Kurdî  ■  كوردی  ■  عربي
THU, 21 JUN 2018 07:59 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

روونکردنەوەیەک لە نووسینگەی هەڤاڵ (مەحموود محەمەد) سەبارەت بە هەواڵێکی نادروستی ماڵپەڕی (بغداد الیوم)
| KDP.info


هەولێر-KDP.info-  نووسینگەی هەڤاڵ (مەحموود محەمەد) ئەندامی مەکتەبی سیاسی و به‌رپرسی ده‌زگای رۆشنبیری و راگه‌یاندنی پارتی دیموكراتی كوردستان بۆ رای گشتیی هەواڵێکی ماڵپەڕی (بغداد الیوم) بە ناڕاست و بێبنەما وەسف دەکات کە لەسەر زاری بەڕێز (مەحموود محەمەد) لێدوانێکیان بڵاوکردووەتەوە، لە کاتێکدا بەڕێزیان هیچ لێدوانێکی بۆ ئەو ماڵپەڕە نەداوە، ئەمەش دەقی روونکردنەوەکەیە:

نیوه‌ڕۆی دوێنێ‌ سێ‌ شه‌ممه‌، ٢٠١٧-٩-١٢ له ‌ماڵپه‌ڕی (بغداد الیوم) هه‌واڵێك بڵاوكراوه‌ته‌وه‌ گوایا هه‌ڤاڵی به‌ڕیز (مەحموود محەمەد) ئه‌ندامی مه‌كته‌بی سیاسی و به‌رپرسی ده‌زگای رۆشنبیری و راگه‌یاندنی پارتی دیموكراتی كوردستان، لە لێدوانێكیدا بۆ ماڵپه‌ڕی ناوبراو، وەڵامی په‌رله‌مانتارێکی ده‌وڵه‌تی یاسای داوه‌ته‌وه‌، ئیمه‌ لێره‌وه‌ بۆ رای گشتیی رایده‌گه‌ینین كه‌ هه‌واڵه‌كه‌ هیچ بنه‌مایه‌كی نییه ‌و هه‌ڤاڵ (مەحموود محەمەد) هیچ جۆره‌ لێدوانێكی بۆ ماڵپه‌ڕی (بغداد الیوم) نه‌داوه‌.

به‌ڕێزیان له ‌رۆژی (٢٠١٧-٩-٨)ـوه‌ له‌ ده‌ره‌وه‌ی وڵاته‌ بۆ به‌شداریكردن و هاندانی ‌كه‌مپینی پشتگیری كوردانی تاراوگه‌ له‌ وڵاتی رووسیا بۆ پرسی ریفراندۆم و سه‌ربه‌خۆیی كوردستان و ئه‌نجامدانی چه‌ند دیداریكی گرینگ و تایبه‌تی كه‌لتووری و سیاسی له‌و وڵاته‌دا.
لە کۆتاییدا هیوادارین کە جارێکی دیکە ئەم ماڵپەڕە بە وردی و وریاییەوە، پیشەییانە مامەڵە لەگەڵ هەواڵ و لێدوانی لەم شێوەیەدا بکات.

نووسینگەی هەڤاڵ (مەحموود محەمەد)
١٣-٩-٢٠١٧
 




دوایین هەواڵەکان

وەزارەتى خوێندنى باڵا، لیستى زانکۆ باوەڕپێکراوەکانى تورکیا و ئێرانی بڵاو كرده‌وه‌

THURSDAY, 21 JUNE 2018 00:06:18

هه‌ولێر-KDP.info-  وەزارەتى خوێندنى باڵا و توێژینەوەى زانستیى حکوومەتى هەرێمى کوردستان پێداچوونەوەى بە لیستى زانکۆ باوەڕپێکراوەکانى وڵاتانى (تورکیا – ئێران) کرد و لیستێکى نوێی بڵاو كرده‌وه‌.

 
مه‌كته‌بی سه‌رۆك سه‌رخۆشی له‌ شاخەوان غەریب ده‌كات

THURSDAY, 21 JUNE 2018 00:06:05

بەناوی خودای گەورە و میهرەبان

به‌ڕێز شاخەوان غەریب

بەبیستنی هه‌واڵی كۆچی دوایی كاكە(شڤان)ـی كوڕت خەمبار بووین.

پارتی سه‌رخۆشی له‌ خانەوادەی مەلا حاجی دێلۆیی ده‌كات

THURSDAY, 21 JUNE 2018 00:06:33

بەڕێزان خانەوادەی مەلا حاجی دێلۆیی

خەمبار بووین بە بیستنی هەواڵی کۆچی دوایی پێشمەرگەی هەدوو شۆڕشی مەزنی ئەیلوول و گوڵان، کادیری تێکۆشەر و دڵسۆزی پارتی و رێبازی بارزانی، ئەندامی مەکتەبی رێکخستن و کەسایەتیی دیاری دەڤەری پشدەر (مەلا حاجی دێلۆیی).

"بۆ گەڕانه‌وه‌ی پێشمه‌رگه‌ بۆ سنووری خانه‌قین سبه‌ی خۆپێشاندان دەکرێ"

WEDNESDAY, 20 JUNE 2018 16:06:14

خانه‌قین-KDP.info-  به ‌هۆی ئه‌وه‌ی مه‌ترسییه‌كی گه‌وره‌ له‌سه‌ر خانه‌قین هه‌یه‌ و به‌رده‌وام كرده‌وه‌ی تیرۆریستی لێ ئه‌نجام ده‌درێت و چه‌ندین گوند به‌و هۆیه‌وه‌ چۆڵ كراون و خه‌ڵكێكی زۆر بوونەته‌ قوربانی. عامر رەفعەت دەڵێ، ئیدی سبه‌ی له‌ خانه‌قین خۆپێشاندان بۆ گەڕانه‌وه‌ی هێزی پێشمه‌رگه‌ بۆ ئه‌و ناوچانه‌ ده‌ست پێ ده‌كات و خه‌ڵكی خانه‌قین مان ده‌گرن و دووكانه‌كانیان داده‌خه‌ن .

 
"زیاتر له ‌20 هه‌زار په‌نابه‌ر گه‌ڕاونه‌ته‌وه‌ عێراق و هه‌رێم"

WEDNESDAY, 20 JUNE 2018 16:06:22

هه‌ولێر-KDP.info- به‌ڕێوەبه‌ری كۆچ و كۆچبه‌ران گوتی، له‌ شه‌ڕی داعش و قه‌یرانی داراییدا شه‌پۆلێكی كۆچكردن له‌ هه‌رێمی كوردستانەوە بۆ ده‌ره‌وه‌ ده‌ستی پێ كرد، به‌ڵام له‌ دوای كۆتاییهاتنی شەڕی داعش كۆچكردن پێچه‌وانه‌ بووەته‌وه‌، به‌ جۆرێك له‌ دوو ساڵی ڕابردوودا زیاتر له‌20 هه‌زار كه‌س گه‌ڕاونه‌ته‌وه‌ بۆ عێراق، كه‌ 39%یان په‌نابه‌ری هه‌رێمی كوردستانن و گه‌ڕاونه‌ته‌وه‌ هه‌رێم و به‌رنامه‌یه‌كیشیان داناوه‌ هه‌ر ئاواره‌یه‌ك بگه‌ڕێته‌وه‌ هاوكاریی دارایی پێشكه‌ش ده‌كرێت.

 


 
© 2018 Kurdistan Democratic Party, KDP