Kurdî  ■  كوردی  ■  عربي
FRI, 23 FEB 2018 21:36 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

هێمن هەورامی: ڕیفراندۆم و سەربەخۆیی، سەقامگیری بۆ ناوچەکە دێنێت
| KDP.info


هەولێر-KDP.info- (هێمن هەورامی) لە پێشوازیی بەرپرسی بەشی سیاسیی سەفارەتی کەنەدادا ڕایگەیاند، ڕیفراندۆم و سەربەخۆییی هەرێمی کوردستان سەقامگیری بۆ ناوچەکە دێنێت.

(هێمن هەورامی)، بەرپرسی بەدواداچوونی کاروباری سیاسی و پێوەندییەکانی مەکتەبی سەرۆک، لە دیداریدا لەگەڵ (زەینەب علییاڤا)، بەرپرسی بەشی سیاسیی سەفارەتی کەنەدا، ڕایگەیاند: ''گەر گشتپرسی بۆ سەربەخۆییی کوردستانی عێراق نەبێت و ئەم سەرخۆبوونەش نەبێتە زامنی بەرەوپێشبردن و سەقامگیریی خودی دەوڵەتەکە و ناوچەکەش، ئەم هەموو قوربانییەی لە پێناودا نەدەدرا.''

(هەورامی) ڕەوشی سیاسیی ناوچەکە و عێراق و بەتایبەتی پێوەندیی نێوان هەولێر و بەغدای بۆ شاندی ناوبراو خستە ڕوو و گوتی: ''ئێستا بڕیار لای گەلی کوردستانە و هیچ جۆرە سازشێک لە  دواخستنی ڕیفراندۆمدا ناکرێت، چونکە گەر خوێندنەوەیەکی واقعیانە بۆ پرسی ڕیفراندۆم بکرێت، ئەوا دەردەکەوێت، کە ئەم پرۆسەیە پەڕاندنەوەی ناوچەکەیە بەرەو سەقامگیریی زیاتر.''

(هێمن هەورامی) باسی لە ڕوشی سیاسیی ناوخۆی کوردستان کرد و رایگەیاند: ''هەموو لایەنەکان لە دانیشتندان بۆ دۆزینەوەی میکانیزمێکی گونجاو بۆ کاراکردنەوەی پەرلەمان و سەرخستنی پرسی ڕیفراندۆم.''

(زەینەب علییاڤا) خۆشحاڵیی خۆی بۆ خستنە ڕووی دواپێشهاتەکان لە زاری (هەورامی)یەوە دەربڕی و هیوای خواست لە ڕێگای دانوستان و گفتوگۆوە بیروڕا جیاوازەکان یەک بخەنەوە.
 




دوایین هەواڵەکان

پنتاگۆن: لە پشتیوانیکردنی دارایی هێزی پێشمەرگە بەردەوام دەبین

FRIDAY, 23 FEBRUARY 2018 16:02:01

ئەمەریکا-KDP.info-  وەزارەتی بەرگریی ئەمەریکا کە بە پنتاگۆن ناسراوە رایدەگەیەنێ کە ئەوان لە پشتیوانیکردنی دارایی هێزی پێشمەرگە بەردەوام دەبن.

وەزیری دەرەوەی ئیسپانیا: ریفراندۆمی کوردستان و کەتەلۆنیا زۆر لە یەکدی جوودان

FRIDAY, 23 FEBRUARY 2018 16:02:29

ئیسپانیا-KDP.info-  وەزیری دەرەوەی ئیسپانیا (ئەلفونسۆ دەستیس) لە دیداریدا لەگەڵ فەلاح حەسەن جێگری سەرۆکی لاوانی سیاسی جیهان دەڵێ،  ئێستا ئەوان لەوە گەیشتوون کە ریفراندۆمی ھەرێمی کوردستان و کەتەلۆنیا زۆر لەیەکدی جوودان.

له‌ كۆشكى سپى مه‌سروور بارزانى له‌گه‌ڵ راوێژكارى سه‌رۆكى ئه‌مریكا بۆ ئاسایشى نیشتیمانى كۆبووەوە

FRIDAY, 23 FEBRUARY 2018 10:02:26

ئەمەریکا-KDP.info-  مه‌سروور بارزانى، راوێژكارى ئه‌نجوومه‌نى ئاسایشى هه‌رێمى كوردستان له‌گه‌ڵ هاوتا ئه‌مریكییه‌كه‌ى، هێربرت ماك ماسته‌ر، راوێژكارى سه‌رۆكى ئه‌مریكا بۆ ئاسایشى نیشتیمانى کۆبوویەوە.

ڕومیۆ ھەکاری: دەشتی نەینەوا وەک ناوچەیەکی سەربازیی ماوە

FRIDAY, 23 FEBRUARY 2018 10:02:45

دەشتی نەینەوا-KDP.info-  سکرتێری گشتیی حزبی بەیت‌نەھرێن ده‌ڵێت، ھێشتا زۆرێک لە ئاوارەکانی دەشتی نەینەوا لە ھەرێمی کوردستان ماون و بە ھۆی ڕەوشی ئەمنیی ناوچەکانیانه‌وه‌، ناتوانن بگەڕێنەوە و دەشڵێ، ھەوڵ ھەیە بۆ گۆڕینی دیمۆگرافیای دەشتی نەینەوا.

ئەنجوومەنی پارێزگای هەولێر: هێرشکردنەسەر کەسایەتییەکانی پایتەختی هەرێمی کوردستان قبووڵكراو نییه‌

THURSDAY, 22 FEBRUARY 2018 22:02:24

هه‌ولێر-KDP.info-  لە دوای ئەوەی لە برۆکسلی پایتەختی بەلجیکا کەسێک هێرش دەکاتە سەر پارێزگاری هەولێر، دەستەی سەرۆکایەتیی ئەنجوومەنی پارێزگای هەولێر، ئیدانەی ئەو هێرشە دەکەن و داوا لە دەزگا بەرپرسیارەکان دەکەن رێکاری یاسایی بگرنەبەر.

 


 
© 2017 Kurdistan Democratic Party, KDP