Kurdî  ■  كوردی  ■  عربي
THU, 23 NOV 2017 23:27 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

ناسنامه‌ چمان پێ ده‌به‌خشێت؟
| KDP.info


جه‌بار قادر
له‌وانەیە‌ ساده‌ترین پرسیار ئه‌وه ‌بێت كه‌ ناسنامه‌ چییه‌؟ چمان پێ ده‌به‌خشێت؟ بوونی ناسنامه‌ چ شتێكی ‌ژیانمان لێ ده‌گۆڕێت؟ بوونی ناسنامه‌ كاریگه‌ری له‌سه‌ر كه‌سێیه‌تی تاك هه‌یه‌؟
ناسنامه، وه‌کو یه‌کێک له لایه‌نه‌کانی گه‌شه و په‌ره‌سه‌ندنی خود دێته هه‌ژماركردن. تاك له‌وێوه‌هه‌ست به‌ بوون یان بۆشایی ناسنامه‌ ده‌كات،  بۆشاییی ناسنامه‌ جۆرێك له‌ گوشاری ده‌روونی و خۆبه‌كه‌مزانین و ڕه‌تكردنه‌وه‌ی هه‌مووان بۆ تاك دروست ده‌كات، به‌جۆرێك كێشه‌ی خود و خۆناسین و پێكه‌وه‌بوون دێنێته‌ ئاراوه‌. بۆیه‌شه‌ زۆر جار بۆشاییی ناسنامه‌ به‌ یه‌كێك له‌ قۆناغه‌ ئاڵۆز و پڕمه‌ته‌رسییه‌كانی ژیانی پێشكه‌وتن و گه‌شه‌كردن ده‌بیندرێت.
ناسنامه‌ بریتییه‌ له‌و خاسێته‌ تایبه‌تی و كه‌سیانه‌ی كه‌ كه‌سێك یان گرووپێكی كۆمه‌ڵایه‌تی و كولتووری، نه‌ته‌وه‌یی، ئایینی، یان پێكهاته‌یه‌ك  له‌ كه‌س و گرووپ و پێكهاته‌ی تر له‌ ڕووی نیشتمانی و خاكه‌وه‌ جیا ده‌كاته‌وه، چونكه‌ ململانێی تاك و گرووپه‌كان له‌پێناو نیشتمانێكی دیاریكراو بووه‌، بۆیه‌شه‌ هه‌میشه‌ ئاریشه‌یه‌كی به‌رده‌وامی مرۆڤایه‌تی له‌پێناو ناسنامه‌دا بووه‌، چونكه‌ دواجار تاك وه‌كو هێزێكی بوون له ‌چوارچێوه‌ی نیشتمان و خاك و گرووپه‌ كۆمه‌ڵایه‌تی و كولتوورییه‌كاندا خۆی ده‌بینێته‌وه‌، هه‌ر له‌وێشه‌وه‌ ماف و داخوازییه‌كانی به‌رجه‌سته‌ ده‌كات.
هه‌موو كۆمه‌ڵگایه‌ك بۆ ئه‌وه‌ی بەشێوەیەكی ڕێكخراو به‌رده‌وام هه‌بێت، پێویسته‌ مه‌سه‌له‌ی سه‌ربه‌خۆیی و ئاره‌زووی ناسنامه‌ی تاكه‌كان به‌ چه‌شنێك به‌ڕێوه ‌ببردرێ كە تاك هەست بە بوونی و پێگەیەكی كۆمەڵایەتی و سیاسیی خۆی لە و كۆمەڵگایانەدا بكات. به‌ڵام یه‌كێك له‌ ئاریشه‌ گه‌وره‌كانی ئه‌و كۆمه‌ڵگایانه‌ی كه‌ ده‌وڵه‌تیان نییه‌ و له‌ژێرهه‌ژموونی ئه‌وانی دیكه‌دا چه‌وساونه‌وه‌، بریتییه‌ له  ‌قه‌یرانی ناسنامه‌، كه‌ كێشه‌ی خۆناسین و بوون و كاریگه‌ری و هێزیان هه‌بووه‌، كه‌ دواجار له‌ ڕیگه‌ی بنیادنانی ده‌وڵه‌ته‌وه‌ توانیویانه‌ ناسنامه‌ و بوون و هێز بگه‌ڕێندرێنه‌وه‌.
باشووری كوردستان له‌ هه‌نگاوی سه‌ربه‌خۆیی و دروستكردنی ده‌وڵه‌تدا، ناسنامه‌ و هێزی ده‌روونی و كولتووری و سیاسی بۆ تاكی كوردستانی دروست ده‌كات، دواجار باوه‌ڕ به‌خۆبوون له‌سه‌ر بوونی ناسنامه‌هێزێكی مه‌عنه‌وی بۆ تاك بنیاد ده‌نێت، كه‌ باوه‌ڕی ته‌واوی به‌خۆی و كۆمه‌ڵگایه‌كه‌ی دروست ده‌كات.
بوونی ناسنامه‌ هێزی  ده‌روونی و سیاسی و كولتووریمان پێ ده‌به‌خشێت، به‌جۆرێك هێزی بوون و باوه‌ڕ به‌نیشتمان و  وڵات زیاتر ده‌كات. بۆیه‌ سه‌ربه‌خۆبوون و ده‌وڵه‌ت له‌ باشووری كوردستاندا هێزێكی مه‌عنه‌وییش به‌ كوردستانیانی پارچه‌كانی دیكه‌ ده‌به‌خشێت و بنیادی هه‌مووان به‌هێزتر ده‌كات.
كوردستانیان قوربانییه‌كی یه‌كجار زۆریان بۆ به‌ده‌ستهێنانی ناسنامه‌ی نیشتمانی داوه‌، ناسنامه‌یه‌ك كه‌ مرۆڤبوون و  پێگه‌ و باوه‌ڕ و ئیراده‌ی نیشتمانی تیادا بێت، ئه‌م هه‌نگاوه‌ش ته‌نیا له‌ سه‌ربه‌خۆبوون و ئیراده‌یه‌كی به‌هێز بۆ بوون ده‌ست ده‌كه‌وێت. بۆیه‌ گرینگه‌ هاونیشتمانیانی كوردستان به ‌هه‌موو جیاوازییه‌ ئیتنی و ئایینی و كولتووریی و دیدگا سیاسییه‌كانه‌وه‌، كار بۆ به‌ده‌ستهێنانی ناسنامه‌ی نیشتمانی سه‌ربه‌خۆ بكه‌ین، چونكه‌ ناسنامه‌ به‌شێك له‌ هێز و ئیراده‌ و بوونمان پێ ده‌به‌خشێت.
دواجار ده‌كرێت روئیا جیاوازه‌كانمان له‌سه‌ر میكانیزمی به‌ڕێوه‌بردنی ئه‌م ده‌وڵه‌ته‌ كراوه‌تر بكه‌ین، به ‌دڵنیاییه‌وه‌ بۆ به‌هێزكردنی ده‌وڵه‌ت پێویستمان به‌ جیاوازی و قبووڵكردنی یه‌كتر هه‌یه‌، پێویستمان به‌ به‌رفراوانكردن و قبووڵكردن و گه‌شه‌پێدانی جیاوازییه‌ سیاسی و كولتوورییه‌كان هه‌یه‌، به‌ڵام له‌سه‌ر بنه‌مای پێكه‌وه‌بوون و قبووڵكردنی جیاوازی.




دوایین هەواڵەکان

سه‌فین دزه‌‌یى وه‌ڵامی عه‌‌بادیی دایه‌وه‌

THURSDAY, 23 NOVEMBER 2017 20:11:35

هه‌ولێر-KDP.info-  گوته‌بێژی حكوومه‌تی هه‌رێمی كوردستان وه‌ڵامی دوالێدوانی سه‌رۆكوه‌زیرانی عێراق ده‌داته‌وه‌ و ڕایده‌گه‌یێنێ، به‌ پشتبه‌ستن به‌ بڕیاره‌كه‌ى دادگاى فیدراڵى عیراق له‌ 20/11/2017، ده‌بێت هه‌‌موو ئه‌‌و ڕێكار و ده‌‌ر‌‌ه‌‌نجام و لێكه‌‌وته‌ ناڕه‌وایانه‌ هه‌‌ڵبوه‌‌شێنرێنه‌وه‌ كه‌‌ ته‌نیا له‌ كاردانه‌‌وه‌‌ى ڕیفراندۆمدا دژى هه‌‌رێمى كوردستان له‌لایه‌ن حكوومه‌تى فیدراڵ و په‌رله‌مانى عێراقه‌وه‌ گیراونه‌ته‌ به‌ر.

 
شرۆڤەکارێکی سیاسی: هەرێم وەرەقەی بەهێزی بەرانبەر بە عێراق لەبەردەستە

THURSDAY, 23 NOVEMBER 2017 19:11:02

هەولێر-KDP.info- شرۆڤەکارێکی سیاسی ڕوونی دەکاتەوە، بە ھۆی بەڕێوەچوونی ھەڵبژاردنی داھاتووی عێراق لە وادەی خۆیدا بەغدا و (حەیدەر عەبادی) پێویستیان بە ھەرێمی کوردستان ھەیە.. دەشڵێت، ھێشتا ھەرێمی کوردستان وەرەقەی زۆر بەھێزی لەبەردەستە بۆ ئەوەی بەرانبەر مەرجەکانی بەغدا بەکاری بێنێت.

زەحمەتکێشان: بەڕوونی دیارە بەغدا نیەتی چارەکردنی کێشەکانی لەگەڵ هەولێر نییە

THURSDAY, 23 NOVEMBER 2017 17:11:18

هەولێر-KDP.info- سەرکردەیەکی حزبی زەحمەتکێشانی کوردستان ئاماژە بۆ ئەوە دەکات، بەغدا ھیچ نیەتێكی ڕژدی بۆ چارەکردنی کێشەکانی لەگەڵ ھەرێمی کوردستان نییە و دەڵێ، سەردانی شاندی حکوومەت بۆ لای ھێزە سیاسییەکان بە ھەنگاوێکی ئەرێنی دەبینین، بۆ ئەوەی بۆچوونی ھەموو لایەنەکان لەبارەی قۆناغی ئێستا وەربگیرێت.

سەرچاوەیەکی ئاگادار: شاندێکی شیعەی سیاسیی هاتوونەتە چیای شنگال

THURSDAY, 23 NOVEMBER 2017 17:11:38

شنگال-KDP.info-  سەرچاوەیەکی ئاگادار لەسەر چیای شنگال ڕایگەیاند، دوێنێ شاندێکی باڵای شیعەی سیاسی سەردانی چیای شنگالیان کردووە و بۆ کاری خزمەتگوزاری نەهاتوون، بەڵکو ئامانجێکی سیاسیان لەو سەردانەدا هەبووە.

قایمقامی خورماتوو: هەوڵێک هەیە من لە پۆستەکە لا بدەن

THURSDAY, 23 NOVEMBER 2017 15:11:33

خورماتوو-KDP.info- قایمقامی قەزای خورماتوو ئاشکرای کرد، هەوڵێک هەیە لە لایەن تورکمانەوە کە ئەو لە پۆستەکەی لا بدەن، بەتایبەت لە ڕێگەی ئەنجومەنی قەزای خورماتووەوە.

 


 
© 2017 Kurdistan Democratic Party, KDP