Kurdî  ■  كوردی  ■  عربي
TUE, 19 JUN 2018 17:29 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

سەیدۆ چەتۆ :حەشدی شەعبی پێچەوانەی دەستوور و یاسا كار دەكات
| KDP.info



شنگال-KDP.info- سەرۆكی فراكسیۆنی برایەتی و پێكەوەژیان لە ئەنجومەنی پارێزگای مووسڵ دیاری كرد، دۆخی شنگال زۆر خراپە و حەشدی ‌شەعبی ڕێگری لە خەڵك دەكات و لێ ناگەڕێت كەس هاتوچۆ بكات، مەترسی هەیە جینۆسایدێكی دیكە لە شنگال ڕوو بدات.

(سەیدۆ چەتۆ)، سەرۆكی فراكسیۆنی برایەتی و پێكەوەژیان لە ئەنجومەنی پارێزگای مووسڵ بۆ ماڵپەڕی فەرمیی پارتی دیموكراتی كوردستانی دیاری كرد: ''حەشدی شەعبی  بەبێ گەڕانەوە بۆ یاسا و كاركردن بە بنەما یاسایی و دەستوورییەكان بەرپرسە ئیدارەییەكانی ناوچەكەی داناوە، ئەوەش پێچەوانەی دەستوور و یاسایە، چونكە ئەگەر گۆڕینی قایمقام بێت، یان بەڕێوەبەری ناحیە، پێویستە ئەنجومەنی ئەو ناوچەیە بڕیار بدات، بەڵام ئەوان ئەوەیان نەكردووە، ئەمەش ترس و نیگەرانیی لە لای هاووڵاتیانی سنوورەكە دروست كردووە و بەو هۆیەوە هەزاران كەس لە شنگال ئاوارەی سنووری پارێزگای دهۆك بوونەتەوە.''

(سەیدۆ چەتۆ) ڕوونیشی كردەوە: ''ئێمە، وەكو فراكسیۆنی برایەتی و پێكەوەژیان، داوا دەكەین قایمقام و بەڕێوەبەری ناحیەكان دووبارە دەوامی خۆیان بكەنەوە، بەڵام بەداخەوە حەشدی شەعبی ڕێگری لە ئەوان دەكات و لێ ناگەڕێن بچنەوە شنگال و دەوامی خۆیان بكەن، داخستنی ڕێگای شنگال بۆ پارێزگای دهۆك كێشەی گەورەی بۆ خەڵكی شنگال دروست كردووە، خەڵكی شنگال زۆر دەترسن، بۆیە مەترسی هەیە جینۆسایدێكی دیكە لە شنگال ئەنجام بدرێت و دیسان قەزاكە تووشی جینۆسایدێكی دیكە بكەنەوە، بۆیە داواكارن ئەو چەكدارانە لە شنگال نەمێنن.''


ڕابین شێروانی




دوایین هەواڵەکان

"خێزانێكی كوردی ئێزدی چوونەتە شنگال و چارەنووسیان نادیارە"

TUESDAY, 19 JUNE 2018 16:06:04

شنگال-KDP.info- ماوه‌ی شه‌ش ڕۆژه‌ خێزانێكی كوردی ئێزدی له ‌سنووری قه‌زای شێخان به ‌مه‌به‌ستی كارێكی ئیداره‌ی سه‌ردانی قه‌زای شنگالیان كردووه‌، به‌ڵام تاوه‌كو ئێستا نه‌گه‌ڕاونه‌ته‌وه‌ و چاره‌نووسیان نادیاره‌.

 
"پێشمەرگە ئۆپەراسیۆن دژی داعشەكانی مەخموور ئەنجام دەدات"

TUESDAY, 19 JUNE 2018 14:06:23

مەخموور -KDP.info- چەند ڕۆژێكە تیرۆریستانی داعش لە سنووری مەخموور جووڵەیان زیاد كردووە و، وەك بەرپرسێكیش دەڵێت، ئەگەر داعش نیەتی ھەبێت، دەتوانێت شارەكانیش داگیر بكات، بەڵام پێشمەرگە ئامادەكاری دەكات بۆ لەنێوبردنیان. فەرماندەیەكی میحوەری مەخمووریش ئاشكرای كرد، بە نیازی ئۆپەراسیۆنن بۆ لەنێوبردنی داعشەکانی مەخموور.

 
"پەیامەكەی سەرۆك بارزانی، كلیلی چارەكردنی كێشەكانی ھەرێم و عێراقە"

TUESDAY, 19 JUNE 2018 13:06:18

ھەولێر-KDP.info- لایەنە سیاسییەكان، پەیامەكەی " سەرۆك بارزانی" بە ئەرێنی دەبینن و باوەڕیان وایە، كلیلی چارەكردنی كێشەكانی كوردستان و عێراقە. دەشڵێن، لە بری ئەوەی لە ڕاگەیاندنەكانەوە وەڵام و وەڵامكاری بكرێت، پێویستە لەسەر مێزی گفتوگۆ دابنیشن.

 
عارف ڕوشدی: لە چوارچێوەی پەیامەكەی سەرۆكدا، ئامادەكاری بۆ كۆبوونەوەی لایەنەكان كراوە

TUESDAY, 19 JUNE 2018 12:06:34

هەولێر-KDP.info- سەرۆك بارزانی، لە پەیامی جەژنی رەمەزاندا داوای لە گشت ھێزە سیاسییەكانی ھەرێمی كوردستان كرد، بۆ دەربازكردنی ئەم قۆناغە، دوای جەژن كۆ ببنەوە، راوێژكاری مەكتەبی سیاسیی پارتییش دەڵێ، خواستی سەرۆك بارزانی یەكڕیزیی نێوان لایەنەكانە و، دەست بە ئامادەكاری بۆ ئەنجامدانی كۆبوونەوەی لایەنەكان كراوە.

 
دادگای فیدراڵی، لەبارەی تانەی لایەنەكانەوە كۆ دەبێتەوە

TUESDAY, 19 JUNE 2018 12:06:11

بەغدا-KDP.info- سەرۆكی لیژنەی یاسایی لە پەرلەمانی عێراق گوتی، بڕیارە دووسبەی دادگای فیدراڵی كۆ ببێتەوە و تێیدا گفتوگۆ لەبارەی بڕیارەكانی پەرلەمانی عێراقەوە دەكات، كە لایەنەكان تانەیان لێ داوە، چونكە بڕیاری نایاسایی و نادەستوورین.

 


 
© 2018 Kurdistan Democratic Party, KDP