Kurdî  ■  كوردی  ■  عربي
SAT, 22 SEP 2018 06:58 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

لێژنەی ئەمنیی پەرلەمان: بەغدا دەبێ بەرپرسیارەتیی دۆخەکە لەئەستۆ بگرێت
| KDP.info



هەولێر-KDP.info- جێگری سەرۆکی لێژنەی ئاسایشی ئەنجومەنی خۆجێیی پەرلەمانی کوردستان باس لە هەوڵەکانی بەغدا دەکات بۆ تێکدانی ئارامیی ناوچە کوردستانییەکان و دەڵێت، بەغدا لە هەر ئەگەرێک بەرپرسیارە.

دوای ئەوەی ئەنجومەنی ئاسایشی کوردستان لە تویتێکدا ڕایگەیاند، حکوومەتی عێراق بەنیازە هێرش بکاتە سەر کوردستان،  دواتر وەزارەتی پێشمەرگە و حکوومەتی هەرێمی کوردستان خەڵکی کوردستانیان لەو هەڕەشانەی بەغدا ئاگادار کردەوە، (نازم هەرکی)، جێگری سەرۆکی لێژنەی ئاسایش و ئەنجومەنی خۆجێیی پەرلەمانی کوردستان، بە ماڵپەڕی فەرمیی پارتی دیموکراتی کوردستانی گوت: ''بەداخەوە جموجووڵی حەشدی شەعبی لە ناوچە کوردستانییەکانی دەرەوەی ئیدارەی هەرێم جێگای نیگەرانییە و ناکرێت بەغدا بە نابەرپرسیارانە مامەڵە لەگەڵ دۆخەکە بکات، ئەو ناوچانانە سنووری هێزی پێشمەرگە و کوردستانن، ناکرێت هیچ کەسێک خۆی لەو ناوچانە تاقی بکاتەوە، ئەگەر بەغدا ڕاست دەکات، فەرموون بچن ئەنبار و حەویجە پاک بکەنەوە، ئەمنییەتی هیت و بەغدا بپارێزن، ڕێگای سەرەکیی بەغدا هەولێر بپارێزن، ئەوان ئەگەر خەمی کەرکووکیانە، ئەوە کەرکووک پێشمەرگە پارێزگاریی لێ دەکات، خۆ ئەگەر هەر هەڵەیەک بکەن، دواجار خۆیان تووشی بەرپرسیارەتیی گەورە دەبنەوە.''

(هەرکی) گوتی: ''ئەوەی عێراق لەو کات و ساتەدا بیکات، خۆی بەرپرسیار دەبێت لە ناوخۆ و لە دەرەوە و لە ڕووی نێودەوڵەتی و لە لایەن هاوپەیمانانیشەوە. چونکە ئەم ناوچانە لە ڕووی واقعەوە سەر بە کوردستانن و ڕیفراندۆم کراوە و خەڵک دەنگی داوە بۆیە لە ڕووی یاساییەوە سوپای عێراق ناتوانێت بگەڕێتەوە بۆ ئەو ناوچانە، چونکە خەڵکی دەنگی داوە بۆ سەربەخۆییی کوردستان و کوردستانیان هەڵبژاردووە، هەر شتێک لە لایەن هێزە چەکدارەکانی عێراقەوە بکرێت، عێراق بەرپرسیار دەبێت، چونکە ئەم خەڵکانە کوردستانیان هەڵبژاردووە.''


(نازم هەرکی) ئەوەیشی خستە ڕوو: ''لە دانیشتنەکانی داهاتووی پەرلەمانی کوردستاندا پرسی هەڕەشەکانی بەغدا دەخرێنە ڕوو و پێشمەرگەش لە شوێن و جێگای خۆیەتی و هیچ جووڵەیەک بە ئاراستەی خراپ ناکرێت و پارێزگاری لە خۆمان دەکەین.''

کارزان سەباح هەورامی




دوایین هەواڵەکان

سه‌رۆك بارزانی: یه‌كێتیی زانایان ڕێیان لە گەشەی هزری توندڕۆیی و ئینكار لەنێو خەڵكی كوردستان گرتووە

FRIDAY, 21 SEPTEMBER 2018 16:09:16

هه‌ولێر-KDP.info-  وێڕای پیرۆزبایی بەبۆنەی چل و هەشتەمین ساڵیادی دامەزراندنی یەكێتیی زانایانی ئایینی ئیسلامیی كوردستان، سه‌رۆك بارزانی پێزانینی هەیە بۆ ڕۆڵ و كاریگەریی یەكێتیی زانایان و مامۆستا و پیاوانی ئایینی، كە ڕێگەیان لە گەشەی هزری توندڕۆیی و ئینكار لەنێو خەڵكی كوردستان گرتووە و هەمیشە لە بارودۆخی سەخت و ئاڵۆزدا پشتیوانی دۆزی ڕەوای گەلەكەیان بوونە.

 
پەیامی پارتی، بەبۆنەی 48 ساڵەی یادی دامەزراندنی یەكێتیی زانایانی ئایینی ئیسلامیی كوردستان‎

FRIDAY, 21 SEPTEMBER 2018 16:09:37
هەولێر-KDP.info- بەبۆنەی (48)ەمین ساڵیادی دامەزراندنی یەكێتی زانایانی ئایینی ئیسلامی كوردستان، مەكتەبی سیاسی پارتی دیموكراتی كوردستان، له‌ په‌یامێكدا پیرۆزبایی دامەزراندنی یەكێتی زانایانی ئایینی ئیسلامی كوردستان ده‌كات. 
 
بەشی خۆم بۆ خۆم، بەشی تۆیش دەخۆم

FRIDAY, 21 SEPTEMBER 2018 15:09:00

هۆشیار سیوەیلی
کێشمەکێشەکانی پرسی سەرۆککۆماری عێراق لە ناو سەرکردایەتیی یەکێتی بە پلەی یەکەم و دواتر لە نێوان پارتی و یەکێتیدا هێشتا یەکلا نەبووه‌تەوە. هەرچەندە ئەنجوومەنی سەرکردایەتیی یەکێتی د. بەرهەم ساڵحی کاندید کردووە بۆ وەرگرتنی ئەو پۆستە، بەڵام دووبارەکردنەوەی سیناریۆی خوولی پێشوو کە دکتۆر نەیتوانی سەرکەوتن بە دەست بهێنێ، هێشتا ئەگەرێکە بە تایبەتی وەک دەبیستین کە دکتۆرێکی تری زۆر نزیک لە ناوەندی دەسەڵات، بە نیازن خۆیان کاندید بکه‌ن و پارتییش ناڕازییە بە دیاریکردنی تاکلایەنەی کاندید بۆ پۆستەکە.

کەریم سنجاری: نابێت فشار بخرێتەسەر هیچ کەسێک بۆ دەنگدان بە بەربژێرێکی دیاریکراو

FRIDAY, 21 SEPTEMBER 2018 13:09:58
هەولێر-KDP.info- وەزیری ناوخۆی هەرێمی کوردستان بەشداریی لە هەڵبژاردن و دەنگدان بە مافێکی رەوای هەر تاکێکی کۆمەڵگە ناودەبات و رایدەگەیێنێت، نابێت هیچ بەرپرس و ئەفسەر و فەرمانبەر و کارمەندێک لەهەر ئاستێکی وەزیفیدا بێت پاڵەپەستۆ و هەڕەشە بخاتەسەر هەر ئەفسەر و کارمەند و فەرمانبەرێک بۆ دەنگدان بە کاندیدێکی دیارییکراو و بەناچاری.
 
نێچیرڤان بارزانی: پارتی باوەڕی زۆربەی خەڵکی کوردستانی لەگەڵدایە

THURSDAY, 20 SEPTEMBER 2018 20:09:54

هه‌ولێر-KDP.info-  ئێوارەی ئەمڕۆ پێنجشەممە ٢٠/٩/٢٠١٨، بە ئامادەبوونی نێچیرڤان بارزانی جێگری سەرۆکی پارتی دیموکراتی کوردستان، ئه‌ندامانی مه‌كته‌بی سیاسی و سه‌ركردایه‌تیی و به‌رپرسانی لق و کاندیدانی پارتی بۆ پەرلەمانی کوردستان، ئاهەنگێکی بەرفراوانی جەماوەری بۆ ئافرەتان، لاوان و قوتابیانی کوردستان، لە پیشانگای نێودەوڵەتیی هەولێر ساز کرا.

 


 
© 2018 Kurdistan Democratic Party, KDP