Kurdî  ■  كوردی  ■  عربي
THU, 21 JUN 2018 07:58 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

گەڕاندنەوەی ماف
| KDP.info


زكری مووسا
سەربەخۆییی گەلی كوردستان ئەوەندە ڕەوا و حەقانییە هیچ لۆژیكێك ناتوانێ لەبەرانبەریدا خۆی بگرێت. ئەوە دنیای ئازاد و ئەمەریكا و ئەوروپایش زۆر چاك دەیزانن، هیچ كام لەو وڵاتانە ئەو جورئەتەیان بە خۆیان نەداوە بڵێن گەلی كوردستان ئەو مافەی نییە داوای سەربەخۆیی بكات. تەنیا كێشەیان ئەوەیە كە ڕەنگە ئەم ڕووداوە ناسەقامگیری لێ بكەوێتەوە و لەگەڵ پلانەكانیان ناكۆك بێت.
دوژمنكاریی ئێرانییەكان و توركە نەژادپەرست و عەرەبە شۆڤینییەكانیش ناتوانێ بەسەر ڕەوایەتیی ئەو مافە ئیلاهی و ئینسانییەدا سەربكەوێ. لۆژیكی داگیركار بۆ ئینكاری ئەو مافە پووچ و نائینسانی و شكستخواردووە. ئەوان وەك داگیركار و بەپێی سرووشتی نكۆلیكار و خۆبەزلزانیان هەتا دەتوانن دژایەتی دەكەن و كۆسپ دەنێنەوە و هەڕەشە دەكەن بۆ ئەوەی ئیرادەی گەلی كوردستان تێكبشكێت لە داواكردنی مافێكی لەڕادەبەدەر ڕەوا و سرووشتی.
نە جیهان و نە عەقڵیەتی داگیركار هیچ كات سەربەخۆیی پێشكەشی گەلی كوردستان ناكەن. ئەوە گەل كوردستان و ئیرادەكەیەتی سەربەخۆیی دەسەپێنێ و دەیكاتە ئەمری واقع. ئەوە ئێمەین ڕەوایەتی بەو مافە دەدەین نەك كەسێكی تر. بۆیە مسۆگەركردنی ئەو مافە تەنیا و تەنیا لە دەستی خۆمانە.
ئەگەر بمانەوێت و ئیرادەمان بەهێز بێت،
ئەگەر ئەژنۆمان نەلەرزێت و لەبەرانبەر هەڕەشەی پووچ و بێهوودەدا خۆمان بەدەستەوە نەده‌ین، ئەگەر دەستبەرداری خۆبەبچووكزانین و ناوچەگەرێتیی كۆنەپەرستانە بین، ئەگەر بیر لە نەوەكانی داهاتوو بكەینەوە و خوێنی سەدانهەزار شەهید و قوربانیمان لەبەرچاو بێت، ئەگەر بمانەوێ و نەترسین و دەنگ بدەین، بە دڵنیاییەوە سەربەخۆیی لە نێو دەستمانە و جیهانیش سەری نەوازش دەنوێنێ و ستایشمان دەكات و داگیركاریش وەك ئەمری واقع قبووڵی دەكات.
نابێ بترسین، نابێ شەڕی دەروونی و هاشوهووشی ڕاگەیاندن و پڕۆپاگەندە و درۆودەلەسەی نەیاران ئیرادەمان تێكبشكێنێ و تەسلیم بین. ئێستا شەڕ شەڕی ئیرادەیە، شەڕی ئیرادەی گەڕاندنەوەی ماف و بێئیرادەیی و پاشكۆیی. لەم شەڕەدا دەبێ ئیرادەی گەڕاندنەوەی ماف سەربكەوێت.
ئەبێ لە پێشمەرگەوە فێری چاونەترسی بین كە لووتی دڕندەیەكی وەك داعشی شكاند.
دەبێ پرسیار بكەین 1800 ڕۆڵەی ئەو وڵاتە بۆ و بە چ ئیرادەیەك لە شەڕی تیرۆردا گیانی خۆی بەخشی.
ئەوان گیانیان بەخشی، ئێمە تەنیا دەبێ بڵێین بەڵێ بۆ سەربەخۆیی، بەڵێ بۆ شەهیدان.




دوایین هەواڵەکان

وەزارەتى خوێندنى باڵا، لیستى زانکۆ باوەڕپێکراوەکانى تورکیا و ئێرانی بڵاو كرده‌وه‌

THURSDAY, 21 JUNE 2018 00:06:18

هه‌ولێر-KDP.info-  وەزارەتى خوێندنى باڵا و توێژینەوەى زانستیى حکوومەتى هەرێمى کوردستان پێداچوونەوەى بە لیستى زانکۆ باوەڕپێکراوەکانى وڵاتانى (تورکیا – ئێران) کرد و لیستێکى نوێی بڵاو كرده‌وه‌.

 
مه‌كته‌بی سه‌رۆك سه‌رخۆشی له‌ شاخەوان غەریب ده‌كات

THURSDAY, 21 JUNE 2018 00:06:05

بەناوی خودای گەورە و میهرەبان

به‌ڕێز شاخەوان غەریب

بەبیستنی هه‌واڵی كۆچی دوایی كاكە(شڤان)ـی كوڕت خەمبار بووین.

پارتی سه‌رخۆشی له‌ خانەوادەی مەلا حاجی دێلۆیی ده‌كات

THURSDAY, 21 JUNE 2018 00:06:33

بەڕێزان خانەوادەی مەلا حاجی دێلۆیی

خەمبار بووین بە بیستنی هەواڵی کۆچی دوایی پێشمەرگەی هەدوو شۆڕشی مەزنی ئەیلوول و گوڵان، کادیری تێکۆشەر و دڵسۆزی پارتی و رێبازی بارزانی، ئەندامی مەکتەبی رێکخستن و کەسایەتیی دیاری دەڤەری پشدەر (مەلا حاجی دێلۆیی).

"بۆ گەڕانه‌وه‌ی پێشمه‌رگه‌ بۆ سنووری خانه‌قین سبه‌ی خۆپێشاندان دەکرێ"

WEDNESDAY, 20 JUNE 2018 16:06:14

خانه‌قین-KDP.info-  به ‌هۆی ئه‌وه‌ی مه‌ترسییه‌كی گه‌وره‌ له‌سه‌ر خانه‌قین هه‌یه‌ و به‌رده‌وام كرده‌وه‌ی تیرۆریستی لێ ئه‌نجام ده‌درێت و چه‌ندین گوند به‌و هۆیه‌وه‌ چۆڵ كراون و خه‌ڵكێكی زۆر بوونەته‌ قوربانی. عامر رەفعەت دەڵێ، ئیدی سبه‌ی له‌ خانه‌قین خۆپێشاندان بۆ گەڕانه‌وه‌ی هێزی پێشمه‌رگه‌ بۆ ئه‌و ناوچانه‌ ده‌ست پێ ده‌كات و خه‌ڵكی خانه‌قین مان ده‌گرن و دووكانه‌كانیان داده‌خه‌ن .

 
"زیاتر له ‌20 هه‌زار په‌نابه‌ر گه‌ڕاونه‌ته‌وه‌ عێراق و هه‌رێم"

WEDNESDAY, 20 JUNE 2018 16:06:22

هه‌ولێر-KDP.info- به‌ڕێوەبه‌ری كۆچ و كۆچبه‌ران گوتی، له‌ شه‌ڕی داعش و قه‌یرانی داراییدا شه‌پۆلێكی كۆچكردن له‌ هه‌رێمی كوردستانەوە بۆ ده‌ره‌وه‌ ده‌ستی پێ كرد، به‌ڵام له‌ دوای كۆتاییهاتنی شەڕی داعش كۆچكردن پێچه‌وانه‌ بووەته‌وه‌، به‌ جۆرێك له‌ دوو ساڵی ڕابردوودا زیاتر له‌20 هه‌زار كه‌س گه‌ڕاونه‌ته‌وه‌ بۆ عێراق، كه‌ 39%یان په‌نابه‌ری هه‌رێمی كوردستانن و گه‌ڕاونه‌ته‌وه‌ هه‌رێم و به‌رنامه‌یه‌كیشیان داناوه‌ هه‌ر ئاواره‌یه‌ك بگه‌ڕێته‌وه‌ هاوكاریی دارایی پێشكه‌ش ده‌كرێت.

 


 
© 2018 Kurdistan Democratic Party, KDP