Kurdî  ■  كوردی  ■  عربي
THU, 22 FEB 2018 20:00 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

هۆزی شه‌ممه‌ر، جه‌ختیان لە هاوچارەنووسیی خۆیان و گەلی کوردستان کردەوە
| KDP.info


 

هه‌ولێر-KDP.info-  له‌ دیداریاندا له‌گه‌ڵ (سه‌رۆك بارزانی)، هۆزی شەممەر پێزانینی زۆریان هه‌بوو بۆ (سەرۆک بارزانی) و گەلی کوردستان و پێشمەرگە له‌ تێكشكاندنی داعش و، ئازادکردنی ناوچەکانی ڕۆژئاوای ڕووباری دیجلە.

ئەمڕۆ سێشەممە 8ـی8ـی2017، لە لە سەلاحەددین، (مەسعوود بارزانی) سەرۆکی هەرێمی کوردستان، پێشوازی لە (شێخ ئەنوەر ئەحمەد عەجیل ئەلیاوەر) کەسایەتیی دیاری هۆزی شەممەر و شاندێكی یاوەری كرد.

 

لە دیدارەکەدا، (شێخ ئەنوەر) بە ناوی خۆی و هۆزی شەممەرەوە سوپاس و پێزانینی خۆیان ئاراستەی (سەرۆک بارزانی) و گەلی کوردستان و پێشمەرگە قارەمانەکان کرد کە رووبەڕووی تیرۆریستان وەستانەوە و داعشیان تێکشکاند. بەتایبەتییش پێزانینیان هەبوو بۆ ڕۆڵی پێشمەرگە لە ئازادکردنی ناوچەکانی ڕۆژئاوای ڕووباری دیجلە و ئەو ڕێز و حورمەتەی لەلایەن پێشمەرگەوە لە دانیشتوانی ناوچەکە گیرا و، ئەوەیان بە نیشانەی ڕەوشتی بەرز لەقەڵەم دا کە هەمیشە گەلی کوردستان و (سەرۆک بارزانی) و پێشمەرگە و پێی ناسراون.
پێزانینی زۆریشیان هەبوو بۆ گەل و حکوومەتی هەرێمی کوردستان بۆ حەواندنەوەی ئەو ژمارە زۆرەی ئاوارە و لێقەوماوان و ڕایانگەیاند کە ئەو جوامێرییەی گەل و حکوومەتی هەرێمی کوردستان هەرگیز لەیاد ناکەین.

هەروەها جەختیان لە پەیوەندەیی لەمێژینە و برایانەی گەلی کوردستان و هۆزی شەمەر کردەوە و پشتیوانیی خۆیان بۆ سیاسەت و هەڵوێستەکانی (سەرۆک بارزانی) و سەرکردایەتیی کوردستان دووپات کردەوە و تەئکیدیشیان لە هاوچارەنووسیی خۆیان و گەلی کوردستان کردەوە.

لە بەرانبەردا (سەرۆك بارزانی) وێڕای بەخێرهێنانیان، سوپاسی (شێخ ئەنوەر یاوه‌ر) و شاندی یاوەری کرد و، جەختی لەسەر تەبایی و برایەتیی نێوان كورد و ئەو عەرەبانە كردەوە كە بڕوایان بە پێكەوەژیان هەیە و دەستیان لەگەڵ تیرۆریستانی داعشدا نەبووە. (سەرۆك بارزانی) ئەوەیشی دووپات كردەوە، كە ئەوەی پێشمەرگە و گەلی کوردستان ئەنجامیان داوە ئەرکێکی مرۆیی و نیشتیمانییە و پێشمەرگەی کوردستان لەپێناو پاراستنی ئازادیخوازاندا قوربانیی داوە و ئێستا و داهاتوویش پێشمەرگە پارێزەری ئەو پێکەوەژیانە دەبێت.​
 




دوایین هەواڵەکان

مه‌سروور بارزانی گه‌یشته‌ ئه‌مریكا

THURSDAY, 22 FEBRUARY 2018 16:02:22

ئەمەریکا-KDP.info-  مه‌سروور بارزانی، راوێژكاری ئه‌نجوومه‌نی ئاسایشی هه‌رێمی كوردستان به‌ سه‌ردانێك گه‌یشته‌ ویلایه‌ته‌ یه‌كگرتووه‌كانی ئه‌مەریكا و بڕیاره‌ له‌و سه‌ردانه‌یدا چاوی به‌ ژماره‌یه‌ك به‌رپرسی باڵای ئه‌مریكا بكه‌وێت.

فەلاح حەسەن باسی ڕیفراندۆم و کەرکووکی بۆ سەرۆکەکانی لاوانیی سیاسیی ئەورووپا کرد

THURSDAY, 22 FEBRUARY 2018 15:02:14

ئیتالیا -KDP.info- جێگری سەرۆکی لاوانی سیاسیی جیهان باسی ڕیفراندۆم و کەرکووکی بۆ سەرجەم سەرۆکەکانی لاوانی سیاسیی وڵاتانی ئەورووپا کرد.

 
بەرزنجی: هاوپەیمانێتیی عەبادی بەرەو لاوازی دەچێ و ناچارە داواکاریی کورد جێبەجێ بکات

THURSDAY, 22 FEBRUARY 2018 15:02:05

هەولێر-KDP.info- سەرۆکی سەنتەری زەھاوی بۆ لێکۆڵینەوە ئاشکرای کرد، زانیاری ھەیە لە مانگی ئاداری داھاتوودا ھەرێمی کوردستان و بەغدا لە ژێر چاودێریی نێودەوڵەتیدا دەگەنە ڕێککەوتن بۆ چارەسەرکردنی کێشەکانیان و دەشڵێ، ھاوپەیمانیی عەبادی بەرەو لاوازی دەچێت و ناچارە داوکاریی کورد جێبەجێ بکات.

 
"بەغدا لە فرۆشتنی نەوتی کەرکووک دەستووری پێشێل کردووە"

THURSDAY, 22 FEBRUARY 2018 15:02:42

کەرکووک -KDP.info- پسپۆڕێکی کەرتی نەوت پێی وایە، فرۆشتنی نەوتی کەرکووک بەبێ ھەماھەنگیی ئەنجومەنی پارێزگا لادانە لە دەستووری عێراق و دەشڵێ، بە پێی ماددەی  ١١٢ی دەستووری عێراق، بەغدا ناتوانێ بە تاکلایەنە و بەبێ ڕێککەوتن و ھەماھەنگی نەوتی ھیچ پارێزگایەک ھەناردە بکات.

 
وەزارەتی گواستنەوە و گەیاندن: نازانین کێ نووسراوی کردنەوەی فڕگەکانی ساختە کردووە

THURSDAY, 22 FEBRUARY 2018 13:02:53

هەولێر-KDP.info-  گوتەبێژی وەزارەتی گواستنەوە و گەیاندنی هەرێمی كوردستان دەڵێ، ئه‌وكاته‌ی نووسراوەکەی به‌غدایان بە دەست گەیشتووه‌، زانیویانه‌ ساختەیە و ده‌ستبه‌جێ بەغدایان لێ ئاگادار کردوه‌تەوە.

 


 
© 2017 Kurdistan Democratic Party, KDP