Kurdî  ■  كوردی  ■  عربي
THU, 21 JUN 2018 07:57 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

شێخ جه‌عفه‌ر: به‌ هیچ هێزێك دیمۆگرافیای مه‌نده‌لی ناگۆڕدرێ.. ڕیفره‌ندۆم سه‌رده‌كه‌وێ
| KDP.info


 

خانەقین-KDP.info- بەرپرسی لقی خانه‌قینی پارتی دیموكراتی كوردستان دەڵێت، "داگرتنی ئاڵای كوردستان لە مەندەلی لەلایەن چەند كەسێكەوە، رووداوێكی ناخۆشە و لەگەڵ یەكێتی لە ھەوڵداین بۆ چارەكردنی كێشەكە". ئه‌و جه‌ختی كرده‌وه‌ كه‌، مه‌نده‌لی به‌ 200 كه‌س و 200هه‌زار كه‌سیش دیمۆگرافییه‌كه‌ی ناگۆڕدرێ و ناكرێ به‌ ناوچه‌ی عه‌ره‌بنشین.

(جەعفەر شێخ مستەفا)، بەرپرسی لقی 15ـی پارتی لە خانەقین، بە ماڵپەڕی فەرمیی پارتی دیموكراتی كوردستانی راگەیاند، "ئەمڕۆ ژمارەیەك چەكدار لە شارەدێی مەندەلی ئاڵای كوردستانیان داگرتووە و ویستوویانە رەوشی ناوچەكە ئاڵۆز بكەن، بەڵام ئەوەی لە راگەیاندنەكان بڵاو دەكرێتەوە ژمارەی چەكدارەكان بەو قەبارەیە نییە، بەڵكوو چەند كەسێك رووداوەكەیان خوڵقاندووە و لە ئێستادا لە گەڵ برادەرانی یەكێتیی نیشتیمانیی كوردستان لە كۆبوونەوەداین لەسەر رووداوەكە و رەوشی ناوچەكە لە ژێر كۆنتڕۆڵدایە".

لەبارەی مەترسی بۆ سەر ریفڕاندۆم لە ناوچەی خانەقین و مەندەلی، (شێخ مستەفا) گوتی، "مەترسییەكی ئەوتۆ لەسەر پڕۆسەی ریفڕاندۆم لەو ناوچانەدا نییە، خۆ بە قسەی خەڵكێك نابێت كە ئایا ریفڕاندۆم بە چ شێوازێك بەڕێوە دەچێت، ئێمە ھەموو ھەوڵێك بۆ سەرخستنی ریفڕاندۆم لە سنووری خانەقین و دەوروبەریدا دەدەین".

پاش ڕووداوه‌كه‌، پارتی دیموكراتی كوردستان و یه‌كێتیی نیشتیمانی كوردستان له‌ باره‌ی ڕووداوه‌كه‌ی شاره‌دێی مه‌نده‌لی كۆ بوونه‌وه‌ و دواتر، كۆنفڕانسێكی ڕۆژنامه‌وانی ساز درا و تێیدا به‌رپرسی مه‌ڵبه‌ندی یه‌كێتی ڕایگه‌یاند، كه‌ نزیكه‌ی 150 كه‌سێكی به‌عسی بۆ تێكدانی دۆخی ناوچه‌كه‌ پشێوییان ناوه‌ته‌وه‌، هه‌ڵبه‌ته‌ ئێمه‌ له‌گه‌ڵ گرژكردن و تێكدانی دۆخه‌كه‌دا نین و، وا بڕیاره‌ له‌گه‌ڵ ئیداره‌ی ناوچه‌كه‌ قسه‌ بكه‌ین.
ڕاشیگه‌یاند، كه‌ خه‌ڵكی ناوچه‌كه‌ بڕیاری داوه‌، له‌ پرۆسه‌ی ڕیفره‌ندۆم بۆ سه‌ربه‌خۆیی به‌شداری بكه‌ن و له‌و ڕۆژه‌شدا ده‌نگی خۆیان ده‌ده‌ن.

هاوكات قایمقامی خانه‌قین گوتی، ئامر فه‌وجێك پێش ئه‌و خه‌ڵكه‌ كه‌وتووه‌ كه‌ ویستوویانه‌ له‌ مه‌نده‌لی و له‌سه‌ر ناوچه‌ی پارتی و كۆمیته‌ی یه‌كێتی ئاڵای كوردستان دابگرن، به‌ڵام دیاره‌ به‌ر به‌م هه‌وڵه‌ گیراوه‌.
جه‌ختی كرده‌وه‌ كه‌، كۆنه‌ به‌عسییه‌كان ئه‌م دۆخه‌یان خوڵقاندووه‌، خۆی كۆبوونه‌وه‌كه‌ی ئه‌مڕۆی پارتی و یه‌كێتییش بۆ ئه‌وه‌ بوو كه‌ ئه‌م دۆخه‌ له‌وێوه‌ نه‌گوێزرێته‌وه‌ بۆ خانه‌قین، ئێستا دۆخه‌كه‌ له‌ ژێر كۆنترۆڵدایه‌.
ئێمه‌ ده‌مانه‌وێ كه‌ به‌ شێوه‌ی ئاقڵانه‌ مامه‌ڵه‌ له‌گه‌ڵ ئه‌م دۆخه‌ بكه‌ین و نه‌هێڵین ئاڵۆزی دروست ببێ و له‌ لایه‌ن كوردستانیانه‌وه‌ په‌رچه‌كردار هه‌بێ.

هه‌ر له‌و كۆنفڕانسه‌ ڕۆژنامه‌وانییه‌دا، (شێخ جه‌عفه‌ر) گوتی، هه‌موو براده‌رانمان سه‌لامه‌تن و هه‌ر كه‌سێك ده‌ست بات بۆ هه‌ڤاڵانمان، ئه‌وا ده‌ستی ده‌بڕین.
ئه‌و جه‌ختی كرده‌وه‌ كه‌، مه‌نده‌لی به‌ 200 كه‌س و 200هه‌زار كه‌سیش دیمۆگرافییه‌كه‌ی ناگۆڕدرێ و ناكرێ به‌ ناوچه‌ی عه‌ره‌بنشین.
ڕاشیگه‌یاند، هه‌روه‌ها هیچ هێزێك ناتوانێ له‌ به‌شداری و ده‌نگ به‌ به‌ڵێ بۆ ڕیفره‌ندۆم پاشگه‌زمان بكاته‌وه‌ و دڵیایشین ده‌نگی باش به‌ده‌ست دێ.

قائید میرۆ




دوایین هەواڵەکان

وەزارەتى خوێندنى باڵا، لیستى زانکۆ باوەڕپێکراوەکانى تورکیا و ئێرانی بڵاو كرده‌وه‌

THURSDAY, 21 JUNE 2018 00:06:18

هه‌ولێر-KDP.info-  وەزارەتى خوێندنى باڵا و توێژینەوەى زانستیى حکوومەتى هەرێمى کوردستان پێداچوونەوەى بە لیستى زانکۆ باوەڕپێکراوەکانى وڵاتانى (تورکیا – ئێران) کرد و لیستێکى نوێی بڵاو كرده‌وه‌.

 
مه‌كته‌بی سه‌رۆك سه‌رخۆشی له‌ شاخەوان غەریب ده‌كات

THURSDAY, 21 JUNE 2018 00:06:05

بەناوی خودای گەورە و میهرەبان

به‌ڕێز شاخەوان غەریب

بەبیستنی هه‌واڵی كۆچی دوایی كاكە(شڤان)ـی كوڕت خەمبار بووین.

پارتی سه‌رخۆشی له‌ خانەوادەی مەلا حاجی دێلۆیی ده‌كات

THURSDAY, 21 JUNE 2018 00:06:33

بەڕێزان خانەوادەی مەلا حاجی دێلۆیی

خەمبار بووین بە بیستنی هەواڵی کۆچی دوایی پێشمەرگەی هەدوو شۆڕشی مەزنی ئەیلوول و گوڵان، کادیری تێکۆشەر و دڵسۆزی پارتی و رێبازی بارزانی، ئەندامی مەکتەبی رێکخستن و کەسایەتیی دیاری دەڤەری پشدەر (مەلا حاجی دێلۆیی).

"بۆ گەڕانه‌وه‌ی پێشمه‌رگه‌ بۆ سنووری خانه‌قین سبه‌ی خۆپێشاندان دەکرێ"

WEDNESDAY, 20 JUNE 2018 16:06:14

خانه‌قین-KDP.info-  به ‌هۆی ئه‌وه‌ی مه‌ترسییه‌كی گه‌وره‌ له‌سه‌ر خانه‌قین هه‌یه‌ و به‌رده‌وام كرده‌وه‌ی تیرۆریستی لێ ئه‌نجام ده‌درێت و چه‌ندین گوند به‌و هۆیه‌وه‌ چۆڵ كراون و خه‌ڵكێكی زۆر بوونەته‌ قوربانی. عامر رەفعەت دەڵێ، ئیدی سبه‌ی له‌ خانه‌قین خۆپێشاندان بۆ گەڕانه‌وه‌ی هێزی پێشمه‌رگه‌ بۆ ئه‌و ناوچانه‌ ده‌ست پێ ده‌كات و خه‌ڵكی خانه‌قین مان ده‌گرن و دووكانه‌كانیان داده‌خه‌ن .

 
"زیاتر له ‌20 هه‌زار په‌نابه‌ر گه‌ڕاونه‌ته‌وه‌ عێراق و هه‌رێم"

WEDNESDAY, 20 JUNE 2018 16:06:22

هه‌ولێر-KDP.info- به‌ڕێوەبه‌ری كۆچ و كۆچبه‌ران گوتی، له‌ شه‌ڕی داعش و قه‌یرانی داراییدا شه‌پۆلێكی كۆچكردن له‌ هه‌رێمی كوردستانەوە بۆ ده‌ره‌وه‌ ده‌ستی پێ كرد، به‌ڵام له‌ دوای كۆتاییهاتنی شەڕی داعش كۆچكردن پێچه‌وانه‌ بووەته‌وه‌، به‌ جۆرێك له‌ دوو ساڵی ڕابردوودا زیاتر له‌20 هه‌زار كه‌س گه‌ڕاونه‌ته‌وه‌ بۆ عێراق، كه‌ 39%یان په‌نابه‌ری هه‌رێمی كوردستانن و گه‌ڕاونه‌ته‌وه‌ هه‌رێم و به‌رنامه‌یه‌كیشیان داناوه‌ هه‌ر ئاواره‌یه‌ك بگه‌ڕێته‌وه‌ هاوكاریی دارایی پێشكه‌ش ده‌كرێت.

 


 
© 2018 Kurdistan Democratic Party, KDP