Kurdî  ■  كوردی  ■  عربي
TUE, 25 SEP 2018 22:41 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

حكوومەتی هەرێم: ڕێز لە ڕاڤەكردنی دادگای باڵای فیدراڵی بۆ ماددەی یەكەمی دەستوور دەگرین
| KDP.info


 

هەولێر-KDP.info- حكوومەتی هەرێمی كوردستان، ڕاگەیێندراوێك لەبارەی ڕاڤەكردنی دادگای باڵای فیدراڵی بۆ ماددەی یەكەمی دەستووری عێراق بڵاو دەكاتەوە و ڕایدەگەیێنێت، "ڕێز لەو ڕاڤەكردنەی دادگای باڵای فیدراڵی دەگرین و، دووپاتیشی دەكەینەوە كە پێویستە ئەمە ببێتە بنەمایەك بۆ دەسپێكردنی دیالۆگێكی نیشتمانیی گشتگیر بۆ چارەكردنی ناكۆكییەكان".

ئەمەیش دەقەكەیەتی:

لەسەر داوای ئەمینداری گشتیی ئەنجوومەنی وەزیرانی فیدراڵ لە ڕۆژی 5/11/2017، دادگای باڵای فیدراڵی لە ڕۆژی 6/11/2017 بڕیاری ژمارە 122ـی دەركرد سەبارەت بە ڕاڤەكردنی ماددەی یەكەم لە دەستووری عێراق، كە ئەمە دەقەكەیەتی: (كۆماری عێراق دەوڵەتێكی فیدراڵیی سەربەخۆیە، خاوەن سەروەریی تەواوە كە سیستمی حوكمڕانی تێیدا كۆماریی پەرلەمانیی دیموكراتییە، ئەم دەستوورە زامنی یەكێتیی عێراقە).

وەك چۆن هەمیشە هەرێمی كوردستان جەختی كردووەتەوە كە پابەندی گرتنەبەری ڕێگەی دەستووری و یاسایییە بۆ چارەكردنی ناكۆییەكانی نێوان دەسەڵاتە فیدراڵییەكان و هەرێم، لە ڕوانگەی هەڵوێستی ڕوونمانەوە بە پێشوازیكردن لە هەر دەستپێشخەرییەك بەم ئاڕاستەیە، لە پێش هەموویشیانەوە دەستپێشخەریی ئایەتوڵڵا عوزما (سەید سیستانی) و هەندێك لە كەسایەتییە عێراقییەكان و وڵاتانی دۆستی گەلی عێراق بە گەڕانەوە بۆ دەستووری عێراق بۆ چارەكردنی ناكۆكییەكان، ڕێز لەو ڕاڤەكردنەی دادگای باڵای فیدراڵی بۆ ماددەی یەكەم لە دەستوور دەگرین، لە هەمان كاتیشدا دووپاتی دەكەینەوە، بڕوامان وایە كە پێویستە ئەمە ببێتە بنەمایەك بۆ دەسپێكردنی دیالۆگێكی نیشتمانیی گشتگیر بۆ چارەكردنی ناكۆكییەكان لە ڕێگەی جێبەجێكردنی تەواوی هەموو ماددەكانی دەستووری عێراقەوە، بە جۆرێك ببێتە هۆی زامنكردنی پاراستنی ماف و دەسەڵات و تایبەتمەندییەكانی هاتوو لە دەستووردا بەو پێیەی ئەمە تاكە ڕێگەیە بۆ زامنكردنی یەكێتیی عێراق وەك لە ماددەی یەكەمی دەستووردا هاتووە.

 

حكوومەتی هەرێمی كوردستان

14/11/2017




دوایین هەواڵەکان

زیاتر لە 500 كه‌سی باڵەكایەتی پەیوەندییان بە پارتییەوە كرد

TUESDAY, 25 SEPTEMBER 2018 19:09:27

چۆمان-KDP.info-  تا دێ بازنه‌ی پێوه‌ندیی ئه‌ندام و لایه‌نگرانی لایه‌نه‌كانی دیكه‌ی كوردستان فراوانتر ده‌بێ و بەرپرسی لقی 26ی گوڵان ده‌ڵێ، زیاتر لە 500 ئەندام و لایەنگرانی حزبەكانی دیكە لەو چەند ڕۆژەدا پەیوەندییان بە ڕیزەكانی پارتییەوە كردووە و ده‌شڵێ، خەڵكی گەیشتوونەتە ئەو بڕوایەی ئەگەر پارتی بەهێز بێت، كوردستان بەهێز دەبێت.

 
به ‌بۆنه‌ی ساڵڕۆژی ڕێفراندۆمەوە له‌ هه‌ڵه‌بجه‌ داشكاندن بۆ كتێب كرا

TUESDAY, 25 SEPTEMBER 2018 19:09:52

هه‌ڵه‌بجه‌-KDP.info-  ئه‌مڕۆ 25ی ئه‌یلوول یه‌ك ساڵ تێپه‌ڕ بوو به‌سه‌ر ڕێفراندۆمی سه‌ربه‌خۆییی كوردستاندا، له‌ ته‌واوی شار و شارۆچكه‌كانی كوردستان به‌ چالاكیی جۆراوجۆر ئه‌و یاده‌ به‌رز ڕاگیرا.

 
نەتەوەیەکگرتووەکان چاودێریی ھەڵبژاردنی پەرلەمانی کوردستان دەکات

TUESDAY, 25 SEPTEMBER 2018 19:09:30

هه‌ولێر-KDP.info-  بەرپرسێکی کۆمسیۆنی باڵای ھەڵبژاردنەکانی ھەرێمی کوردستان ڕایگەیاند، ھەڵبژاردنی پەرلەمانی کوردستان بە چاودێریی نەتەوەیەکگرتووەکان بەڕێوە دەچێت و دەڵێ، ھەموو ئامادەکارییەک بۆ بەڕێوەچوونی ھەڵبژاردنی ٣٠ی ئەیلوول کراوە.

 
د. دیندار زێباری هەنگاوە پراکتیکییەکانی کابینەی هەشتی حکوومەتی هەرێمی کوردستانی ڕاگەیاند

TUESDAY, 25 SEPTEMBER 2018 18:09:49

هه‌ولێر-KDP.info-  ڕێکخەری ڕاسپاردە نێودەوڵەتییەکانی حکوومەتی هەرێم، هەنگاوە پراکتیکییەکانی کابینەی هەشتی حکوومەتی هەرێم لە ڕووی مرۆیی، مافی مرۆڤ و بەرەنگاربوونەوەی تیرۆر بۆ ڕای گشتی دەخاتە ڕوو.

 
ل باکووری کوردستانێ ساڵڤەگەرا ڕیفراندۆمێ بلند تێ نرخاندن

TUESDAY, 25 SEPTEMBER 2018 17:09:31

ئامەد-KDP.info- ئیرۆ سێ شەممێ، ل ئامەدێ، ب هەلکەفتا یەکەمین سالڤەگەرا ریفراندۆما سەرخوەبوونێ، تەڤگەرا ئازادی، PAK، PDK، PSK جڤینەکا چاپەمەنیێ ل دارخستن، د جڤینێ دا ساڵڤەگەرا ریفراندۆمێ بلند هات نرخاندن.

 


 
© 2018 Kurdistan Democratic Party, KDP