Kurdî  ■  كوردی  ■  عربي
SAT, 22 SEP 2018 06:59 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

ەرواری: بەغدا توانای جێبەجێکردنی بڕیارەکانی خۆی نییە
| KDP.info


هەولێر-KDP.info-  شرۆڤەکاری سیاسی، (عەبدولسەلام بەرواری) دەڵێت، ئەنجومەنی ئاسایشی نیشتمانیی عێراق بە قسەی (مالیکی) بڕیارەکانی لە دژی هەرێم دەرکردوون، بەڵام بەغدا توانی جێبەجێکردنی ئەو بڕیارانەی نییە.

دواین بڕیاری ئەنجومەنی ئاسایشی نیشتمانیی عێراق لە دژی خەڵکی کوردستان، بریتیە لەوەی ''دەبێ تۆڕەکانی مۆبایل بخرێنە ژێر دەسەڵاتی حکوومەتی ناوەندی و بگوازرێنەوە بۆ بەغدا، دەبێ هەنگاوێ نوێی بنرێت بۆ گەڕانەوەی دەسەڵاتی حکوومەتی عێراق بۆ ناوچە کێشەلەسەرەکان، ڕێکاری یاسایی لەبەرانبەر ئەو فەرمانبەرانە دەگیرێتە بەر کە لە گشتپرسییەکە دەنگیان داوە، بەدواداچوون دەکرێت بۆ داخستنی سنوورەکان و دەبێ هەموو جۆرە مامەڵەیەکی بازرگانی و داهاتەکان بگەڕێتەوە ژێر دەسەڵاتی حکومەتی عێراق و ڕێکار لە دژی ئەندامانی کۆمسیۆنی باڵای سەربەخۆی هەڵبژاردن و ڕاپرسی کوردستان و هێڵەکانی ئینتەرنێت بگیرێتەبەر.''

(عەبدولسەلام بەرواری) شڕۆڤەکاری سیاسی بە ماڵپەڕی فەرمیی پارتی دیموکراتی کوردستانی گوت: ''ماوەیەکە حکوومەتی عێراق بەردەوامە لە دەرکردنی جۆرە بڕیارێک، کە سێ خەسڵەتی هەیە: (١) زیادکردنی گرژی و هاندانی توندوتیژی، (٢) زۆربەیان لە توانای عێراقدا نییە، کە جیبەجێان بکات و تەنها بۆ مەرامی هەڵبژاردن و ململانێی ناوخۆی شیعەکانە، (٣) لە کۆتاییدا عێراق لە بەردەوامبوون لەسەر ئەم ڕەفتارانە زیانی پێ دەکەوێت و بە سوودی هەرێم دەبێت.

(بەرواری) دەپرسێت: ''چۆن بەغدا دەتوانێت ئەندامانی کۆمسیۆن دەستگیر بکات؟ بەغدا چ دەسەڵاتێکی بەسەر کارکردنی کۆمپانیاکانی مۆبایلدا هەیە؟ چۆن دەتوانێت ئەو ئەنتەرنێتەی بە هۆی سەتەلایتەوە وەدەگیرێت کۆنتڕۆڵ بکات؟ ئەگەر خاڵە سنوورییەکانی خستە ژێر دەسەڵاتی خۆی، چۆن سوودیان لێ وەردەگرێت؟ چۆن دەتوانێت ناوچەکانی دەرەوەی هەرێم کۆنترۆل بکات، بەبێ شەڕ؟

(بەرواری) گوتیشی: ''هەڵوێستی بەغدا بە پێچەوانەی گۆڕانکارییەکانی ئەم دواییەن. هەفتەی ڕابردوو ئومێد هەبوو کۆمەڵگای نێودەوڵەتی ئەو فشارانەی لەسەر عێراق داینا بۆ ئەوە بوو هەنگاوی خراپ نەنێت. ڕەنگە دوو سێ هەنگاوی وەک ڕاگرتنی گەشتی فرۆکەوانیی کوردستان بنێن، بەڵام لە کۆتاییدا پێم وایە خۆیان شەرمەزار دەبن، ڕەنگە ئەم هەڵوێستەیان لە کۆتاییدا لە سوودی هەرێم بێت و وا لە کۆمەلگای نێودەوڵەتی بکات، کە چۆن ناردنی نەوتی کوردستان بەبێ عێراق ددانی پێدا دەنرێت، ئاواش کۆمەڵێک ماف بدرێت بە خەڵکی کوردستان.''

(بەرواری) ڕایشیگەیاند: ''ئەو بڕیارانەی ئەنجومەنی ئاسایش زیاتر پەیوەندییان بە سیاسەتی ناوخۆیانەوە هەیە، چونکە ئەو ئەنجومەنە هی ئەو گرووپەن کە سزای خەڵکی کوردستان دەدەن، لێدوانەکانی (مالیکی) و (هومام حەموودی) دەرخەری ڕاستیی نییەتییانە، هەر ڕەنگە لەژێر فشار و کاریگەریی (مالیکی)شدا ئەو بڕیارانە درابێت.''


کارزان سەباح هەورامی
 




دوایین هەواڵەکان

سه‌رۆك بارزانی: یه‌كێتیی زانایان ڕێیان لە گەشەی هزری توندڕۆیی و ئینكار لەنێو خەڵكی كوردستان گرتووە

FRIDAY, 21 SEPTEMBER 2018 16:09:16

هه‌ولێر-KDP.info-  وێڕای پیرۆزبایی بەبۆنەی چل و هەشتەمین ساڵیادی دامەزراندنی یەكێتیی زانایانی ئایینی ئیسلامیی كوردستان، سه‌رۆك بارزانی پێزانینی هەیە بۆ ڕۆڵ و كاریگەریی یەكێتیی زانایان و مامۆستا و پیاوانی ئایینی، كە ڕێگەیان لە گەشەی هزری توندڕۆیی و ئینكار لەنێو خەڵكی كوردستان گرتووە و هەمیشە لە بارودۆخی سەخت و ئاڵۆزدا پشتیوانی دۆزی ڕەوای گەلەكەیان بوونە.

 
پەیامی پارتی، بەبۆنەی 48 ساڵەی یادی دامەزراندنی یەكێتیی زانایانی ئایینی ئیسلامیی كوردستان‎

FRIDAY, 21 SEPTEMBER 2018 16:09:37
هەولێر-KDP.info- بەبۆنەی (48)ەمین ساڵیادی دامەزراندنی یەكێتی زانایانی ئایینی ئیسلامی كوردستان، مەكتەبی سیاسی پارتی دیموكراتی كوردستان، له‌ په‌یامێكدا پیرۆزبایی دامەزراندنی یەكێتی زانایانی ئایینی ئیسلامی كوردستان ده‌كات. 
 
بەشی خۆم بۆ خۆم، بەشی تۆیش دەخۆم

FRIDAY, 21 SEPTEMBER 2018 15:09:00

هۆشیار سیوەیلی
کێشمەکێشەکانی پرسی سەرۆککۆماری عێراق لە ناو سەرکردایەتیی یەکێتی بە پلەی یەکەم و دواتر لە نێوان پارتی و یەکێتیدا هێشتا یەکلا نەبووه‌تەوە. هەرچەندە ئەنجوومەنی سەرکردایەتیی یەکێتی د. بەرهەم ساڵحی کاندید کردووە بۆ وەرگرتنی ئەو پۆستە، بەڵام دووبارەکردنەوەی سیناریۆی خوولی پێشوو کە دکتۆر نەیتوانی سەرکەوتن بە دەست بهێنێ، هێشتا ئەگەرێکە بە تایبەتی وەک دەبیستین کە دکتۆرێکی تری زۆر نزیک لە ناوەندی دەسەڵات، بە نیازن خۆیان کاندید بکه‌ن و پارتییش ناڕازییە بە دیاریکردنی تاکلایەنەی کاندید بۆ پۆستەکە.

کەریم سنجاری: نابێت فشار بخرێتەسەر هیچ کەسێک بۆ دەنگدان بە بەربژێرێکی دیاریکراو

FRIDAY, 21 SEPTEMBER 2018 13:09:58
هەولێر-KDP.info- وەزیری ناوخۆی هەرێمی کوردستان بەشداریی لە هەڵبژاردن و دەنگدان بە مافێکی رەوای هەر تاکێکی کۆمەڵگە ناودەبات و رایدەگەیێنێت، نابێت هیچ بەرپرس و ئەفسەر و فەرمانبەر و کارمەندێک لەهەر ئاستێکی وەزیفیدا بێت پاڵەپەستۆ و هەڕەشە بخاتەسەر هەر ئەفسەر و کارمەند و فەرمانبەرێک بۆ دەنگدان بە کاندیدێکی دیارییکراو و بەناچاری.
 
نێچیرڤان بارزانی: پارتی باوەڕی زۆربەی خەڵکی کوردستانی لەگەڵدایە

THURSDAY, 20 SEPTEMBER 2018 20:09:54

هه‌ولێر-KDP.info-  ئێوارەی ئەمڕۆ پێنجشەممە ٢٠/٩/٢٠١٨، بە ئامادەبوونی نێچیرڤان بارزانی جێگری سەرۆکی پارتی دیموکراتی کوردستان، ئه‌ندامانی مه‌كته‌بی سیاسی و سه‌ركردایه‌تیی و به‌رپرسانی لق و کاندیدانی پارتی بۆ پەرلەمانی کوردستان، ئاهەنگێکی بەرفراوانی جەماوەری بۆ ئافرەتان، لاوان و قوتابیانی کوردستان، لە پیشانگای نێودەوڵەتیی هەولێر ساز کرا.

 


 
© 2018 Kurdistan Democratic Party, KDP