Kurdî  ■  كوردی  ■  عربي
SAT, 22 SEP 2018 07:00 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

"سەرۆکی ڕووسیا هەڕەشە و گوشارەکانی تورکیای لەسەر هەرێم کەم کردەوە"
| KDP.info


هەولێر-KDP.info- میدیایەکی ئەمریکایی بڵاوی کردەوە کە ڕووسیا ڕۆڵی هەبووە لە هێورکردنەوەی هەڵوێستی تورکیا لە هەمبەر هەرێمی کوردستاندا.

دوای سەردانەکەی (ڤلادیمر پووتین)، سەرۆکی ڕووسیا بۆ تورکیا و دیدار و کۆبوونەوەی لەگەڵ (ڕەجەب تەیب ئەردۆغان)، هاوتا تورکەکەی، سیاسەتی ئەنقەرە لە هەمبەر هەرێمی کوردستاندا بەرەو هێوربوونەوە ڕۆیشتووە.

سایتی ئه‌لمۆنیته‌ر ڕاپۆرتێكی له‌سه‌ر ڕووداوه‌كانی هه‌فته‌ی ڕابردوو و ئێستای هه‌رێمی كوردستان بڵاو كردووەته‌وه‌ و پێی وایه‌ به‌رژه‌وه‌ندیی ئابووریی ڕووسیا له‌ هه‌رێمی کوردستاندا ڕێگه‌ نادات توركیا سنوور له‌سه‌ر كوردستان دابخات. له ‌به‌شێكی ڕاپۆرته‌كه‌دا، باسی سه‌ردانه‌كه‌ی (ڤیلادیمر پووتین)، سەرۆکی ڕووسیا كراوه‌ بۆ توركیا، كه‌ ته‌نیا سێ ڕۆژ دوای ئەنجامدانی ڕیفراندۆمی هەرێمی كوردستان بوو، توانی کاریگەری لەسەر هێوربوونەوەی سیاسەتی تورکیا هەبێت. سەرچاوەکە سەبارەت بە ڕۆڵی مۆسکۆ لە وەستاندنی سزاکانی سەر هەرێمی کوردستانیش ئاشکرای کرد، گرێبەستە نەوتییەکانی نێوان هەرێمی کوردستان و ڕووسیا ڕێگر بوون لە بەردەم سەرۆکی تورکیادا و ناتوانێت هەڕەشەکانی لە دژی هەناردەکردنی نەوتی هەرێمی کوردستان بۆ بەندەری جەیهان جێبەجێ بکات.

بە هۆی ڕێککەوتنی ئەمساڵی نێوان هەرێمی کوردستان و ڕووسیاوە لە پەراوێزی کۆنفرانسی ئابووریی سەن پیترسبۆرگ، کە بە ئامادەبوونی (نێچیرڤان بارزانی)، سەرۆکوەزیرانی هەرێمی کوردستان ڕاگەیەندرا، ڕووسیا بە بەهای ٤ ملیار دۆلار وەبەرهێنانی لە کەرتی نەوت و گازی هەرێمی کوردستاندا کردووە و بە پێی دوایین ڕێککەوتنی نێوان هەردوو لا، کۆمپانیای ڕۆزنەفتی ڕووسیا پڕۆژەی ڕاکێشانی بۆڕیی گازی سروشتیی هەرێمی کوردستان بۆ تورکیا و وڵاتانی ئەورووپای خستووەتە واری جێبەجێکردنەوە.

لەو بارەیەوە، ئەلمۆنیتۆر، لێدوانێکی (وۆگین کۆغان)، شارەزای بواری بەرگری و ئاسایش لە جۆرجیای بڵاو کردەوە، کە دەڵێت، ڕووسیا بە وەبەرهێنانی ٤ ملیار دۆلاری لە هەرێمی کوردستان لە بواری پیشەسازیی نەوت و گازدا، پێش وەبەرهێنەرە ئەمریکاییەکان لە ناوچەکەدا کەوتووە و ئەوەش هۆکارێک بووە لە بەردەم سەرۆککۆماری تورکیادا بۆ پاشگەزبوونەوەی لە جێبەجێکردنی هەڕەشەکانی دژی هەرێمی کوردستان. چونکە ڕووسیا زەرەرمەند دەبێت بە داخستنی بۆڕیی نەوتی هەرێمی کوردستان لە نێو تورکیادا. هەروەها ڕووسیا خاوەنی هاوپه‌یمانییە له‌ كۆمه‌ڵگەی بازرگانی توركیا و بە گرتنەبەری هەر هەنگاوێکی ئەنقەرە دژی هەرێمی کوردستان، بەرژەوەندییەکانی مۆسکۆ لە ناوچەکەدا دەکەونە مەترسییەوە.

جێی باسە، چاودێرانی سیاسی و ئابووری لەو بڕوایەدان، کە سیاسەتی ئابووریی (نێچیرڤان بارزانی)، سەرۆکی حکوومەتی هەرێمی کوردستان لە بەشداریی کۆمپانیا گەورەکانی جیهان لە کەرتی نەوت و گازی هەرێمی کوردستاندا ڕۆڵی گەورەی بینیوە بۆ پاڵپشتیکردنی وڵاتانی جیهان لە هەرێمی کوردستان و پاراستنی لە بەرامبەر هەڕەشە ناوچەییەکاندا.




دوایین هەواڵەکان

سه‌رۆك بارزانی: یه‌كێتیی زانایان ڕێیان لە گەشەی هزری توندڕۆیی و ئینكار لەنێو خەڵكی كوردستان گرتووە

FRIDAY, 21 SEPTEMBER 2018 16:09:16

هه‌ولێر-KDP.info-  وێڕای پیرۆزبایی بەبۆنەی چل و هەشتەمین ساڵیادی دامەزراندنی یەكێتیی زانایانی ئایینی ئیسلامیی كوردستان، سه‌رۆك بارزانی پێزانینی هەیە بۆ ڕۆڵ و كاریگەریی یەكێتیی زانایان و مامۆستا و پیاوانی ئایینی، كە ڕێگەیان لە گەشەی هزری توندڕۆیی و ئینكار لەنێو خەڵكی كوردستان گرتووە و هەمیشە لە بارودۆخی سەخت و ئاڵۆزدا پشتیوانی دۆزی ڕەوای گەلەكەیان بوونە.

 
پەیامی پارتی، بەبۆنەی 48 ساڵەی یادی دامەزراندنی یەكێتیی زانایانی ئایینی ئیسلامیی كوردستان‎

FRIDAY, 21 SEPTEMBER 2018 16:09:37
هەولێر-KDP.info- بەبۆنەی (48)ەمین ساڵیادی دامەزراندنی یەكێتی زانایانی ئایینی ئیسلامی كوردستان، مەكتەبی سیاسی پارتی دیموكراتی كوردستان، له‌ په‌یامێكدا پیرۆزبایی دامەزراندنی یەكێتی زانایانی ئایینی ئیسلامی كوردستان ده‌كات. 
 
بەشی خۆم بۆ خۆم، بەشی تۆیش دەخۆم

FRIDAY, 21 SEPTEMBER 2018 15:09:00

هۆشیار سیوەیلی
کێشمەکێشەکانی پرسی سەرۆککۆماری عێراق لە ناو سەرکردایەتیی یەکێتی بە پلەی یەکەم و دواتر لە نێوان پارتی و یەکێتیدا هێشتا یەکلا نەبووه‌تەوە. هەرچەندە ئەنجوومەنی سەرکردایەتیی یەکێتی د. بەرهەم ساڵحی کاندید کردووە بۆ وەرگرتنی ئەو پۆستە، بەڵام دووبارەکردنەوەی سیناریۆی خوولی پێشوو کە دکتۆر نەیتوانی سەرکەوتن بە دەست بهێنێ، هێشتا ئەگەرێکە بە تایبەتی وەک دەبیستین کە دکتۆرێکی تری زۆر نزیک لە ناوەندی دەسەڵات، بە نیازن خۆیان کاندید بکه‌ن و پارتییش ناڕازییە بە دیاریکردنی تاکلایەنەی کاندید بۆ پۆستەکە.

کەریم سنجاری: نابێت فشار بخرێتەسەر هیچ کەسێک بۆ دەنگدان بە بەربژێرێکی دیاریکراو

FRIDAY, 21 SEPTEMBER 2018 13:09:58
هەولێر-KDP.info- وەزیری ناوخۆی هەرێمی کوردستان بەشداریی لە هەڵبژاردن و دەنگدان بە مافێکی رەوای هەر تاکێکی کۆمەڵگە ناودەبات و رایدەگەیێنێت، نابێت هیچ بەرپرس و ئەفسەر و فەرمانبەر و کارمەندێک لەهەر ئاستێکی وەزیفیدا بێت پاڵەپەستۆ و هەڕەشە بخاتەسەر هەر ئەفسەر و کارمەند و فەرمانبەرێک بۆ دەنگدان بە کاندیدێکی دیارییکراو و بەناچاری.
 
نێچیرڤان بارزانی: پارتی باوەڕی زۆربەی خەڵکی کوردستانی لەگەڵدایە

THURSDAY, 20 SEPTEMBER 2018 20:09:54

هه‌ولێر-KDP.info-  ئێوارەی ئەمڕۆ پێنجشەممە ٢٠/٩/٢٠١٨، بە ئامادەبوونی نێچیرڤان بارزانی جێگری سەرۆکی پارتی دیموکراتی کوردستان، ئه‌ندامانی مه‌كته‌بی سیاسی و سه‌ركردایه‌تیی و به‌رپرسانی لق و کاندیدانی پارتی بۆ پەرلەمانی کوردستان، ئاهەنگێکی بەرفراوانی جەماوەری بۆ ئافرەتان، لاوان و قوتابیانی کوردستان، لە پیشانگای نێودەوڵەتیی هەولێر ساز کرا.

 


 
© 2018 Kurdistan Democratic Party, KDP