ههولێر-KDP.info- له پەیامی سەرەخۆشیدا بۆ قوربانیانی بومەلەرزەی شەوی ڕابردوو، (سەرۆك بارزانی) به هۆی ئهم كارەساته هاوخەمیی خۆی به خەڵكی لێقەوماو و زیانلێكەوتووی هەر دوو پارێزگای کرماشان و هەڵەبجە ڕادهگهیێنێ.
دهقی پەیامی سەرەخۆشی سەرۆك بارزانی بۆ قوربانیانی بومەلەرزەی شەوی ڕابردوو
بەناوی خودای بەخشندە و میهرەبان
بەداخێكی زۆرەوە شەوی ڕابردوو لە ئەنجامی ڕوودانی بوومەلەرزە لە دهربهندیخان و پارێزگاكانی هەڵەبجە و كرماشان و ناوچەكانی قەسری شیرین و سەرپولی زەهاب سەدان هاووڵاتی گیانیان لە دەست دا و هەزارانی تریش بریندار بوون.
بەم بۆنە خەمناكەوە سەرەخۆشی لە كەسوكاری قوربانیان و خەڵكی ناوچە زیانلێكەوتووەكانی بوومەلەرزەی شەوی ڕابردوو دەكەم و هیوای چاكبوونەوەی خێرایش بۆ بریندارانی ئەو ڕووداوە دڵتەزێنە دەخوازم.
لەم كارەساتەدا خۆمان بە هاوخەمی خەڵكی لێقەوماو و زیانلێكەوتووی دهربهندیخان و هەر دوو پارێزگای کرماشان و هەڵەبجە دەزانین.
مهسعوود بارزانی
13ـی 11ـی 2017