Kurdî  ■  كوردی  ■  عربي
THU, 23 NOV 2017 23:23 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

حەیات مەجید: سلێمانی سزای ئەوانەی دا کە دژی سەربەخۆییی کوردستان وەستابوونەوە
| KDP.info


سلێمانی-KDP.info- پەرلەمانتارێک دەستخۆشی لە هەڵوێستی خەڵکی سلێمانی دەکات، کە سزای ئەوانەیان دا، وا پشتیوانییان لە (نەخێر) دەکرد.

تا دێت بانگەشەی ڕیفراندۆم فراوانتر و گەرمتر دەبێت، بڕیارە چالاکیی جۆراوجۆر دەربارەی پشتیوانیی ڕیفراندۆم لە شاری سلێمانی بەڕێوە بچێت. (حەیات مەجید)، پەرلەمانتاری پارتی دیموکراتی کوردستان بە ماڵپەڕی فەرمیی پارتی دیموکراتی کوردستانی گوت: ''سلێمانی ھەمیشە شاری ھەڵمەت و قوربانی بووە، هەمیشە پشتی لەوانە کردووە، کە دژی پرۆسەی نەتەوەییی گەلی کوردستان بوون، مێژووی ئەو شارە دیارە، هیچ کاتێک ژێردەستەیی قبووڵ نەکردووە، هەمیشە لەگەڵ سەربەخۆیی و دەوڵەتی کوردستان بووە، شاری سلێمانی سزای سەرجەم ئەوانەی دا، کە دژی ڕیفراندۆم بوون، چونکە نەیانتوانی بەقەت چارەگە کورسییەکی پەرلەمان خەڵک کۆ بکەنەوە، سلێمانی لە شۆڕشی بارزان و شۆشی گوڵان و دەسکەوتەکانی گەلی کوردستاندا پێشەنگ و سەرمەشق بووە، بۆیە قەت جێگای کەسانێکی تێدا نابێتەوە، کە دژی نەتەوەی خۆیان بوەستنەوە.''

ئەو پەرلەمانتارە گوتیشی: ''دەرکەوت، ئەو گرووپانەی دژی ڕیفراندۆمن، چەندە بچووکن، لە ناو خەڵکدا جێگایان نابێتەوە، سلیمانی ھەمیشە بە شانازییەوە لە مێژووی سەربەرزی خۆی دەڕوانێت و دووپاتی دەکاتەوە، کە ھەمیشە شاری ھەڵمەت و قوربانی بووە، شاری پیشمەرگە و شەھید بووە.''

(حەیات مەجید) ئەوەیشی خستە ڕوو: ''پێویستە پاش ئەوەی ڕیفراندۆم بۆ سەربەخۆیی سەردەکەوێت و ئیرادەی گەل سەرکەوتوو دەبێت، ئەوانەی دژی سەربەخۆیین لەبەردەم دادگای میللەتدا ڕووبەڕووی دادگا ببنەوە.

کارزان سەباح هەورامی
 




دوایین هەواڵەکان

سه‌فین دزه‌‌یى وه‌ڵامی عه‌‌بادیی دایه‌وه‌

THURSDAY, 23 NOVEMBER 2017 20:11:35

هه‌ولێر-KDP.info-  گوته‌بێژی حكوومه‌تی هه‌رێمی كوردستان وه‌ڵامی دوالێدوانی سه‌رۆكوه‌زیرانی عێراق ده‌داته‌وه‌ و ڕایده‌گه‌یێنێ، به‌ پشتبه‌ستن به‌ بڕیاره‌كه‌ى دادگاى فیدراڵى عیراق له‌ 20/11/2017، ده‌بێت هه‌‌موو ئه‌‌و ڕێكار و ده‌‌ر‌‌ه‌‌نجام و لێكه‌‌وته‌ ناڕه‌وایانه‌ هه‌‌ڵبوه‌‌شێنرێنه‌وه‌ كه‌‌ ته‌نیا له‌ كاردانه‌‌وه‌‌ى ڕیفراندۆمدا دژى هه‌‌رێمى كوردستان له‌لایه‌ن حكوومه‌تى فیدراڵ و په‌رله‌مانى عێراقه‌وه‌ گیراونه‌ته‌ به‌ر.

 
شرۆڤەکارێکی سیاسی: هەرێم وەرەقەی بەهێزی بەرانبەر بە عێراق لەبەردەستە

THURSDAY, 23 NOVEMBER 2017 19:11:02

هەولێر-KDP.info- شرۆڤەکارێکی سیاسی ڕوونی دەکاتەوە، بە ھۆی بەڕێوەچوونی ھەڵبژاردنی داھاتووی عێراق لە وادەی خۆیدا بەغدا و (حەیدەر عەبادی) پێویستیان بە ھەرێمی کوردستان ھەیە.. دەشڵێت، ھێشتا ھەرێمی کوردستان وەرەقەی زۆر بەھێزی لەبەردەستە بۆ ئەوەی بەرانبەر مەرجەکانی بەغدا بەکاری بێنێت.

زەحمەتکێشان: بەڕوونی دیارە بەغدا نیەتی چارەکردنی کێشەکانی لەگەڵ هەولێر نییە

THURSDAY, 23 NOVEMBER 2017 17:11:18

هەولێر-KDP.info- سەرکردەیەکی حزبی زەحمەتکێشانی کوردستان ئاماژە بۆ ئەوە دەکات، بەغدا ھیچ نیەتێكی ڕژدی بۆ چارەکردنی کێشەکانی لەگەڵ ھەرێمی کوردستان نییە و دەڵێ، سەردانی شاندی حکوومەت بۆ لای ھێزە سیاسییەکان بە ھەنگاوێکی ئەرێنی دەبینین، بۆ ئەوەی بۆچوونی ھەموو لایەنەکان لەبارەی قۆناغی ئێستا وەربگیرێت.

سەرچاوەیەکی ئاگادار: شاندێکی شیعەی سیاسیی هاتوونەتە چیای شنگال

THURSDAY, 23 NOVEMBER 2017 17:11:38

شنگال-KDP.info-  سەرچاوەیەکی ئاگادار لەسەر چیای شنگال ڕایگەیاند، دوێنێ شاندێکی باڵای شیعەی سیاسی سەردانی چیای شنگالیان کردووە و بۆ کاری خزمەتگوزاری نەهاتوون، بەڵکو ئامانجێکی سیاسیان لەو سەردانەدا هەبووە.

قایمقامی خورماتوو: هەوڵێک هەیە من لە پۆستەکە لا بدەن

THURSDAY, 23 NOVEMBER 2017 15:11:33

خورماتوو-KDP.info- قایمقامی قەزای خورماتوو ئاشکرای کرد، هەوڵێک هەیە لە لایەن تورکمانەوە کە ئەو لە پۆستەکەی لا بدەن، بەتایبەت لە ڕێگەی ئەنجومەنی قەزای خورماتووەوە.

 


 
© 2017 Kurdistan Democratic Party, KDP