Kurdî  ■  كوردی  ■  عربي
FRI, 23 FEB 2018 21:45 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

زاخۆیییەکان؛ نیشانی جیهانی دەدەین کە چەندە تامەزرۆی سەربەخۆیین
| KDP.info


زاخۆ-KDP.info- بڕیارە سبەی، پێنجشەممە، لە یاریگای (بارزانی نەمر) لە سەنتەری شاری زاخۆ کەرنەڤاڵێکی جەماوەریی فراوان بۆ پشتیوانیکردنی ڕیفڕاندۆمی سەربەخۆیی بەڕێوە بچێت و ڕێکخەری کەرنەڤاڵەکەش دەڵێت، سبەی زاخۆ بۆ کوردستان و جیھانی دەسەلمێنێت، چەندە پەرۆشە بۆ سەربەخۆیی.

(شڤان شێخۆ)، ڕێکخەری کەرنەڤاڵی قەزای زاخۆ، بە ماڵپەڕی فەرمیی پارتی دیموکراتی کوردستانی ڕاگەیاند: ''چەند ڕۆژێکە لە سنووری قەزای زاخۆ دەست بە بانگەشەی ڕیفڕاندۆمی سەربەخۆییی ھەرێمی کوردستان کراوە و ڕۆژانە چەندین چالاکی بەڕێوە دەچن. بڕیارە سبەی، پێنجشەممە، لە یاریگای (بارزانی نەمر)، لە سەنتەری قەزای زاخۆ، کەرنەڤاڵێکی جەماوەریی بەرفراوان بۆ پشتگیریی ڕیفڕاندۆم بەڕێوە بچێت و تێیدا خەڵکی قەزای زاخۆ بە ھەموو ڕەنگ و دەنگی جیاوازەوە، بەشداریی کەرنەڤاڵەکە دەکەن و پەیامی شاری زاخۆی کوردپەروەر بە جیھان دەگەیەنن، بۆ ئەوەی  بە جیھان بڵێین، لە ڕابردوودا زۆرمان قوربانی داوە بۆ سەربەخۆیی و گەیشتن بە ئاوات، ئێستاش کاتی بڕیاردانی میللەتە.''

(شڤان شێخۆ) ئاماژەی بۆ ئەوەش کرد: ''لە کەرنەڤاڵی زاخۆدا جەماوەرێکی بەرچاو بەشداری دەکات و ژمارەیەک گەورەھونەرمەندی ھەرچوارپارچەی کوردستان بە سروود و گۆرانیی نیشتمانی بەشدار دەبن. جگە لەوەش، چەندین چالاکیی دیکە لە چوارچێوەی کەرنەڤاڵی زاخۆدا ھەن و چۆن لە ڕابردوودا زاخۆ پێشەنگ بووە لە قوربانیدان و پێشکەشکردنی خوێنی ڕۆڵەکانیدا، بەیانیش بە ھەمان ئەندازە پێشانی کوردستان و جیھانی دەدەین، کە زاخۆیی چەندە پشتگیریی ڕیفڕاندۆم دەکەن.''

قائید میرۆ
 




دوایین هەواڵەکان

پنتاگۆن: لە پشتیوانیکردنی دارایی هێزی پێشمەرگە بەردەوام دەبین

FRIDAY, 23 FEBRUARY 2018 16:02:01

ئەمەریکا-KDP.info-  وەزارەتی بەرگریی ئەمەریکا کە بە پنتاگۆن ناسراوە رایدەگەیەنێ کە ئەوان لە پشتیوانیکردنی دارایی هێزی پێشمەرگە بەردەوام دەبن.

وەزیری دەرەوەی ئیسپانیا: ریفراندۆمی کوردستان و کەتەلۆنیا زۆر لە یەکدی جوودان

FRIDAY, 23 FEBRUARY 2018 16:02:29

ئیسپانیا-KDP.info-  وەزیری دەرەوەی ئیسپانیا (ئەلفونسۆ دەستیس) لە دیداریدا لەگەڵ فەلاح حەسەن جێگری سەرۆکی لاوانی سیاسی جیهان دەڵێ،  ئێستا ئەوان لەوە گەیشتوون کە ریفراندۆمی ھەرێمی کوردستان و کەتەلۆنیا زۆر لەیەکدی جوودان.

له‌ كۆشكى سپى مه‌سروور بارزانى له‌گه‌ڵ راوێژكارى سه‌رۆكى ئه‌مریكا بۆ ئاسایشى نیشتیمانى كۆبووەوە

FRIDAY, 23 FEBRUARY 2018 10:02:26

ئەمەریکا-KDP.info-  مه‌سروور بارزانى، راوێژكارى ئه‌نجوومه‌نى ئاسایشى هه‌رێمى كوردستان له‌گه‌ڵ هاوتا ئه‌مریكییه‌كه‌ى، هێربرت ماك ماسته‌ر، راوێژكارى سه‌رۆكى ئه‌مریكا بۆ ئاسایشى نیشتیمانى کۆبوویەوە.

ڕومیۆ ھەکاری: دەشتی نەینەوا وەک ناوچەیەکی سەربازیی ماوە

FRIDAY, 23 FEBRUARY 2018 10:02:45

دەشتی نەینەوا-KDP.info-  سکرتێری گشتیی حزبی بەیت‌نەھرێن ده‌ڵێت، ھێشتا زۆرێک لە ئاوارەکانی دەشتی نەینەوا لە ھەرێمی کوردستان ماون و بە ھۆی ڕەوشی ئەمنیی ناوچەکانیانه‌وه‌، ناتوانن بگەڕێنەوە و دەشڵێ، ھەوڵ ھەیە بۆ گۆڕینی دیمۆگرافیای دەشتی نەینەوا.

ئەنجوومەنی پارێزگای هەولێر: هێرشکردنەسەر کەسایەتییەکانی پایتەختی هەرێمی کوردستان قبووڵكراو نییه‌

THURSDAY, 22 FEBRUARY 2018 22:02:24

هه‌ولێر-KDP.info-  لە دوای ئەوەی لە برۆکسلی پایتەختی بەلجیکا کەسێک هێرش دەکاتە سەر پارێزگاری هەولێر، دەستەی سەرۆکایەتیی ئەنجوومەنی پارێزگای هەولێر، ئیدانەی ئەو هێرشە دەکەن و داوا لە دەزگا بەرپرسیارەکان دەکەن رێکاری یاسایی بگرنەبەر.

 


 
© 2017 Kurdistan Democratic Party, KDP