Kurdî  ■  كوردی  ■  عربي
FRI, 20 JUL 2018 13:43 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

سەرۆک بارزانی: گەلی کوردستان لەژێر هیچ گوشارێکدا لە ڕاپرسی پاشگەز نابێتەوە
| KDP.info


 

هەولێر-KDP.info-  میدیاکانی کوێت ئەمڕۆ یەکشەممە، بەشێک لە چاوپێکەوتنیان لەگەڵ سەرۆکی هەرێمی کوردستاندا بڵاو کردووەتەوە و ڕایگەیاندووە، پڕۆسەی راپرسی کە وەها بڕیارە ٢٥مانگی دابێ بەڕێوە بچێ، مەترسی نییە بەسەر کەسەوە، بەڵکە مانەوەی دۆخەکە بەم شێوەیە، مەترسیی گەورەی دێنێتە کایەوە.

 

ئەم لێدوانەی (مەسعوود بارزانی)سەرۆکی هەرێمی کوردستان، لە چوارچێوەی ئەو دیدارە ڕۆژنامەوانییەدا بوو کە پێرێ هەینی، لەگەڵ شاندێکی ڕاگەیاندنکارانی وڵاتی کوێتدا ئەنجامی دا، کە بەسەردانێک هاتبوونە هەرێمی کوردستان.

(سەرۆک بارزانی) ڕایگەیاندووە "ئامانج لە راپرسی، پاراستنی گەلی کوردستانە تا کارەساتی دیکە لە پاشەڕۆژدا دووبارە نەبنەوە کە بەسەری هاتوون"، دەربارەی مەترسیی وڵاتانی دراوسێیش لە ڕاپرسی، رایگەیاندووە "پێویست ناکا وڵاتانی دراوسێ ترسیان لە راپرسی هەبێ، چونکە هەرێمی کوردستان لە ٢٦ ساڵی ڕابردوودا سەلماندوویەتی هۆکاری سەقامگیرییە لە ناوچەکەدا."

زیاتر لەو بارەوە دواوە و ڕایگەیاندووە، "پێوەندییە ئابووری و سیاسییەکان لە ناوجەکەدا لە پاش ڕاپرسی بۆ سەربەخۆیی، زۆر پتەوتر دەبن."

(سەرۆک بارزانی) ڕوونی کردووەتەوە "ناڕەزایەتیی ئێران و تورکیا بۆ سازدانی ڕاپرسی، پیوەندی بەوەوە هەیە کە کورد لە وڵاتەکانیاندا بوونی هەیە"، ئاماژەیشی دا بەوەی کە، وڵاتە یەکگرتووەکانی ئەمەریکا، نەیگوتووە دژایەتیی ڕاپرسی دەکات، بەڵکە کاتەکەی پێ گونجاو نییە.


(سەرۆک بارزانی) جەختی کردەوە لەوەی، کە ڕاپرسی بڕیاری گەلی کوردستانە و دەستبەرداری مافەکانیان نابن و لەژێر هیچ گوشارێکدا لێی پاشگەز نابنەوە.
 
(سەرۆک بارزانی) هەروەها گوتی، لەسەر بنەمای ئەزموونی حوکمڕانیی ڕابردوو، باشترە هەرێمی کوردستان و عێراق دراوسێی باش بن بۆ ئەوەی بەرەوڕووی کێشەی گەورەتر نەبنەوە.

دەربارەی دۆخی مووسڵیش گوتی "هێزی پێشمەرگە نەبووایە، مووسڵ ڕزگار نەدەکرا و داعش دووچاری شکست نەدەبووەوە"، ئاماژەیشی داوە بەوەی کە، هەرێمی کوردستان پێشوازی لە نزیکەی ملیۆنێک ئاوارە کردووە، بە هۆی پڕۆسە سەربازییەکانی هێزە چەکدارەکانی عێراقەوە.

پێوەست بە هاوکارییەکانی کوێت لە ڕێی کۆنسووڵەکەیانەوە لە هەرێمی کوردستان بۆ ئاوارەکان، (سەرۆک بارزانی) هاوکارییەکانی وڵاتی کوێتی بەرز نرخاندووە و ڕایگەیاندووە، هۆکار بووە لە سووککردنی ئازاری ئاوارە عێراقییەکان و، پشتوان بووە بۆ کارە خێرخوازییەکانی هەرێم.

هاوکات پێوەندییەکانی هەرێم و کوێت و برەودان پێیان، بە گرینگ لای گەلی کوردستان وەسف دەکات.




دوایین هەواڵەکان

چەواشەکارییەکان لە بارەی سەدی بێخمەوە هەر بەردەوامن

FRIDAY, 20 JULY 2018 12:07:22

چاودێرێک
هیچ شتێک لەوە ئاسانتر نییە کای کۆن بە با کەیت و حەقیقەتەکان ئاوەژوو بکەیتەوە، بەشكم نانێكی لێ بخۆی. شانۆنووسی گەورەی ئەلمانی دەڵێ: ئەوەی هەقیقەت نازانێ، گێلە و ئەوەیشی دەیزانێ و خۆی لێ گێل دەکات تاوانبارە! جا نازانین هەڵسوڕێنراوانی ئەو چەند میدیا کوردی و عەرەبییەی بە یەک نیەت و میلۆدی باسی هۆکاری دروستنەکردنی بەنداوی بێخمە دەکەن، لە توخمی گێلەکەن یا تاوانباران!

نێردە و ڕاوێژكاری یەكێتیی ئەورووپا ستایشی هێزە ئەمنییەكانی هەولێر دەكەن

THURSDAY, 19 JULY 2018 17:07:38

هەولێر-KDP.info- شاندێكی نێردە و ڕاوێژكاری یەكێتیی ئەورووپا بۆ كاروباری ئەمنی، لە دیدارێكیاندا لەگەڵ بەڕێوەبەری پۆلیسی هەولێر، ستایشی هێزە ئەمنییەكانی هەولێریان كرد لە دابینكردنی ئەمنییەت و سەقامگیری بۆ هاووڵاتیان.

 
"حکوومەتی ھەرێم ئامادەکاری بۆ پڕۆژەبودجەی ساڵی ٢٠١٩ دەکات"

THURSDAY, 19 JULY 2018 15:07:02

هەولێر-KDP.info-  لە لایەن وەزارەتی دارایی و ئابووریی حکوومەتی ھەرێمی کوردستانەوە ھەموو وەزارەتەکان ڕاسپێردراون کە ئامادەکاری بکەن بۆ بودجەی ساڵی دابێ. بەرپرسێکی وەزارەتی پەروەردە ئاشکرای کرد، ئەگەر بودجە بۆ ساڵی دابێت دابین بکرێت، مامۆستاش دادەمەزرێنن.

 
"داعش و حەشد هەریەکەو لە لایەکەوە هەڕەشە لە کوردانی کاکەیی دەکەن"

THURSDAY, 19 JULY 2018 15:07:32

هەولێر-KDP.info-  کوردانی کاکەیی لە نێوان داعش و حەشدی شەعبیدا بوونەتە قوربانی و لە لایەک حەشد دەیەوێت بەزۆر چەکیان بکات و لە لایەکی دیکەوە شەوانە داعش ھەڵدەکۆتێتە سەریان. چالاکێکی کوردی کاکەیی دەڵێ، خەریکە ناوچەکە چۆڵ دەبێت لە کاکەیی و بە ھەموو لایەک ھەر زوڵم لە کاکەیی دەکەن.

 
"ژێرخانی ئەلکترۆنیی ئەمەریکا لەژێر هەڕەشەی ڕووسیادایە"

THURSDAY, 19 JULY 2018 15:07:10

هەولێر-KDP.info- گەورەترین کێشە کە بۆ هەڵبژاردنی مانگی ١١ی ئەمساڵ  بەرۆکی بە ترامپ گرتووە، پرسی دەستوەردانی ڕووسیایە لە ژێرخانی ئەلکترۆنیی دیجیتاڵیی ئەمەریکا، بۆیە ترامپ بەرەو کوێ دەچێ ئەو پرسە بە دوایی دێت.

 


 
© 2018 Kurdistan Democratic Party, KDP