Kurdî  ■  كوردی  ■  عربي
SAT, 22 SEP 2018 07:00 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

حەشدی شەعبی مەترسییە بۆ سەر ئاشتیی کۆمەڵایەتی لە عێراقدا
| KDP.info


شرۆڤەکارێکی سیاسی ئاماژە بۆ ئەوە دەکات، ھەر ھەنگاوێکی سەربازی بۆ سەر کەرکووک و دەوروبەری لە لایەن ھێزەکانی بەغدا و حەشدی شەعبییەوە بەبێ زیان نابێت و دەشڵێت، حەشدی شەعبی بووەتە مەترسی بۆ سەر ئاشتیی کۆمەڵایەتی لە عێراقدا.

حەشدی شەعبی لە ٦٩ گرووپی جیا جیا پێک ھاتوون و بە گوێرەی ڕاپۆرتی ڕێکخراوەکانی مافی مرۆڤی نێوخۆیی و نێودەوڵەتی، چەکدارانی حەشدی شەعبی دەستیان لە نانەوەی کارەساتی مرۆیی و ئەنجامدانی تاوانی جەنگدا هەیە، بەتایبەت لە ناوچە سوننە مەزھەبەکان. (موئەیەد تەییب)، شرۆڤەکاری سیاسی  بە ماڵپەڕی فەرمیی پارتی دیموکراتی کوردستانی ڕاگەیاند: ''حەشدی شەعبی لە ژمارەیەک گرووپی جیاواز پێک ھاتوون، کە پابەندی ھیچ یاسا و بڕیارێکی حکوومەتی بەغدا نین و بێ مەرجەعن، کە لە ژمارەیەک گەنجی بێکار پێک ھاتوون، بە ھەموو پێوەرەکان ھێزێکی بێ دیسیپلینی نانیزامیین.''

ناوبراو پێی وایە: ''دەبوو ئەو گەنجە بێکارانەی بوونەتە چەکدار لە چوارچێوەی گرووپەکانی حەشددا، لە ڕیزەکانی سوپا ڕێک بخرێن، کە وەک ئێستا نەدەبوونە مەترسی بۆ سەر ھەموو پێکھاتەکانی عێراق و بۆ سەر پێکەوەژیانی کۆمەڵایەتی.''

ساڵی ٢٠١٤ کاتی ھێرشی تیرۆریستانی داعش بۆ سەر ناوچە کوردستانییەکانی دەرەوەی ئیدارەی هەرێم لە کەرکووک و نەینەوا و دیالە، دوو فیرقەی سوپای عێراق و چەندین ھێزی دیکەی تایبەتی عێراق، نەیانتوانی بەرگری لە خۆیان بکەن و ناوچەکانیان ڕادەستی تیرۆریستان کرد، دواتر ھێزەکانی پێشمەرگەی کوردستان بە خوێنی چەندین پێشمەرگە توانییان داعش بشکێنن و خەڵکی ناوچەکە بپارێزن. ئەو شرۆڤەکارە ئاماژەی بۆ ئەوەکرد: ''حەشدی شەعبی  لەگەڵ شەڕی گرتنەوەی مووسڵ و شارۆچکەی حەویجە، ھێزێکی زۆری ھێناوەتە نزیک ناوچە کوردستانییەکانی دەرەوەی ئیدارەی حکوومەتی ھەرێمی کوردستان، بێگومان ھێنانی ئەو ھێزانە بۆ سەر کوردستان و داھاتووی ئەو ناوچانە بێمەترسی نییە.''

چاودێرانی سیاسی دەڵێن، لە ڕووی یاساییەوە ناوچەکانی سنووری ماددەی ١٤٠ی دەستووری عێراق، پێویستە بە پڕۆسەیەکی دیموکراتیدا بڕۆن و خەڵکی ناوچەکە بڕیار لەبارەی داھاتووی خۆیانەوە بدەن، ئەگەریش بەغدا ھێندە پەرۆشی چارەکردنی کێشەی ئەو ناوچانەیە، چەندین ساڵە بۆچی ماددەی ١٤٠ی جێبەجێ نەکردووە، ئێستایش کە خەڵکی ناوچەکە چارەنووسی خۆیان دیاری کرد و کوردستانیان هەڵبژارد دەبێ بەغدا ئەمەی قەبووڵ بێت.

(تەیب) گوتیشی: ''ھەر ھەنگاوێک بۆ نانەوەی شەڕ و ئاشووب لە ناوچە کوردستانییەکاندا بۆ عێراق، بێ زیان نابێت، لەبەر ئەوەی حەشدی شەعبی ئەو ھێزە نییە خۆی بەرامبەر بە ھێزێکی خاوەن دیسیپلینی سەربازی و ئەزموونی چەندین ساڵەی وەک هێزەکانی پێشمەرگە بگرێت، ھەرچەندە سیاسەتی ھەرێمی کوردستان ھەتا ئێستاش چارەکردنی کێشەکانە بە دانوستان و بە ھەموو شێوەیەک بژاردەی شەڕ و توندوتیژی ڕەت دەکرێتەوە، بەڵام بێگومان ئەرکی بەرگری لەخۆکردن مافی ھەموو کەس و وڵاتێکە، ئەگەر ھێزێک بیەوێ ھێرشی بکاتە سەر.''

قائید میرۆ
 




دوایین هەواڵەکان

سه‌رۆك بارزانی: یه‌كێتیی زانایان ڕێیان لە گەشەی هزری توندڕۆیی و ئینكار لەنێو خەڵكی كوردستان گرتووە

FRIDAY, 21 SEPTEMBER 2018 16:09:16

هه‌ولێر-KDP.info-  وێڕای پیرۆزبایی بەبۆنەی چل و هەشتەمین ساڵیادی دامەزراندنی یەكێتیی زانایانی ئایینی ئیسلامیی كوردستان، سه‌رۆك بارزانی پێزانینی هەیە بۆ ڕۆڵ و كاریگەریی یەكێتیی زانایان و مامۆستا و پیاوانی ئایینی، كە ڕێگەیان لە گەشەی هزری توندڕۆیی و ئینكار لەنێو خەڵكی كوردستان گرتووە و هەمیشە لە بارودۆخی سەخت و ئاڵۆزدا پشتیوانی دۆزی ڕەوای گەلەكەیان بوونە.

 
پەیامی پارتی، بەبۆنەی 48 ساڵەی یادی دامەزراندنی یەكێتیی زانایانی ئایینی ئیسلامیی كوردستان‎

FRIDAY, 21 SEPTEMBER 2018 16:09:37
هەولێر-KDP.info- بەبۆنەی (48)ەمین ساڵیادی دامەزراندنی یەكێتی زانایانی ئایینی ئیسلامی كوردستان، مەكتەبی سیاسی پارتی دیموكراتی كوردستان، له‌ په‌یامێكدا پیرۆزبایی دامەزراندنی یەكێتی زانایانی ئایینی ئیسلامی كوردستان ده‌كات. 
 
بەشی خۆم بۆ خۆم، بەشی تۆیش دەخۆم

FRIDAY, 21 SEPTEMBER 2018 15:09:00

هۆشیار سیوەیلی
کێشمەکێشەکانی پرسی سەرۆککۆماری عێراق لە ناو سەرکردایەتیی یەکێتی بە پلەی یەکەم و دواتر لە نێوان پارتی و یەکێتیدا هێشتا یەکلا نەبووه‌تەوە. هەرچەندە ئەنجوومەنی سەرکردایەتیی یەکێتی د. بەرهەم ساڵحی کاندید کردووە بۆ وەرگرتنی ئەو پۆستە، بەڵام دووبارەکردنەوەی سیناریۆی خوولی پێشوو کە دکتۆر نەیتوانی سەرکەوتن بە دەست بهێنێ، هێشتا ئەگەرێکە بە تایبەتی وەک دەبیستین کە دکتۆرێکی تری زۆر نزیک لە ناوەندی دەسەڵات، بە نیازن خۆیان کاندید بکه‌ن و پارتییش ناڕازییە بە دیاریکردنی تاکلایەنەی کاندید بۆ پۆستەکە.

کەریم سنجاری: نابێت فشار بخرێتەسەر هیچ کەسێک بۆ دەنگدان بە بەربژێرێکی دیاریکراو

FRIDAY, 21 SEPTEMBER 2018 13:09:58
هەولێر-KDP.info- وەزیری ناوخۆی هەرێمی کوردستان بەشداریی لە هەڵبژاردن و دەنگدان بە مافێکی رەوای هەر تاکێکی کۆمەڵگە ناودەبات و رایدەگەیێنێت، نابێت هیچ بەرپرس و ئەفسەر و فەرمانبەر و کارمەندێک لەهەر ئاستێکی وەزیفیدا بێت پاڵەپەستۆ و هەڕەشە بخاتەسەر هەر ئەفسەر و کارمەند و فەرمانبەرێک بۆ دەنگدان بە کاندیدێکی دیارییکراو و بەناچاری.
 
نێچیرڤان بارزانی: پارتی باوەڕی زۆربەی خەڵکی کوردستانی لەگەڵدایە

THURSDAY, 20 SEPTEMBER 2018 20:09:54

هه‌ولێر-KDP.info-  ئێوارەی ئەمڕۆ پێنجشەممە ٢٠/٩/٢٠١٨، بە ئامادەبوونی نێچیرڤان بارزانی جێگری سەرۆکی پارتی دیموکراتی کوردستان، ئه‌ندامانی مه‌كته‌بی سیاسی و سه‌ركردایه‌تیی و به‌رپرسانی لق و کاندیدانی پارتی بۆ پەرلەمانی کوردستان، ئاهەنگێکی بەرفراوانی جەماوەری بۆ ئافرەتان، لاوان و قوتابیانی کوردستان، لە پیشانگای نێودەوڵەتیی هەولێر ساز کرا.

 


 
© 2018 Kurdistan Democratic Party, KDP