Kurdî  ■  كوردی  ■  عربي
THU, 21 JUN 2018 07:59 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

مه‌حموود محه‌ممه‌د: عێراق بەرەو مەزهەبگەرایی و تاکڕۆیی مل دەنێت
| KDP.info



هه‌ولێر-KDP.info-  لە درێژەی سەردانەکەیدا  بۆ ڕووسیا، (مەحموود محەممەد) ئەندامی مەکتەبی سیاسیی پارتی دیموکراتی کوردستان، لە مۆسکۆ چه‌ندان دیداری گرینگی ڕۆژنامەوانی لەگەڵ هەر سێ دامەزراوەی میدیایی پراڤدا، ریانۆڤەستی و ئاژانسی هەواڵی ئینتەر فاکس ساز دا.

لە هەریەک لەم دیدار و چاوپێکەوتنه‌ میدیاییانەدا، (مەحموود محەممەد) باسی لە دواڕووداو و پێشهات و گۆڕانکارییە سیاسییەکانی کوردستان و عێراق و ناوچەکە بە گشتی کرد و بە وردی ڕۆشنایی خستە سەر ئیرادەی گەل و سەرکردایەتیی سیاسیی کوردستان بۆ ئەنجامدانی ڕیفراندۆمی سەربەخۆیی لە 25ی سێبتەمبەری ئەمساڵ و، ڕایگەیاند کە پڕۆسەی ریفراندۆم لە وادەی دیاریکراوی خۆیدا بەڕێوە دەچێ و ئیرادەی گەلی کورد سەردەکەوێ.

ئه‌و روونی کردەوە، کە لە عێراق پرەنسیپی شەراکەتی نیشتمانی تێیدا نەماوە و، ئەو وڵاتە بەرەو مەزهەبگەرایی و تاکڕۆیی مل دەنێت، بۆیە کوردستانیان مافی خۆیانە لەسەر نیشتمانی خۆیان شێوازی ژیان و داهاتووی خۆیان رەنگڕێژ بکەن و بڕیار لە چارەنووسی خۆیان بدەن.

لە زۆربەی دیدارەکانیشدا (مەحموود محەممەد) باسی لە زەرورەت و ئاسۆی پەیوەندییە سیاسی و ئابوورییەکانی نێوان مۆسکۆ و هەولێر کرد و سپاسگوزاری گەل و سەرکردایەتیی رووسیای کرد لە هاوکاریکردنی گەلی کوردستان.




دوایین هەواڵەکان

وەزارەتى خوێندنى باڵا، لیستى زانکۆ باوەڕپێکراوەکانى تورکیا و ئێرانی بڵاو كرده‌وه‌

THURSDAY, 21 JUNE 2018 00:06:18

هه‌ولێر-KDP.info-  وەزارەتى خوێندنى باڵا و توێژینەوەى زانستیى حکوومەتى هەرێمى کوردستان پێداچوونەوەى بە لیستى زانکۆ باوەڕپێکراوەکانى وڵاتانى (تورکیا – ئێران) کرد و لیستێکى نوێی بڵاو كرده‌وه‌.

 
مه‌كته‌بی سه‌رۆك سه‌رخۆشی له‌ شاخەوان غەریب ده‌كات

THURSDAY, 21 JUNE 2018 00:06:05

بەناوی خودای گەورە و میهرەبان

به‌ڕێز شاخەوان غەریب

بەبیستنی هه‌واڵی كۆچی دوایی كاكە(شڤان)ـی كوڕت خەمبار بووین.

پارتی سه‌رخۆشی له‌ خانەوادەی مەلا حاجی دێلۆیی ده‌كات

THURSDAY, 21 JUNE 2018 00:06:33

بەڕێزان خانەوادەی مەلا حاجی دێلۆیی

خەمبار بووین بە بیستنی هەواڵی کۆچی دوایی پێشمەرگەی هەدوو شۆڕشی مەزنی ئەیلوول و گوڵان، کادیری تێکۆشەر و دڵسۆزی پارتی و رێبازی بارزانی، ئەندامی مەکتەبی رێکخستن و کەسایەتیی دیاری دەڤەری پشدەر (مەلا حاجی دێلۆیی).

"بۆ گەڕانه‌وه‌ی پێشمه‌رگه‌ بۆ سنووری خانه‌قین سبه‌ی خۆپێشاندان دەکرێ"

WEDNESDAY, 20 JUNE 2018 16:06:14

خانه‌قین-KDP.info-  به ‌هۆی ئه‌وه‌ی مه‌ترسییه‌كی گه‌وره‌ له‌سه‌ر خانه‌قین هه‌یه‌ و به‌رده‌وام كرده‌وه‌ی تیرۆریستی لێ ئه‌نجام ده‌درێت و چه‌ندین گوند به‌و هۆیه‌وه‌ چۆڵ كراون و خه‌ڵكێكی زۆر بوونەته‌ قوربانی. عامر رەفعەت دەڵێ، ئیدی سبه‌ی له‌ خانه‌قین خۆپێشاندان بۆ گەڕانه‌وه‌ی هێزی پێشمه‌رگه‌ بۆ ئه‌و ناوچانه‌ ده‌ست پێ ده‌كات و خه‌ڵكی خانه‌قین مان ده‌گرن و دووكانه‌كانیان داده‌خه‌ن .

 
"زیاتر له ‌20 هه‌زار په‌نابه‌ر گه‌ڕاونه‌ته‌وه‌ عێراق و هه‌رێم"

WEDNESDAY, 20 JUNE 2018 16:06:22

هه‌ولێر-KDP.info- به‌ڕێوەبه‌ری كۆچ و كۆچبه‌ران گوتی، له‌ شه‌ڕی داعش و قه‌یرانی داراییدا شه‌پۆلێكی كۆچكردن له‌ هه‌رێمی كوردستانەوە بۆ ده‌ره‌وه‌ ده‌ستی پێ كرد، به‌ڵام له‌ دوای كۆتاییهاتنی شەڕی داعش كۆچكردن پێچه‌وانه‌ بووەته‌وه‌، به‌ جۆرێك له‌ دوو ساڵی ڕابردوودا زیاتر له‌20 هه‌زار كه‌س گه‌ڕاونه‌ته‌وه‌ بۆ عێراق، كه‌ 39%یان په‌نابه‌ری هه‌رێمی كوردستانن و گه‌ڕاونه‌ته‌وه‌ هه‌رێم و به‌رنامه‌یه‌كیشیان داناوه‌ هه‌ر ئاواره‌یه‌ك بگه‌ڕێته‌وه‌ هاوكاریی دارایی پێشكه‌ش ده‌كرێت.

 


 
© 2018 Kurdistan Democratic Party, KDP