Kurdî  ■  كوردی  ■  عربي
SUN, 22 OCT 2017 13:15 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

"شەممەی دابێ فراکسیۆنە کوردستانییەکان لە سلێمانی کۆ دەبنەوە"
| KDP.info


هەولێر-KDP.info- سەرۆكی فراكسیۆنی یەكگرتووی ئیسلامی لە ئەنجومەنی نوێنەران ئاشکرای كرد، ڕۆژی شەممە لە سلێمانی هەر پێنج فراكسیۆنەکە كۆ دەبنەوە، كۆبوونەوەكە بۆ لێكۆڵینەوەیە لەو بارودۆخە، بۆ وەرگرتنی هەڵوێستێكی هاوبەش لە بەغدا، جا هەر هەڵوێستێك بێت،  بە گەڕانەوە بێت، یان بایكۆتكردن.

پێش ئەنجامدانی ڕیفراندۆم، پەرلەمانی عێراق ڕاگەیاند، ڕیفراندۆمی هەرێمی كوردستان نادەستوورییە، بۆیە ئەوان دژی ئەنجامدانی ڕیفراندۆمن، لەگەڵ ئەوەش بڕیاری لادانی پارێزگاری كەركووكی دا، ئەوەش بووە هۆی ئەوەی كە فراكسیۆنە كوردستانییەكان بایكۆتی دانیشتنەكانی پەرلەمان بكەن، دوای ئەنجامدانی ڕیفراندۆمیش، پەرلەمانی عێراق 13 بڕیاری دژی هەرێمی كوردستان دا، ئەو ڕیفراندۆمەی كە كوردستانی نزیك كردووەتەوە لە سەربەخۆیی.

(موسەننا ئەمین)، سەرۆكی فراكسیۆنی یەكگرتووی ئیسلامی لە ئەنجومەنی نوێنەران بە ماڵپەڕی فەرمیی پارتی دیموكراتی كوردستانی ڕاگەیاند: ''ئەمڕۆ بە تەلەفۆن هەموو فراكسیۆنەكان پێكەوە قسەمان كردووە، ڕۆژی شەممە لە سلێمانی كۆ دەبینەوە، بە هەرپێنج فراكسیۆنەکە ئامادەكاری دەكەین و كردووشمانە بۆ كۆبوونەوەیەك، كۆبوونەوەكەش بۆ لێكۆڵینەوەیە لەو بارودۆخە، بۆ ڕێكخستنی ڕیزەكانی فراكسیۆنە كوردستانییەكان، بۆ وەرگرتنی هەڵوێستێكی هاوبەش لە بەغدا، جا هەر هەڵوێستێك بێت،  بە گەڕانەوە بێت، یان بایكۆتكردن، كە لەو ڕۆژەدا بە هەموومان هەڵوێستێكی هاوبەش دەردەكەین.''

ڕابین شێروانی




دوایین هەواڵەکان

لە کۆبوونەوەی لایەنەکاندا جەخت لە پتەوکردنی پێگەی حکوومەت و هێنانەئارای یەکڕیزی کرایەوە

SUNDAY, 22 OCTOBER 2017 13:10:06

هەولێر-KDP.info-  لە کۆنفڕانسی ڕۆژنامەوانیی هاوبەشی نێوان لایەنە کوردستانییەکاندا، (مەحموود محەممەد) ئەندامی مەکتەبی سیاسیی پارتی دیموکراتی کوردستان ڕایگەیاند، "یەکڕیزی و پتەوکردنی نێوماڵمان، هەست بەرپرسارەتی و پێویستیی تێپەڕاندنی دۆخەکە، گفتوگۆ لەگەڵ بەغدا، بابەتی سەرەکیی کۆبوونەوەی نێوانمان بووە."

 
سەرکردەیەکی پارتەکەی مێرکل بۆ KDP.info: سبەی سەربازگەیەکی دیکە لە هەرێمی کوردستان دەکەینەوە

SUNDAY, 22 OCTOBER 2017 12:10:29

ئەڵمانیا-KDP.info- سەرکرده‌یەکی پارتی یەکێتی کرستیانەکانی ئەڵمانیا دەڵیت، بە هەموو شێوەیەک هەماهەنگیمان لەگەڵ پێشمەرگە بەردەوامە و مەشقی زیاتر به‌ پێشمەرگە دەکەین، بۆ ئەو مەبەستەش سەربازگەیەکی نوێ کراوەتەوە، هاوکات وەزارەتی پێشمەرگە پشتڕاستی دەکاتەوە.

 
حامید حاجی غالی: فێڵمان لێ کرا

SUNDAY, 22 OCTOBER 2017 12:10:50

هەولێر-KDP.info-  هەندێ لە فەرماندە سەربازییەکانی یەکێتی، دژایەتیی خۆیان بۆ بەدەستەوەدانی کەرکووک و ناوچەکانی دیکەی کوردستان بە حەشدی شەعبی دەردەبڕن و دەڵێن، فێڵیان لێ کراوە، چونکە پێیان گوتراوە "هێزێکی هاوپەیمانان بە هاوئاهەنگیی پێشمەرگە و سوپای عێراق دێتە بنکەی سەربازی کەیوان".

 
خۆپیشاندانەکانی ڕەوەندی كورد درێژەیان دەبێ

SUNDAY, 22 OCTOBER 2017 11:10:38

ئه‌ڵمانیا-KDP.info-  رێكخه‌رێکى خۆپیشاندانه‌كانى ڕەوەندی كورد لە ئەورووپا دەڵێ، دژى داگیركاریى حه‌شدى شه‌عبى به‌ پشتیوانى ئێران بۆ سەر كه‌ركووك و ناوچە كوردستانییەکانی دیکە، له‌ ته‌واوى وڵاتانى ئه‌ورووپادا خۆپیشاندان ساز دەدەن و لە ڕێیەوە په‌یامى گه‌لى كوردستان به‌ گوێێ جیهانیاندا دەدەن.

 
ئێستا بوونمان هەیە و ناومان لە نێو ناوانە

SUNDAY, 22 OCTOBER 2017 10:10:13

حوسێن کوردنەژاد
لە نەخشەی سیاسیی رۆژهەڵاتدا چەندین دیسکۆرس لە مەیداندا بوونیان هەیە. دیسکۆرسی بە هێزی سوننە، رادیکاڵێکی لاوازکراو و سوننەتیێکی خوازیاری ریفۆرمی خاوەن پارە و ئیرادە و هاوپەیمانی نێونەتەوەیی بەهێز، لە پەنای ئەوەدا دیسکۆرسی بەهێزی کۆنەپەرستی شیعە، قەیرانخوڵقێنەر و پەلهاویشتوو لە چەندین وڵاتی ناوچەدا، بێ هاوپەیمان کە ژیانی بەستراوەتەوە بە خوڵقاندنی قەیران، دیسکۆرسێکی بێ داهاتوو، کە ئێران نۆێنەرایەتی دەکات.



 
© 2017 Kurdistan Democratic Party, KDP