Kurdî  ■  كوردی  ■  عربي
TUE, 19 JUN 2018 17:30 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

ئێران داوایه‌کی سەرۆکی فەرەنسا ڕه‌ت ده‌کاته‌وه‌
| KDP.info


ئاژانسەکان-KDP.info- دوای ئه‌وه‌ی فڕۆکه‌خانه‌ی ڕیاز به‌ مووشه‌ک بۆردومان کرا و سه‌رۆکی فه‌ره‌نسا له‌ لێدوانێکیدا له‌سه‌ر ئه‌م بابه‌ته‌ تارانی تاوانبار کرد، کۆماری ئیسلامیی ئێران هۆشداریی دایه‌ سەرۆکی فەرەنسا و داوایه‌کی (ئه‌مانوێل ماکرۆن) سەرۆکی ئەو وڵاتەیشی ڕه‌ت کرده‌وه‌.

(به‌هرام قاسمی)، وته‌بێژی وه‌زاره‌تی ده‌ره‌وه‌ی ئێران هۆشداریی دایه‌ پاریس که‌ به ‌هه‌ڵه‌ که‌س تاوانبار نه‌کات و داوای کرد فەرەنسا ڕاست و دووربین بێت له‌مه‌ڕ کێشه‌کانی ڕۆژهه‌ڵاتی ناوه‌ڕاست.

(قاسمی) له‌ ڕاگه‌یه‌نراوێکدا گوتیشی، پاریس به هه‌ڵه‌ تاران تاوانبار نه‌کات، ئه‌مانه‌ قسه‌ی چه‌ند وڵاتێکی که‌نداوه‌، که‌ ده‌یانه‌وێ ناوبانگی ئێران له‌ دنیادا له‌ککه‌دار بکه‌ن.

  (ئه‌مانوێل ماکرۆن) سەرۆکی فەرەنسا ڕایگه‌یاندووه،‌ سیسته‌می مووشه‌کی بالیستیی تاران جێی مه‌ترسییه ‌و ده‌بێ له‌گه‌ڵ ئێران له‌م ڕووه‌وه‌ گفتوگۆ بکرێت. له‌ ڕاگه‌یه‌ندراوێکی دواتردا (به‌هرام قاسمی)، وته‌بێژی وه‌زاره‌تی ده‌ره‌وه‌ی ئێران ئه‌م گفتوگۆیه‌ی ڕه‌ت کردووه‌ته‌وه‌.
 




دوایین هەواڵەکان

"خێزانێكی كوردی ئێزدی چوونەتە شنگال و چارەنووسیان نادیارە"

TUESDAY, 19 JUNE 2018 16:06:04

شنگال-KDP.info- ماوه‌ی شه‌ش ڕۆژه‌ خێزانێكی كوردی ئێزدی له ‌سنووری قه‌زای شێخان به ‌مه‌به‌ستی كارێكی ئیداره‌ی سه‌ردانی قه‌زای شنگالیان كردووه‌، به‌ڵام تاوه‌كو ئێستا نه‌گه‌ڕاونه‌ته‌وه‌ و چاره‌نووسیان نادیاره‌.

 
"پێشمەرگە ئۆپەراسیۆن دژی داعشەكانی مەخموور ئەنجام دەدات"

TUESDAY, 19 JUNE 2018 14:06:23

مەخموور -KDP.info- چەند ڕۆژێكە تیرۆریستانی داعش لە سنووری مەخموور جووڵەیان زیاد كردووە و، وەك بەرپرسێكیش دەڵێت، ئەگەر داعش نیەتی ھەبێت، دەتوانێت شارەكانیش داگیر بكات، بەڵام پێشمەرگە ئامادەكاری دەكات بۆ لەنێوبردنیان. فەرماندەیەكی میحوەری مەخمووریش ئاشكرای كرد، بە نیازی ئۆپەراسیۆنن بۆ لەنێوبردنی داعشەکانی مەخموور.

 
"پەیامەكەی سەرۆك بارزانی، كلیلی چارەكردنی كێشەكانی ھەرێم و عێراقە"

TUESDAY, 19 JUNE 2018 13:06:18

ھەولێر-KDP.info- لایەنە سیاسییەكان، پەیامەكەی " سەرۆك بارزانی" بە ئەرێنی دەبینن و باوەڕیان وایە، كلیلی چارەكردنی كێشەكانی كوردستان و عێراقە. دەشڵێن، لە بری ئەوەی لە ڕاگەیاندنەكانەوە وەڵام و وەڵامكاری بكرێت، پێویستە لەسەر مێزی گفتوگۆ دابنیشن.

 
عارف ڕوشدی: لە چوارچێوەی پەیامەكەی سەرۆكدا، ئامادەكاری بۆ كۆبوونەوەی لایەنەكان كراوە

TUESDAY, 19 JUNE 2018 12:06:34

هەولێر-KDP.info- سەرۆك بارزانی، لە پەیامی جەژنی رەمەزاندا داوای لە گشت ھێزە سیاسییەكانی ھەرێمی كوردستان كرد، بۆ دەربازكردنی ئەم قۆناغە، دوای جەژن كۆ ببنەوە، راوێژكاری مەكتەبی سیاسیی پارتییش دەڵێ، خواستی سەرۆك بارزانی یەكڕیزیی نێوان لایەنەكانە و، دەست بە ئامادەكاری بۆ ئەنجامدانی كۆبوونەوەی لایەنەكان كراوە.

 
دادگای فیدراڵی، لەبارەی تانەی لایەنەكانەوە كۆ دەبێتەوە

TUESDAY, 19 JUNE 2018 12:06:11

بەغدا-KDP.info- سەرۆكی لیژنەی یاسایی لە پەرلەمانی عێراق گوتی، بڕیارە دووسبەی دادگای فیدراڵی كۆ ببێتەوە و تێیدا گفتوگۆ لەبارەی بڕیارەكانی پەرلەمانی عێراقەوە دەكات، كە لایەنەكان تانەیان لێ داوە، چونكە بڕیاری نایاسایی و نادەستوورین.

 


 
© 2018 Kurdistan Democratic Party, KDP