Kurdî  ■  كوردی  ■  عربي
SUN, 22 OCT 2017 15:08 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

سادق جەباری: دووشەممەی دابێ شاندی ڕیفراندۆم دەچێتە بەغدا
| KDP.info


هەولێر-KDP.info- ئەندامێکی ئەنجومەنی باڵای ڕیفرادۆم دەڵێت، دووشەممەی دابێ شاندی ڕیفراندۆم سەردانی بەغدا دەکات و پرسی ڕیفراندۆم و پێشێڵکارییەکانی بەغدا لەگەڵ حزب و لایەنە سیاسییەکانی بەغدا دەخرێتە بەرباسەوە.

کەمێک پێش ئێستا ئەنجومەنی باڵای ڕیفراندۆم ڕایگەیاند، لە کۆبوونەوەی ئەمڕۆیاندا بە سەرپەرشتیی (سەرۆک بارزانی)، سەردانی چاوەڕوانكراوی شاندە باڵاكەی هەرێم بۆ بەغدا بە مەبەستی دانوساندن لەمەڕ پرسە سیاسییەكان و ئایندەی پەیوەندیی نێوان هەرێم و بەغدایان تاوتوێ كردووە و هێڵە گشتییەكان و ناوەڕۆكی دانوساندنەكانیش دیاری كراون.

لەگەڵ ئەوەی لە ڕاگەیاندراوەکەدا وادەی سەردانی شاندەکە بۆ بەغدا دیاری نەکراوە، بەڵام بە گوێرەی لێدوای ئەندامانی ئەنجومەنی باڵای ڕیفراندۆم، ڕۆژی دووشەممە شاندەکە سەردانی بەغدا بکات.

(سادق جەباری)، ئەندامی ئەنجومەنی باڵای ڕیفراندۆم بۆ ماڵپەڕی فەرمیی پارتی دیموکراتی کوردستان لەبارەی ناوەڕۆکی کۆوبونەوەی ئەمڕۆی ئەنجومەنی باڵای ڕیفراندۆمەوە دەڵێت: ''دوای ئەوەی (سەرۆک بارزانی) و (کۆسرەت ڕەسووڵ عەلی) ڕاسپێردران بۆ دیاریکردنی شاندێک بۆ بەغدا، وادیارە شاندەکە پێک هێنراوە؛ (د. ڕۆژ نووری شاوێس)، وەک نوێنەری پارتی و (سەعدی پیرە)، وەک نوێنەری یەکێتی، (د. محەمەد ئەحمەد)، ئەندامی مەکتەبی سیاسیی یەکگرتوو، (ماجد بازرگان) نوێنەری تورکمانەکان و (ڤیان دەخیل) نوێنەری ئێزدییەکان و (ڕۆمیۆ هەکاری)، نوێنەری کریستیانەکان. هەر ئەمڕۆش بڕیار درا لەسەر دیاریکردنی نەخشەڕێگا بۆ کۆبوونەوە لەگەڵ لایەنە عێراقییەکان و، بڕیارە دووشەممە ئەو شاندە بچێتە بەغدا.''

(سادق جەباری) گوتی: ''ئەو شاندە، حزبە عێراقییەکان بە سوننە و شیعە و پێکهاتە جیاوازەکانەوە دەبینین و گفتوگۆیان لەگەڵ دەکەن. بڕیارە شاندەکە لەگەڵ لایەنی حکوومەتیش دیدار بکات، لە بەغداشەوە شاندێک بۆ ئەو دیدارە پێک دەهێنرێت.''

(سادق جەباری)، ئەوەی خستەڕوو: ''لەسەر پێشێلکارییەکانی بەغدا قسەیان لەگەڵ دەکرێت، ئەوانیش ڕایان گەیاندووە، کە دیدار لەگەڵ شاندەکە ڕەت ناکەنەوە، ئەو شاندەش کە دەڕوات سەرەتا پێیان دەڵێت، کە ئێێمە بڕیاری ڕیفراندۆممان داوە، ئێوەش دەبێت ڕێگر نەبن لەو بڕیارە و دەمانەوێت سەربەخۆ بین، دەمانەوێت بە شێوەیەکی ئاشتی لەگەڵ ئێوە ژیان بەرینەسەر، ڕەنگە بەغدا پێمان بڵێت، بۆ ئەو بڕیارەتان داوە؟ ئێمەش چەند شتێک دەخەینە ڕوو، یەکەم چۆن بەغدا مووچەی کوردستانی بڕی، چۆن بەغدا پارە دەدات بە حەشد و نایدات بەپێشمەرگە؟ چۆن داوای شەراکەتتان دەکرد و کوردستانتان لە بەغدا دوور خستەوە؟ ماددەی ١٤٠ بریار بوو ٢٠٠٧ جێبەجێ بکرێت، جێبەجێتان نەکرد، بڕیار وابوو ناوچە جێناکۆکەکان بپارێزن، کەچی نەتانپاراست، بازرگانێک لە کوردستان تا دەچێتە بەغدا ٤ جار گومرگ دەکرێت، خەڵکی کوردستان وەک هاووڵاتیی عێراقی تەماشا ناکرێن و هەموو ئەم شتانەیان بە ڕاشکاوی پێ دەڵێن.''

ئەو ئەندامەی ئەنجومەنی باڵای ڕیفراندۆم گوتی: ''لەسەر پرسی ڕیفراندۆم قسەی خۆمان دەدەینە بەغدا، ئەوانیش ئازادن چۆن هەڵوێستیان دەبێت.''


کارزان سەباح هەوارمی

 




دوایین هەواڵەکان

ئەنجومەنی قەزای شنگال: حەشدی شەعبی دەیەوێ کارەساتێکی دیکە لە شنگال دووبارە بکاتەوە

SUNDAY, 22 OCTOBER 2017 14:10:27

شنگال-KDP.info- سەرۆکی ئەنجومەنی قەزای شنگال دەڵێت، هاتنی حەشد بۆ ناوچە کوردستانییەکانی دەرەوەی ئیدارەی هەرێم بە هەموو شێوەیەک پێچەوانەی هەموو یاسایەک بوو.

سێ گەنجی کورد لە بەردەم کۆمسیۆنی باڵای یەکێتیی ئەوروپا مانگرتنیان ڕایگەیاند

SUNDAY, 22 OCTOBER 2017 14:10:43

برۆکسل-KDP.info- سێ گەنجی کورد لە بەردەم بارەگای کۆمسیۆنی باڵای یەکێتیی ئەوروپا لە بەرانبەر پێشلکارییەکانی حەشدی شەعبی دژی گەلی کورد لە هەرێمی کوردستاندا، مانگرتنیان ڕاگەیاند.

وەزیری خوێندنی باڵا: بە یەکڕیزی و یەکتیمی درێژە بە کاروانی خەبات و خزمەتکردنی خەڵک دەدەین

SUNDAY, 22 OCTOBER 2017 14:10:22

ھەولێر-KDP.info- وەزارەتی خوێندنی باڵا و توێژینەوەی زانستی لە کۆبوونەوەی ھەفتانەی وەزارەتەکەدا ڕایگەیاندووە، حکوومەتی ھەرێمی کوردستان بە یەک تیم درێژە بە کاروانی خەبات و خزمەتکردن بە کۆمەڵانی خەڵکی کوردستان دەدات، لەم قۆناخە ھەستیار و ناسکەدا کاری لە پێشینەمان دەستکردن و گەشەپێدانە بەو کاروبارانەی کە لە پێشمانە.

32 پارت و لایەنی سیاسیی دژی دوو ئیدارەیی لە کوردستان دەوەستنەوە

SUNDAY, 22 OCTOBER 2017 14:10:37

هەولێر-KDP.info-  ٣٢ پارت و لایەنی سیاسیی کوردستان سەبارەت بە بارودۆخى سیاسى هەرێمى کوردستان و هاتنەپێشى ئەگەر و پێشهاتەکان لە شارى هەولێر کۆبوونەوە و ، لە کۆبوونەوەکەدا بەوردى بارودۆخى ئێستاى هەرێمى کوردستان هەڵوەستەى لەسەرکرا و شرۆڤەکرا و، لە کۆبوونەوەکەدا جەختیان لە یەکریزی گەلی کوردستان و دیالۆگ لەگەڵ بەغدا کردەوە..هەروەها حکوومەتی هەرێمی کوردستانیان بە نوێنەرایەتی گەلی کوردستان بۆ دیالۆگ دانا.

لە کۆبوونەوەی لایەنەکاندا جەخت لە پتەوکردنی پێگەی حکوومەت و هێنانەئارای یەکڕیزی کرایەوە

SUNDAY, 22 OCTOBER 2017 13:10:06

هەولێر-KDP.info-  لە کۆنفڕانسی ڕۆژنامەوانیی هاوبەشی نێوان لایەنە کوردستانییەکاندا، (مەحموود محەممەد) ئەندامی مەکتەبی سیاسیی پارتی دیموکراتی کوردستان ڕایگەیاند، "یەکڕیزی و پتەوکردنی نێوماڵمان، هەست بەرپرسارەتی و پێویستیی تێپەڕاندنی دۆخەکە، گفتوگۆ لەگەڵ بەغدا، بابەتی سەرەکیی کۆبوونەوەی نێوانمان بووە."

 


 
© 2017 Kurdistan Democratic Party, KDP