Kurdî  ■  كوردی  ■  عربي
THU, 23 NOV 2017 23:29 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

لە پیرمام و كەسنەزان كەرنەڤاڵی سەربەخۆیی ئەنجام دەدرێت
| KDP.info


 

هەولێر-KDP.info- ئەمڕۆ لە شارۆچكەی پیرمام، كەرنەڤاڵی بەرەو ریفڕاندۆمی سەربەخۆیی بەڕێوە دەچێت و گەورەترین ئاڵای كوردستانیش نماییش دەكرێت، بەرپرسێكی ناوچەكەیش دەڵێ، رۆژی ھەینی لە كەسنەزانیش كەرنەڤاڵی سەربەخۆیی ئەنجام دەدرێت و چەندان چالاكی بەڕێوە دەچن.

(شاڵاو مەلائەمین)، كارگێڕی لقی ١٦ـی ھەولێری پارتی، بە ماڵپەڕی فەرمیی پارتی دیموكراتی كوردستانی راگەیاند، " بڕیارە ئێوارەی ئەمڕۆ پێنجشەممە لە شارۆچكەی پیرمامی سەر بە پارێزگای ھەولێر كەرنەڤاڵی بەرەو ریفڕاندۆمی سەربەخۆیی بەڕێوە بچێت و تێیدا  جەماوەری شارەدێی پیرمام پشتیوانیی خۆیان بۆ پڕۆسەی ریفڕاندۆم نیشان دەدەن و چەندین ھونەرمەند بەشداری لە كەرنەڤاڵی پیرمامدا دەكەن، ھەر لە كەرنەڤاڵی ئەمڕۆی پیرمامدا گەورەترین ئاڵای كوردستان لەلایەن ژمارەیەك گەنجی خۆبەخشەوە نماییش دەكرێت".

(مەلائەمین) ئاماژەی بۆ ئەوەیش كرد، "ھەر لە چالاكییەكانی پشتیوانیكردنی جەماوەری كوردستان بۆ ریفڕاندۆمی سەربەخۆیی، بڕیارە رۆژی ھەینی ١٥ـی ئەیلوول، لە شارەدێی كەسنەزانیش كەرنەڤاڵێك بۆ ریفڕاندۆمی سەربەخۆیی ھەرێمی كوردستان بەڕێوە بچێت و لە كەسنەزانیش بە ئامادەبوونی جەماوەری ناوچەكە چەندین چالاكی ئەنجام دەدرێن.

 

قائید میرۆ




دوایین هەواڵەکان

سه‌فین دزه‌‌یى وه‌ڵامی عه‌‌بادیی دایه‌وه‌

THURSDAY, 23 NOVEMBER 2017 20:11:35

هه‌ولێر-KDP.info-  گوته‌بێژی حكوومه‌تی هه‌رێمی كوردستان وه‌ڵامی دوالێدوانی سه‌رۆكوه‌زیرانی عێراق ده‌داته‌وه‌ و ڕایده‌گه‌یێنێ، به‌ پشتبه‌ستن به‌ بڕیاره‌كه‌ى دادگاى فیدراڵى عیراق له‌ 20/11/2017، ده‌بێت هه‌‌موو ئه‌‌و ڕێكار و ده‌‌ر‌‌ه‌‌نجام و لێكه‌‌وته‌ ناڕه‌وایانه‌ هه‌‌ڵبوه‌‌شێنرێنه‌وه‌ كه‌‌ ته‌نیا له‌ كاردانه‌‌وه‌‌ى ڕیفراندۆمدا دژى هه‌‌رێمى كوردستان له‌لایه‌ن حكوومه‌تى فیدراڵ و په‌رله‌مانى عێراقه‌وه‌ گیراونه‌ته‌ به‌ر.

 
شرۆڤەکارێکی سیاسی: هەرێم وەرەقەی بەهێزی بەرانبەر بە عێراق لەبەردەستە

THURSDAY, 23 NOVEMBER 2017 19:11:02

هەولێر-KDP.info- شرۆڤەکارێکی سیاسی ڕوونی دەکاتەوە، بە ھۆی بەڕێوەچوونی ھەڵبژاردنی داھاتووی عێراق لە وادەی خۆیدا بەغدا و (حەیدەر عەبادی) پێویستیان بە ھەرێمی کوردستان ھەیە.. دەشڵێت، ھێشتا ھەرێمی کوردستان وەرەقەی زۆر بەھێزی لەبەردەستە بۆ ئەوەی بەرانبەر مەرجەکانی بەغدا بەکاری بێنێت.

زەحمەتکێشان: بەڕوونی دیارە بەغدا نیەتی چارەکردنی کێشەکانی لەگەڵ هەولێر نییە

THURSDAY, 23 NOVEMBER 2017 17:11:18

هەولێر-KDP.info- سەرکردەیەکی حزبی زەحمەتکێشانی کوردستان ئاماژە بۆ ئەوە دەکات، بەغدا ھیچ نیەتێكی ڕژدی بۆ چارەکردنی کێشەکانی لەگەڵ ھەرێمی کوردستان نییە و دەڵێ، سەردانی شاندی حکوومەت بۆ لای ھێزە سیاسییەکان بە ھەنگاوێکی ئەرێنی دەبینین، بۆ ئەوەی بۆچوونی ھەموو لایەنەکان لەبارەی قۆناغی ئێستا وەربگیرێت.

سەرچاوەیەکی ئاگادار: شاندێکی شیعەی سیاسیی هاتوونەتە چیای شنگال

THURSDAY, 23 NOVEMBER 2017 17:11:38

شنگال-KDP.info-  سەرچاوەیەکی ئاگادار لەسەر چیای شنگال ڕایگەیاند، دوێنێ شاندێکی باڵای شیعەی سیاسی سەردانی چیای شنگالیان کردووە و بۆ کاری خزمەتگوزاری نەهاتوون، بەڵکو ئامانجێکی سیاسیان لەو سەردانەدا هەبووە.

قایمقامی خورماتوو: هەوڵێک هەیە من لە پۆستەکە لا بدەن

THURSDAY, 23 NOVEMBER 2017 15:11:33

خورماتوو-KDP.info- قایمقامی قەزای خورماتوو ئاشکرای کرد، هەوڵێک هەیە لە لایەن تورکمانەوە کە ئەو لە پۆستەکەی لا بدەن، بەتایبەت لە ڕێگەی ئەنجومەنی قەزای خورماتووەوە.

 


 
© 2017 Kurdistan Democratic Party, KDP