Kurdî  ■  كوردی  ■  عربي
THU, 21 JUN 2018 07:58 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

چاودێرێکی سیاسی: وڵاتان شەرعیەت دەدەنە سەربەخۆیی کوردستان
| KDP.info


هەولێر-KDP.info- چاودێرانی سیاسی پێیان وایە ھەلێکی زێڕین بۆ کورد ھاتووەتە پێش، بۆ ئەوەی سەربەخۆ بێت، بۆیە پێویستە ھەر تاکێکی کورد ڕۆژی دەنگدان بچێتە سەر سندووقەکانی دەنگدان و بە بەڵێ دەنگ بدات، چونکە ئەگەر کوردستان سەربەخۆیی ڕابگەیەنێت، زۆرێک لە وڵاتان خۆیان ئامادە کردووە، بۆ ئەوەی ددان بە دەوڵەتی کوردستاندا بنێن و مامەڵەی لەگەڵ بکەن.

چاودێری سیاسی و ماموستای زانکۆ (د. ساڵح مەلاعومەر عیسا) بە ماڵپەڕی فەرمیی پارتی دیموکراتی کوردستانی ڕاگەیاند: ''ڕۆژ بە ڕۆژ لە ئەنجامدانی پرۆسەی ڕیفراندۆم نیزیکتر دەبینەوە و ئەوانەی باسیان لەوە دەکرد، کێشە بۆ ھەرێمی کوردستان دروست دەبێت، وتەکانیان ھەمووی بە درۆ دەرچوو. تەنانەت ئەوانەی کە باسیان لەوە دەکرد، دژایەتیی پرۆسەی ڕیفراندۆم دەکەن، خۆیان ئامادە کردووە بۆ ئەوەی کە دەوڵەتی کوردستان دروست بێت و یەکەم وڵات بن ددانی پێدا بنێن و مامەڵە لەگەڵ ئەو دەوڵەتە تازەیەدا بکەین.''

(د. ساڵح مەلاعومەر عیسا) گوتی: ''ئێستا ھەلێکی زێڕین بۆ ھەرتاکێکی کورد دروست بووە بۆ ئەوەی لە ڕۆژی ٢٥/٩دا بچێتە سەر سندووقەکانی دەنگدان و بە بەڵێ دەنگی خۆی بدات و دەوڵەتی کوردستان لەسەر دەستی ئەوان دروست ببێت. چونکە دەوڵەت بە خەڵک دروست دەکرێت، بۆیە پێویستە ئەمە لەدەست خۆیان نەدەن و مێژوویەک بۆ خۆیان تۆمار بکەن و دیاریشە ھەر بەو شێوەیە دەبێت، چونکە دەبینین خەڵک چەند بە جۆش و خرۆشەوە بەشداری لە بانگەشەی ڕیفراندۆمدا دەکەن.''

(د. ساڵح مەلاعومەر عیسا) ڕوونیشی کردەوە: ''ئەو وڵاتانەیشی کە دەیانویست ھاوکاریی ھەرێمی کوردستان بکەن و مامەڵەی لەگەڵ بکەن و عێراق کێشەی بۆ دروست دەکردن، بە دروستبوونی دەوڵەتی کوردستان ئیتر ئەو کێشانەیان نامێنێت و ڕاستەوخۆ پێوەندی بە کوردستانەوە دەکەن.''

(د. ساڵح مەلاعومەر عیسا) زیاتر گوتی: ''ئێستا ھەر کێشەیەک لە عێراق دروست دەبێت، کاریگەریی بەسەر ھەرێمی کوردستانەوە دەبێت، بەڵام کە ھەرێمی کوردستان ڕیفراندۆم ئەنجام بدات و سەربەخۆیی ڕابگەیەنێت، ئیتر کێشەکانی عێراق، کە بە بەردەوامی ھەن، ھیچ کاریگەرییان بەسەر ئێمەوە نامێنێت و ئێمە سەربەخۆ دەبین و بە شێوەیەکی سەربەخۆ مامەڵە دەکەین.''

ماموستای زانکۆ لە سلێمانی، مامۆستا (کەیوان ئازاد)یش بە ماڵپەڕی فەرمیی پارتی دیموکراتی کوردستانی ڕاگەیاند: ''لە پرۆسەیەکی نیشتمانی و نەتەوەیی، وەکو سەربەخۆییی کوردستاندا، نابێ نەتەوەیەکی وەکو کورد، کە سەدان ساڵە خەبات دەکات بۆ سەربەخۆیی، لە ڕۆژی ڕیفراندۆمدا بڵێت نەخێر، ئەمە لە ڕووی نەتەوەیییەوە ھەڵەیەکی گەورەیە، چونکە قۆناغی ئێستا قۆناغی سەربەخۆییی کوردستانە.''

(کەیوان ئازاد) گوتیشی: ''کورد میللەتێکی مردوو نییە، کە لە ڕۆژی ڕیفراندۆمدا بە بەڵێ دەنگ نەدات، چونکە هەرچەند کێشەیشی ھەبێت پشتگیری لە پرسە نەتەوایەتییەکان دەکات، لەبەر ئەوەی ھاووڵاتی باج و قوربانیی بۆ ئەو خاکە داوە، بۆیە بە پێی مێژووش لە ناو کورددا ھاووڵاتی چەقی بڕیار بووە.''

بڵند ئیبراھیم




دوایین هەواڵەکان

وەزارەتى خوێندنى باڵا، لیستى زانکۆ باوەڕپێکراوەکانى تورکیا و ئێرانی بڵاو كرده‌وه‌

THURSDAY, 21 JUNE 2018 00:06:18

هه‌ولێر-KDP.info-  وەزارەتى خوێندنى باڵا و توێژینەوەى زانستیى حکوومەتى هەرێمى کوردستان پێداچوونەوەى بە لیستى زانکۆ باوەڕپێکراوەکانى وڵاتانى (تورکیا – ئێران) کرد و لیستێکى نوێی بڵاو كرده‌وه‌.

 
مه‌كته‌بی سه‌رۆك سه‌رخۆشی له‌ شاخەوان غەریب ده‌كات

THURSDAY, 21 JUNE 2018 00:06:05

بەناوی خودای گەورە و میهرەبان

به‌ڕێز شاخەوان غەریب

بەبیستنی هه‌واڵی كۆچی دوایی كاكە(شڤان)ـی كوڕت خەمبار بووین.

پارتی سه‌رخۆشی له‌ خانەوادەی مەلا حاجی دێلۆیی ده‌كات

THURSDAY, 21 JUNE 2018 00:06:33

بەڕێزان خانەوادەی مەلا حاجی دێلۆیی

خەمبار بووین بە بیستنی هەواڵی کۆچی دوایی پێشمەرگەی هەدوو شۆڕشی مەزنی ئەیلوول و گوڵان، کادیری تێکۆشەر و دڵسۆزی پارتی و رێبازی بارزانی، ئەندامی مەکتەبی رێکخستن و کەسایەتیی دیاری دەڤەری پشدەر (مەلا حاجی دێلۆیی).

"بۆ گەڕانه‌وه‌ی پێشمه‌رگه‌ بۆ سنووری خانه‌قین سبه‌ی خۆپێشاندان دەکرێ"

WEDNESDAY, 20 JUNE 2018 16:06:14

خانه‌قین-KDP.info-  به ‌هۆی ئه‌وه‌ی مه‌ترسییه‌كی گه‌وره‌ له‌سه‌ر خانه‌قین هه‌یه‌ و به‌رده‌وام كرده‌وه‌ی تیرۆریستی لێ ئه‌نجام ده‌درێت و چه‌ندین گوند به‌و هۆیه‌وه‌ چۆڵ كراون و خه‌ڵكێكی زۆر بوونەته‌ قوربانی. عامر رەفعەت دەڵێ، ئیدی سبه‌ی له‌ خانه‌قین خۆپێشاندان بۆ گەڕانه‌وه‌ی هێزی پێشمه‌رگه‌ بۆ ئه‌و ناوچانه‌ ده‌ست پێ ده‌كات و خه‌ڵكی خانه‌قین مان ده‌گرن و دووكانه‌كانیان داده‌خه‌ن .

 
"زیاتر له ‌20 هه‌زار په‌نابه‌ر گه‌ڕاونه‌ته‌وه‌ عێراق و هه‌رێم"

WEDNESDAY, 20 JUNE 2018 16:06:22

هه‌ولێر-KDP.info- به‌ڕێوەبه‌ری كۆچ و كۆچبه‌ران گوتی، له‌ شه‌ڕی داعش و قه‌یرانی داراییدا شه‌پۆلێكی كۆچكردن له‌ هه‌رێمی كوردستانەوە بۆ ده‌ره‌وه‌ ده‌ستی پێ كرد، به‌ڵام له‌ دوای كۆتاییهاتنی شەڕی داعش كۆچكردن پێچه‌وانه‌ بووەته‌وه‌، به‌ جۆرێك له‌ دوو ساڵی ڕابردوودا زیاتر له‌20 هه‌زار كه‌س گه‌ڕاونه‌ته‌وه‌ بۆ عێراق، كه‌ 39%یان په‌نابه‌ری هه‌رێمی كوردستانن و گه‌ڕاونه‌ته‌وه‌ هه‌رێم و به‌رنامه‌یه‌كیشیان داناوه‌ هه‌ر ئاواره‌یه‌ك بگه‌ڕێته‌وه‌ هاوكاریی دارایی پێشكه‌ش ده‌كرێت.

 


 
© 2018 Kurdistan Democratic Party, KDP