Kurdî  ■  كوردی  ■  عربي
THU, 22 FEB 2018 04:00 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

پێگەی کورد لە ناوچەکەدا بە بەهێزی دەمێنێتەوە
| KDP.info


دهۆک-KDP.info-  (عەبدولباست حەمۆ) شارەزای ڕۆژهەڵاتی ناوین و شرۆڤەکاری سیاسیی پرسە نێودەوڵەتییەکان دەڵێت، ئەمڕۆ ڕۆژهەڵاتی ناوین زۆر ئاڵۆزیی تێدایە، بەتایبەتی عێراق و سووریا، ئێرانیش دەیەوێ ناوچەکە بخاتە ژێر دەستی خۆی، هەر شەڕێکیش لە ناوچەکەدا لە بەرژەوەندی کورد دەبێت.

ئێران چاوی لە ناوچەکەدا سوورکردووەتەوە
(عەبدولباست حەمۆ) كه‌ هاوكات جێگری سەرۆکی ئیتلافی نیشتمانیی سووریا ''ئۆپۆزسیۆن''ـە و ئەندامی مەکتەبی سیاسیی پارتی دیموکراتی کوردستان-سووریایشە، بە ماڵپەڕی فەرمیی پارتی دیموکراتی کوردستانی گوت: ''ئەمڕۆ ئێران چاوی لە ناوچەکە سوور کردووەتەوە و گوێ بە دنیا نادات، بەرژەوەندیی زۆر لە ناوچە لە بنپێ کراون و هێرش بۆ سەر ناوچە دەکات، بەتایبەت ئەو هێرشەی ئەم دواییەی بۆ سەر کەرکووک لە ١٦ی ئۆکتۆبەری ئەمساڵ و ڕۆژئاوایش بێدەنگ بووە لەسەر ئەم پرسە.

(عەبدولباست حەمۆ) گوتی: ''لە دوای شکستی داعش و نەمانی مەترسییان، ئێستا مەترسیی ئێران بۆ ناوچەکە هەیە و بەتایبەت لەسەر عێراق و سووریا و ئێستا واقع قسە دەکات، کە چۆن ئێران بە دڵی خۆی مامەڵە لەگەڵ ناوچەکە دەکات.''
زۆربەی میدیا جیهانییەکان بڵاویان کردەوە شەڕێکی گەورە لە ناوچەکەدا ڕوو دەدات، بەتایبەت لە نێوان هیزەکانی سەر بە ئێران و سعوودیادا.
سەبارەت بەمەش، (حەمۆ) گوتی: ''ئەگەر ئەم شەڕە پێشبینیکراوە ڕوو بدات، پێگەی هیزەکانی سەر بە ئێران لاواز دەبێت و لەم هێرشانەی دواییشدا، کە بێدەنگبوونی سوننەکانی عەرەبی لەبارەوە هەبوو، بەڵام ئەو هێرشانەی بۆ سەر ئێمە کران، ئێستا بوونەتە مەترسی لەسەر ئەوانیش، و ئەم شەڕەش لە بەرژەوەندیی کورددا دەبێت.''

(حەمۆ)  ئەوەیشی خستە ڕوو: ''ئیستا جەنگەکە بووەتە جەنگی مەزهەبی لە نێوان دنیای سوننی و شیعی و لە کەنداو دەست پێ دەکات و بە گفتوگۆ چارە ناکرێت و، ئەم شەڕە لە قسەکانی بەرگریی ئێران دیار بوو، کە لەم دواییانەدا کردی، ئەوان دەیانەوێت دەست بەسەر ناوچەکەدا بگرن و خۆیان بە پاڵەوانی ناوچەکە دەبینن.''

تورکیا پەشیمان بووەتەوە لەو ڕێککەوتنەی نێوان (ئۆردوگان) و (ڕوحانی)

جێگری سەرۆکی ئیتلافی نیشتمانیی سووری گوتیشی: ''ئێستا تورکیایش گەیشتووەتە ئەو قەناعەتەی کە هەرێمی کوردستان پێگەیەکی بەهێز بوو بۆ ئەوان، بەڵام ئێستا بە خۆیان دەزانن، کە ئێران مەترسییە بۆ سەر ئەوانیش، چونکە ئیستا ئێران باڵادەستە لە ناوچەکەدا و لە شام و بەغدا و، بەحرێن و لوبنان و نێوەی یەمەنیش لە دەستیدایە.''

(حەمۆ) ئەوەیشی خستە ڕوو: ''لەبەر ئەوەی تورکیا دەزانێت هەموو ئەم ناوچانە دەبنە هەڕەشە بۆ ئانکارا، لەبەر ئەوەش لاوازییەک هەیە لە هەڕەشەکانی بۆ سەر کوردستان، تورکیایش دەزانێت و لەو ڕێککەوتنەی (ئۆردوگان) و (ڕوحانی) پەشیمان بووەتەوە، چونکە ئێران بە ئەگەری دژی ڕیفراندۆم هێنایە تاران و ڕێککەوتنیان کرد.''

ئەمەریکا دێتە سەرخەت
ئایا ئەمەریکا پشتیوانیی دنیای سوننی، یان ئێران دەبێت؟ ئێستا سعوودیا دەیەوێت ئەم شەڕە و هەڕەشەی ئێران نەمێنیت و دەیەوێت ڕووسیا و ئەمەریکایش هاوکار بن، لە بەرانبەر ئەمەشەدا ئەمەریکا و ڕووسیا دەچنە بەرەی سعوودیا، چونکە ئەگەر ناوچەکە بە تەواوی کەوتە ژێر دەستەڵاتی ئێران، ئەوا دەبێتە مەترسی لەسەر ناوچەکە، هەرچەندە ئەمەریکا و ڕووسیا لەگەڵ بەرژەوەندیی خۆیانن. (عەبدولباست) وای گوت.

(حەمۆ) دەشڵێت: ''چونکە ئێران پڕۆژەی چەکی ئەتۆمی هەیە، دەبێتە هەڕەشە بۆ سەر ئەمەریکا و ئیسرائیلیش''.

کـــاروان بـــاعــــەدری

 




دوایین هەواڵەکان

"هەر پەنابەرێک بگەڕێتەوە هەرێم هاوکاریی مادی دەکرێ"

WEDNESDAY, 21 FEBRUARY 2018 16:02:07

هەولێر-KDP.info- حکوومەتی ھەرێمی کوردستان بە ھاوکاریی ڕێکخراوە نێودەوڵەتییەکان پڕۆژەیەکی بۆ گەڕانەوەی پەنابەرانی ھەرێمی کوردستان ئامادە کردووە و بەڕێوەبەری گشتیی کۆچ و کۆچبەرانیش دەڵێ، ھەر پەنابەرێک مافی پەنابەرێتی وەرنەگرتبێت و بیەوێ بگەڕێتەوە خەرجی ھێنانەوەی بۆ دەکەین و ھاوکاریی ماددیشی پێشکەش دەکەین.

 
"کەلوپەلی ناوماڵ بۆ ٣٦٧ خێزانی شەهید دابین کرا"

WEDNESDAY, 21 FEBRUARY 2018 15:02:24

هەولێر-KDP.info- دەزگای خێرخوازیی بارزانی و ڕێکخراوی فریاکەوتنی ئیسلامی لە جیهاندا لە چالاکییەکدا لە شاری هەولێر کەلوپەل و پێداویستیی ناوماڵیان پێشکەش بە ٣٦٧ خێزانی شەهید کرد.

 
سەرۆك بارزانی پێشوازی لە دەستەی سەرۆكایەتیی ئەنجوومەنی كوردی سووریا کرد

WEDNESDAY, 21 FEBRUARY 2018 14:02:28

هەولێر-KDP.info-  سەرۆك مەسعوود بارزانی پێشوازی لە دەستەی سەرۆكایەتیی ئەنجوومەنی كوردی سووریا كرد و لە دیدارەکەدا دوایین پێشهاتە سیاسی و ئەمنییەكانی ڕۆژئاوا و شاری عەفرین تاوتوو كرا و بیروڕا لەبارەی ئاییندەی ڕۆژهەڵاتی ڕووباری فورات و هاوكێشە سەربازی و سیاسییەكانی ئەو ناوچەیە ئاڵوگۆڕ كرا.

فەرھاد حەمەعەلی: رەوشی كەركووك زۆر خراپە و داعشیش دەستیان بە جووڵە كردووە

WEDNESDAY, 21 FEBRUARY 2018 12:02:25

كەركووك-KDP.info- گوتەبێژی ئاساییشی كەركووك دەڵێ، رەوشی ئەمنیی كەركووك زۆر ئاڵۆزە و پێشبینیی دەكرێت لە رۆژانی دابێ رەوشەكە بەرەو خراپتر بچێت. دەشڵێ، داعش دەستی بە چالاكی كردووە و، حەشد و ھێزە عێراقییەكان نەیانتوانیوە تیرۆریستان لەو سنوورە دەربكەن.

 
11 ھەزار و 141 پارچە زەوی بە كەسوكاری شەھیدان و زیندانیانی سیاسی دەدرێت

WEDNESDAY, 21 FEBRUARY 2018 12:02:25
هەولێر-KDP.info- بە فەرمانی ئەنجوومەنی وەزیرانی هەرێمی كوردستان، بڕیار درا بە دابەشكردنی 11 هەزار و 141 پارچەزەوی بەسەر كەسوكاری شەهیدان، ئەنفالكراوان و زیندانیانی سیاسیدا.
 


 
© 2017 Kurdistan Democratic Party, KDP