Kurdî  ■  كوردی  ■  عربي
THU, 22 FEB 2018 04:09 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

ڕوونكردنه‌وه‌یه‌ك له‌ به‌ڕێوه‌به‌رایه‌تیی گشتیی خانه‌نشین
| KDP.info



هه‌ولێر-KDP.info-  به‌ڕێوه‌به‌رایه‌تیی گشتیی خانه‌نشین له‌ وه‌زاره‌تی دارایی و ئابووری، سه‌باره‌ت به‌ لێدوانی په‌رله‌مانتاری عێراقی فیدراڵ (ئه‌حمه‌د حاجی ڕه‌شید)  ڕوونكردنه‌وه‌ی دا كه‌ ئه‌مه‌ ده‌قه‌كه‌یه‌تی:

ئێمه‌ وه‌كو به‌ڕێوه‌به‌رایه‌تیی گشتیی خانه‌نشین ڕوونی ده‌كه‌ینه‌وه‌؛ به‌پێی ئاماری بایۆمه‌تری (244.000) دووسه‌د و چلوچوار هه‌زار خانه‌نشین، مووچه‌ی خانه‌نشینی وه‌رده‌گرن له‌ هه‌رێمی كوردستان، كه‌ پێكهاتوون له‌ خانه‌نشینانی (فه‌رمانبه‌رانی شارستانی، پۆلیس و هێزه‌كانی ناوخۆ، كارمه‌ندانی ده‌زگای گشتیی ئاسایش و ئه‌نجوومه‌نی ئاسایش، خانه‌نشیانی پێشمه‌رگه‌، كه‌مئه‌ندامی سه‌نگه‌ر) كه‌ له‌سه‌ر بنه‌مای مادده‌كانی یاسای خانه‌نشینی یه‌كگرتوو (ژماره‌ 27 ساڵی 2006)ـی هه‌مواركراو، یاسای ڕاژه‌ی زانكۆیی (ژماره‌  23 ساڵی 2008)، یاسای مووچه‌ی دادوه‌ران و ئه‌ندامانی داواكاری گشتی (ژماره‌ 27 ساڵی 2008)، هه‌روه‌ها یاسای ڕاژه‌ و خانه‌نشینی كارمه‌ندانی هێزه‌كانی ئاسایشی ناوخۆ (ژماره‌ 18 ساڵی 2011)، یاسای ڕاژه‌ و خانه‌نشینی پێشمه‌رگه‌ (ژماره‌ 38 ساڵی 2007 ) یاسای كه‌م ئه‌ندامانی پێشمه‌رگه‌ی سه‌نگه‌ری (ژماره‌ 34 ساڵی 2007)، كه‌ به‌پێی یاسا ئاماژه‌پێكراوه‌كانی سه‌ره‌وه‌ و ڕێنماییه‌ كارپێكراوه‌كان خانه‌نشین كراون.
له‌ هه‌مان كاتدا لێژنه‌یه‌كی تایبه‌تمه‌ند پێكهێنراوه‌ له‌ سه‌رۆكایه‌تیی ئه‌نجوومه‌نی وه‌زیران و وه‌زاره‌تی دارایی و ئابووری و وه‌زاره‌تی پێشمه‌رگه‌ و لایه‌نه‌ په‌یوه‌ندیداره‌كان، بۆ به‌ دواداچوون له‌ مووچه‌ی ئه‌و خانه‌نشینانه‌ی كه‌ بنه‌مای یاساكانی سه‌ره‌وه‌ نایانگرێته‌وه‌، له‌گه‌ڵ ڕه‌چاوكردنی پێگه‌ی ئه‌و كه‌سانه‌ی كه‌ به‌ شێوازێكی تایبه‌ت ڕۆڵیان هه‌بووه‌ له‌ شۆڕشه‌كانی ڕزگاری خوازی كوردستان.
 




دوایین هەواڵەکان

"هەر پەنابەرێک بگەڕێتەوە هەرێم هاوکاریی مادی دەکرێ"

WEDNESDAY, 21 FEBRUARY 2018 16:02:07

هەولێر-KDP.info- حکوومەتی ھەرێمی کوردستان بە ھاوکاریی ڕێکخراوە نێودەوڵەتییەکان پڕۆژەیەکی بۆ گەڕانەوەی پەنابەرانی ھەرێمی کوردستان ئامادە کردووە و بەڕێوەبەری گشتیی کۆچ و کۆچبەرانیش دەڵێ، ھەر پەنابەرێک مافی پەنابەرێتی وەرنەگرتبێت و بیەوێ بگەڕێتەوە خەرجی ھێنانەوەی بۆ دەکەین و ھاوکاریی ماددیشی پێشکەش دەکەین.

 
"کەلوپەلی ناوماڵ بۆ ٣٦٧ خێزانی شەهید دابین کرا"

WEDNESDAY, 21 FEBRUARY 2018 15:02:24

هەولێر-KDP.info- دەزگای خێرخوازیی بارزانی و ڕێکخراوی فریاکەوتنی ئیسلامی لە جیهاندا لە چالاکییەکدا لە شاری هەولێر کەلوپەل و پێداویستیی ناوماڵیان پێشکەش بە ٣٦٧ خێزانی شەهید کرد.

 
سەرۆك بارزانی پێشوازی لە دەستەی سەرۆكایەتیی ئەنجوومەنی كوردی سووریا کرد

WEDNESDAY, 21 FEBRUARY 2018 14:02:28

هەولێر-KDP.info-  سەرۆك مەسعوود بارزانی پێشوازی لە دەستەی سەرۆكایەتیی ئەنجوومەنی كوردی سووریا كرد و لە دیدارەکەدا دوایین پێشهاتە سیاسی و ئەمنییەكانی ڕۆژئاوا و شاری عەفرین تاوتوو كرا و بیروڕا لەبارەی ئاییندەی ڕۆژهەڵاتی ڕووباری فورات و هاوكێشە سەربازی و سیاسییەكانی ئەو ناوچەیە ئاڵوگۆڕ كرا.

فەرھاد حەمەعەلی: رەوشی كەركووك زۆر خراپە و داعشیش دەستیان بە جووڵە كردووە

WEDNESDAY, 21 FEBRUARY 2018 12:02:25

كەركووك-KDP.info- گوتەبێژی ئاساییشی كەركووك دەڵێ، رەوشی ئەمنیی كەركووك زۆر ئاڵۆزە و پێشبینیی دەكرێت لە رۆژانی دابێ رەوشەكە بەرەو خراپتر بچێت. دەشڵێ، داعش دەستی بە چالاكی كردووە و، حەشد و ھێزە عێراقییەكان نەیانتوانیوە تیرۆریستان لەو سنوورە دەربكەن.

 
11 ھەزار و 141 پارچە زەوی بە كەسوكاری شەھیدان و زیندانیانی سیاسی دەدرێت

WEDNESDAY, 21 FEBRUARY 2018 12:02:25
هەولێر-KDP.info- بە فەرمانی ئەنجوومەنی وەزیرانی هەرێمی كوردستان، بڕیار درا بە دابەشكردنی 11 هەزار و 141 پارچەزەوی بەسەر كەسوكاری شەهیدان، ئەنفالكراوان و زیندانیانی سیاسیدا.
 


 
© 2017 Kurdistan Democratic Party, KDP