Kurdî  ■  كوردی  ■  عربي
SUN, 25 FEB 2018 07:08 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

ئەنجوومەنی باڵای ریفراندۆم؛ بڕیار درا پێنجشەممەی دابێ پەرلەمان کارا بکرێتەوە
| KDP.info


هەولێر-KDP.info-  ئەنجوومەنی باڵای ڕیفراندۆم: لە کۆبوونەوەی ئەمڕۆیدا رایگەیاند کە حزب و لایەنەكانی بەشدار لە ئەنجوومەنی باڵای ڕیفراندۆم ڕێككەوتن كە ڕۆژی پێنجشەممە 14ـی 9ـی 2017 پەرلەمانی كوردستان كارا بكرێتەوە و دانیشتنی ئاسایی خۆی دەست پێ بكاتەوە.

دەقی ڕاگەیێندراوی كۆبوونەوەی ئەنجوومەنی باڵای ڕیفراندۆم:

ڕۆژی یەكشەممە 10ـی 9ـی 2017 لە سەلاحەدین ئەنجوومەنی باڵای ڕیفراندۆم بە سەرپەرشتیی بەڕێز مەسعوود بارزانی و ئامادەبوونی بەڕێز كۆسرەت ڕەسووڵ عەلی و ئامادەبوونی كۆمیسیۆنی باڵای سەربەخۆی هەڵبژاردن و ڕاپرسی لە هەرێمی كوردستان و سەرۆكی دەستەی ناوچە كوردستانییەكانی دەرەوەی ئیدارەی هەرێم كۆبوونەوەی ئاسایی خۆی بەست.
لە كۆبوونەوەكەدا پێشهاتە سیاسییەكان و دوایین هەڵوێستی ناوخۆ و عێراق و كۆمەڵگەی نێودەوڵەتی و هەروەها سەردانەكەی ئەمینداری گشتیی كۆمكاری عەرەبی بۆ هەرێمی كوردستان تاوتوێ كرا.
هەر لەو كۆبوونەوەیەدا ئامادەبووان ڕێككەوتنی مێژوویی نێوان پارتی و یەكێتی  لە 10ـی ئەیلوولی 2017 بۆ كاراكردنەوەی پارلەمانی كوردستانیان بەرز نرخاند و بە هەنگاوێكی گرنگ و نیشتیمانی و مێژوویی وەسفكرا و ئومێدی ئەوە خوازرا كە ئەو هەنگاوە ببێتە هۆی خێراتربوونی پڕۆسەی سیاسی و پاراستنی بەرژەوەندییە باڵاكانی گەلی كوردستان.

كۆبوونەوەی ئەنجوومەنی باڵای ڕیفراندۆم دوای ڕاگۆڕینەوە و گوێگرتن لە تێبینی و پێشنیاری لایەنە سیاسییەكان و پێكهاتە نەتەوەیی و ئایینییەكان و هەروەها خوێندنەوەی ڕاپۆرتی ڕێوشوێنە پڕاكتییەكانی پڕۆسەی ڕیفراندۆم لە لایەن كۆمیسیۆنی باڵای سەربەخۆی هەڵبژاردن و ڕاپرسی لە هەرێمی كوردستان بەو ئەنجامانەی خوارەوە گەییشت:

یەكەم: ئەنجوومەنی باڵای ڕیفراندۆم جەخت لە ئەنجامدانی ڕیفراندۆم لە وادەی دیاریكراوی خۆی لە 25ـی ئەیلوولی 2017 لە هەرێمی كوردستان و ناوچە كوردستانییەكانی دەرەوەی ئیدارەی هەرێم دەكاتەوە و، هەموو ئەو دەنگۆ و پڕۆپاگەندانە ڕەتدەكاتەوە كە باس لە دواخستنی ڕیفراندۆم دەكەن.

دووەم: كۆبوونەوەكە بە ڕەچاوكردنی دۆخی هەستیاری كوردستان جەختی لە پێویستی یەكڕیزی و هاودەنگیی نیشتیمانی و هەماهەنگیی نێوان هێزە سیاسییەكان بۆ هەڵمەتی هاوبەشی بانگەشە بۆ ڕیفراندۆم كردەوە.

سێیەم: كۆبوونەوەكە تەئكیدی لە پاراستن و ڕەچاوكردنی ماف و داواكاریی پێكهاتە نەتەوەیی و ئایینییەكانی كوردستان لە هەموو قۆناغەكاندا كردەوە و دەرئەنجامی كۆبوونەوەكانی لیژنەی تایبەت بە زەماناتی پێكهاتەكان خرایە بەر باس و داوا لە سكرتاریەتی ئەنجوومەنی باڵای ڕیفراندۆم كرا كە داواكارییەكان یەكبخات و كۆبوونەوەكە پاڵپشتیی خۆی بۆ داواكاریی پێكهاتەكان دەربڕی.

چوارەم: حزب و لایەنەكانی بەشدار لە ئەنجوومەنی باڵای ڕیفراندۆم ڕێككەوتن كە ڕۆژی پێنجشەممە 14ـی 9ـی 2017 پارلەمانی كوردستان كارا بكرێتەوە و دانیشتنی ئاسایی خۆی دەست پێ بكاتەوە.

پێنجەم: ئەنجوومەنی باڵای ڕیفراندۆم پشتیوانی تەواوی خۆی بۆ ئیجرائات و هەنگاوە پڕاكتیكییەكانی كۆمیسیۆنی باڵای هەڵبژاردن و ڕاپرسی بۆ پڕۆسەی ڕیفراندۆم دووپات دەكاتەوە و داوایش لە حكوومەت و لایەنە پەیوەندیدارەكان دەكات كە هاوكاری كۆمیسیۆنی باڵای هەڵبژاردن و ڕاپرسی لە هەرێمی كوردستان بن.

شەشەم: ئەنجوومەنی باڵای ڕیفراندۆم داوا لە ڕێكخراوە بیانییەكان و ڕێكخراوەكانی كۆمەڵگەی مەدەنی دەكات كە بەشدار بن لە چاودێریكردنی پڕۆسەی ڕیفراندۆم لە هەرێمی كوردستان.

ئەنجوومەنی باڵای ڕیفراندۆم
10ـی ئەیلوولی 2017
 




دوایین هەواڵەکان

"هێزە عێراقییەکان لە دەوروبەری کەرکووک پاشەکشەیان کردووە"

SATURDAY, 24 FEBRUARY 2018 19:02:50

پردێ-KDP.info- بەرپرسێکی وەزارەتی پێشمەرگە لە میحوەری پردێ ئەوەی پشتڕاست کردەوە، لە ماوەی چەند ڕۆژی ڕابردوودا ھێزە عێراقییەکان و حەشدی شەعبی لە زۆرێک لە ناوچەکانی دەوروبەری کەرکووک پاشەکشەیان کردووە و دەشڵێ، ئۆتۆمبێڵی داعش بە ئاشکرا لە نێو حەویجە و ڕیاز ھاتوچۆ دەکەن.

پارتی سەرەخۆشیی لە خانەوادەی شێخ کەمال شێخ محمەمەد سراجەدین دەکات

SATURDAY, 24 FEBRUARY 2018 18:02:21

بەڕێزان خانەوادەی خوالێخۆشبوو شێخ کەمال شێخ محمەمەد سراجەدین

 
برۆ: ڕژێمی سووریا حەشدی شەعبی بۆ عەفرین ڕەوانە کردووە

SATURDAY, 24 FEBRUARY 2018 18:02:13

هه‌ولێر -KDP.info-نوێنه‌ری ئه‌نجومه‌نی نیشتمانیی كورد له‌ سووریا بۆ كۆنگره‌ی جنێف گوتی، هاتنی هێزی ڕژێمی سووریا وای كردووه‌ توركیا هێرشه‌كانی چڕتر بكاته‌وه‌ بۆ سه‌ر ئه‌و شاره‌، چونكه‌ له‌جیاتی ئه‌وه‌ی سووریا هێزی فه‌رمی ڕه‌وانه‌ بكات، هێزی حه‌شدی شیعی بۆ عه‌فرین ڕه‌وانه‌ كردووه‌.

 
چاودێرێكی سیاسی: ئه‌مه‌ریكا دوای ڕووداوه‌كانی ئه‌م دوایه‌ گرینگی به‌ هه‌رێم بدات

SATURDAY, 24 FEBRUARY 2018 16:02:02

هەولێر -KDP.info- ماموستایه‌كی زانسته‌ سیاسییه‌كان له ‌زانكۆی سه‌ڵاحه‌دین ده‌ڵێ، سه‌ردانی ڕاوێژكاری ئه‌نجومه‌نی ئاسایشی هه‌رێمی كوردستان بۆ ئه‌مه‌ریكا گرنگییه‌كی زۆری هه‌یه‌، چونكه‌ ئه‌مه‌ریكا ده‌یه‌وێت دوای ڕووداوه‌كانی 16ی ئۆكتۆبه‌ر جارێكی دیكه‌ پشتگیری له‌ هه‌رێمی كوردستان بكات و گرنگیی پێ بدات، چونكه‌ ئه‌مه‌ریكا ده‌یه‌وێت به‌ هاوبه‌شی له‌گه‌ڵ هه‌رێم ڕێگری له‌ دروستبوونی گرووپی دیكه‌ی توندڕه‌و بکرێت، ئه‌مه‌ش له ‌به‌رژوه‌ندیی هه‌رێم و ئه‌مه‌ریكادایه‌.

 
مەكتەبی سەرۆك، سەرەخۆشی لە خانەوادەی حاجی عومەر مەجید دەكات

SATURDAY, 24 FEBRUARY 2018 12:02:09

بە ناوی خودای گەورە و میهرەبان

بەڕێزان لە خانەوادەی حاجی عومەر مەجید بەرلووتی..

 
دڵگران بووین بە بیستنی هەواڵی كۆچی دوایی كەسایەتیی دیاری كۆمەڵایەتیی گەرمیان و خزمانی گوندی بەرلووت (حاجی عومەر مەجید فەتاح) باوكی (محەممەد و حەسەن و بەختیار).


 
© 2017 Kurdistan Democratic Party, KDP