (نێچیرڤان بارزانی) گوتی: ''بۆ بەنداوی دەربەندیخان زۆر بەخەم بووین، بە تێروتەسەلی لەگەڵ بەڕێوەبەری بەنداوەکە قسەمان کرد، زەرە و زیانی پێ کەوتووە، بەڵام بەڕێوەبەری بەنداوەکە دڵنیای کردینەوە، کە مەترسیی داڕمانی نییە، ئێمە لەگەڵ یەکێتیی ئەوروپا و لایەنە نێودەوڵەتییەکان و هەموو لایەنەکان خەریکین، دوێنێ لەگەڵ کاک (قوباد) لەگەڵ یەکێتیی ئەورووپا دانیشتین و بەڵێنی ئەوەیان دا، خەڵکی شارەزا بۆ هەڵسەنگاندن بنێرن و یارمەتیمان بدەن.''


 




دوایین هەواڵەکان

بارزانی، سه‌رۆك و فریادڕه‌سه‌

MONDAY, 24 SEPTEMBER 2018 22:09:12

د.محه‌ممه‌د خدر مه‌ولوود

كه‌ وشه‌ی سه‌رۆك به‌ كار دێنیین، مه‌به‌ست له‌وه‌یه‌ بڵێین هه‌موو به‌رپرسانی یه‌كه‌می حزب و حكوومه‌ت، كه‌ به‌رپرسانی یه‌كه‌میان به‌ سه‌رۆك ناوزه‌د ده‌كرێن، یا ئه‌ركی به‌رپرسیاره‌تیی یه‌كه‌می بواره‌كه‌یان له‌ ئه‌ستۆدایه‌، هه‌موویان ئه‌و سه‌رۆك و رابه‌ره‌ نین رابه‌رایه‌تیی قۆناغه‌ سه‌خته‌كان بكه‌ن و به‌رگه‌ی دژوارییه‌كان بگرن.

لەنێو سیاسییەکانی ئەورووپادا باسی ساڵیادی ڕیفراندۆمی سەربەخۆییی کوردستان دەکرێت

MONDAY, 24 SEPTEMBER 2018 17:09:36

هەولێر-KDP.info-  لە کۆبوونەوەی سەرکردایەتیی لاوان پارتی گەلانی ئەوروپا لە شاری بوخارستی پایتەختی وڵاتی ڕۆمانیا، باسی یەکەمین ساڵیادی ریفراندۆمی سەربەخۆییی ھەرێمی کوردستان کرا.

ئافره‌تانی سلێمانی: ده‌نگمان بۆ لیستی 183ی پارتییه‌

MONDAY, 24 SEPTEMBER 2018 16:09:28

سلێمانی-KDP.info-  ئافره‌تانی پارێزگای سلێمانی، کە بەشداربووی كه‌رنه‌ڤاڵی لیستی 183ی پارتی بوون، داوا له‌ هاووڵاتییانی شاره‌كه‌یان ده‌كه‌ن ڕۆژی 30ی ئه‌یلوول بڕۆنه‌ سه‌ر سندووقه‌كانی ده‌نگدان و ده‌نگ به ‌لیستی 183ی پارتی بده‌ن.

 
دهۆک جگە لە پارتی هیچ لایەنێکی دیکەی ناوێ

MONDAY, 24 SEPTEMBER 2018 16:09:57

دهۆک -KDP.info- دهۆکییەکان لە هەڵبژاردندا زۆرترین دەنگیان بۆ پارتییە و هیچ لایەنێکی تر قبووڵ ناکەن وەک بەرپرسی لقەکانی پارتی دەڵێن، دهۆکییەکان دەزانن تەنیا ئەوەی پشتگیریی گەلی کورد بکات و خاوەن مەبدەئی دروست بێت، تەنیا پارتی و بارزانییە.

 
خەسرۆ گۆران: حەوت ھەزار بریکارمان ئامادە کردووە

MONDAY, 24 SEPTEMBER 2018 15:09:14

هەولێر -KDP.info-پارتی لەسەر ئاستی جیاواز ئامادەکاریی تەواوی کردووە بۆ پڕۆسەی ھەڵبژاردن و بەرپرسی دەزگای ھەڵبژاردنیش دەڵێ، لە ڕێگەی حەوت ھەزار بریکارەوە چاودێریی پڕۆسەی ھەڵبژاردنی پەرلەمانی کوردستان دەکەین.

 


 
© 2018 Kurdistan Democratic Party, KDP