Kurdî  ■  كوردی  ■  عربي
TUE, 24 OCT 2017 10:43 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

حكوومه‌تى هه‌رێمى كوردستان ڕۆژى جیهانیى لاوان پیرۆز ده‌كات
| KDP.info


 

هه‌ولێر-KDP.info-  له‌ په‌یامێكدا به‌بۆنه‌ی ڕۆژی جیهانیی لاوانه‌وه‌، حكوومه‌تی هه‌رێمی كوردستان پیرۆزبایی له‌ لاوانی كوردستان و جیهان ده‌كات، ئه‌مه‌ ده‌قه‌كه‌یه‌تی:

ئه‌مڕۆ 12ى ئاب له‌ ڕۆژى جیهانیى لاواندا به‌‌گه‌رمى سڵاو له‌ لاوانى كوردستان ده‌كه‌ین، ڕۆڵیان له‌ ئێستا و داهاتووى كوردستاندا به‌رز هه‌ڵده‌سه‌نگێنین. وه‌ك چۆن لاوانى دوێنێى كوردستان به‌ خه‌بات و تێكۆشان و قوربانیدان، كوردستانیان له‌ سته‌م و دكتاتۆرى ڕزگار كرد و ئه‌مڕۆش له‌ پێگه‌كانى سه‌ركردایه‌تى و به‌ڕێوه‌بردنى وڵاتدا خزمه‌ت ده‌كه‌ن و ڕۆڵ ده‌گێڕن، به‌ هه‌مان شێوه‌ هیوایه‌كى گه‌وره‌ بۆ بنیاتنانى ئێستا و سه‌ركردایه‌تیكردن و به‌ڕێوه‌بردنى داهاتووى وڵات له‌سه‌ر لاوانى كوردستان بنیات ده‌نێین.

له‌ كاتێكدا كوردستان به‌ قۆناغێكى هه‌ستیاردا تێده‌په‌ڕێت و خه‌ریكه‌ هه‌نگاوێكى مێژوویى بۆ دیاریكردنى چاره‌نووسى خۆى ده‌نێت، ئه‌رك و به‌رپرسیاریه‌تییه‌كى گه‌وره‌تر ده‌كه‌وێته‌ سه‌ر شانى لاوانى كوردستان، تا ڕۆڵى كاریگه‌رى خۆیان له‌ دیاریكردنى چاره‌نووسى گه‌ل و وڵاته‌كه‌یان و به‌ده‌سهێنانى مافه‌ ڕه‌واكانیاندا بگێڕن.

له‌م یاده‌دا دووپاتى ده‌كه‌ینه‌وه‌ كه‌ حكوومه‌تى هه‌رێمى كوردستان به‌ هه‌موو شێوه‌یه‌ك پشتگیرى له‌ لاوان ده‌كات بۆ دابینكرنى هه‌موو مافه‌كانیان و، ئه‌وه‌ى له‌ توانایدا بێت كه‌مته‌رخه‌مى ناكات بۆ ڕه‌خساندنى ده‌رفه‌تى زیاترى كار و مسۆگه‌ركردنى ژینگه‌یه‌ك، كه‌ تیایدا لاوان بتوانن ژیانێكى باشتر دروست بكه‌ن، په‌ره‌ به‌ به‌هره‌ و تواناكانیان بده‌ن و باشترین ڕۆڵ له‌ بنیاتنان و پێشخستن و به‌ڕێوه‌بردنى وڵاتدا بگێڕن.

دووباره‌ ڕۆژى جیهانى لاوان له‌ لاوانى كوردستان و جیهان پیرۆز بێت.

ئه‌نجوومه‌نى وه‌زیرانى هه‌رێمى كوردستان
12/8/2017




دوایین هەواڵەکان

به‌غدا نه‌یتوانی مۆسكۆ بۆ دژایه‌تیی هه‌ولێر بێنێته‌ سه‌ر خه‌ت

TUESDAY, 24 OCTOBER 2017 10:10:53

هەولێر-KDP.info-  له‌ گه‌رمه‌ی كێشه‌ی نێوان حكوومه‌ته‌كانی به‌غدا و هه‌ولێر، ده‌وڵه‌تی رووسیا وه‌به‌رهێنانی گه‌وره‌ی له‌ هه‌رێمی كوردستان ده‌ست پێكرد. حكوومه‌تی به‌غدا گوشاری خسته‌سه‌ر رووسیا بۆ ئه‌وه‌ی گرێبه‌سته‌كان له‌ ژێر چاودێریی ئه‌ودا بن، به‌ڵام رووسیا ئه‌وه‌ی ره‌ت كرده‌وه‌.

مەنسوور بارزانی: هێزی پێشمه‌رگه‌ ھێرشێكی حەشدی شەعبی تێكشكاند و كوژرا و برینداریان هه‌یه‌

TUESDAY, 24 OCTOBER 2017 09:10:08
ھەولێر-KDP.info- ھێزی پێشمەرگە ھێرشێكی چەكدارانی حەشدی شەعبی لە ناوچەی مەحموودیە لە نزیك رەبیعە تێكشكاند.
 
سەرۆكی فەڕەنسا لەڕێگەی تەلەفۆنەوە پەیوەندی بە سەرۆك بارزانی دەكات

MONDAY, 23 OCTOBER 2017 22:10:26
ھەولێر-KDP.info- سەرۆکی فەرەنسا  لە رێگەی تەلەفۆنەوە پەیوەندی بە سەرۆکی هەرێمی کوردستانەوە دەکات و نیگەرانی خۆی لە بارودۆخ و گرژییەكانی نێوان هەولێر و بەغدا نیشاندا و رایگەیاند،  باشترین رێگە بۆ چارەسەر كردنی كێشەكان گفتوگۆ و دانوساندنە".
 
بڕیارە سبەی پەرلەمانی كوردستان كۆ ببێتەوە

MONDAY, 23 OCTOBER 2017 21:10:12
ھەولێر-KDP.info- بڕیارە سبەی پەرلەمانی كوردستان كۆ ببێتەوە بەرنامەی كاری دانیشتنەكەیش لە چەند بڕگەیەك پێكهاتووە كە یەكێك لە بڕگەكان دەست بەكاربوونی ژمارەیەك پەرلەمانتاری نوێیە.
 
تیلەرسن گەیشتە بەغدا..شیکاگۆ تریبیون: پرسی ریفراندۆمی هەرێم تاوتوو دەکرێ

MONDAY, 23 OCTOBER 2017 20:10:32

بەغدا-KDP.info-  کەمێک پێش ئێستا وەزیری دەرەوەی ئەمەریکا (ریکس تیلەرسن) گەیشتە بەغدا و بەگوێرەی زانیاری پێگەی شیکاگۆ تریبیون پرسی ئێران و ریفراندۆمی کوردستان لەگەڵ کاربەدەستانی عێراق تاوتوو دەکات.



 
© 2017 Kurdistan Democratic Party, KDP