Kurdî  ■  كوردی  ■  عربي
SUN, 27 MAY 2018 07:56 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

''پڕۆژەی وەزارەتی پێشمەرگە پەسەند کرا و لەم حەفتەیەدا جێبەجێ دەکرێت''
| KDP.info


هەولێر-KDP.info-  سەرۆکی هەرێمی کوردستان (مەسعوود بارزانی) پڕۆژەی وەزارەتی پێشمەرگەی پەسەند کرد و لەم حەفتەیەدا جێبەجێ دەکرێت. ماوەی چەند مانگێک بوو لیژنەیەکی باڵای وەزارەتی پێشمەرگە و ڕاوێژکارانی سەربازیی بیانی خەریکی ئامادەکردنی پڕۆژەی ڕێکخستن و باشترکردنی ڕەوشی پێشمەرگە بوون، لە ھەموو بوارەکاندا.

عەمید ڕۆکن (ھەژار عومەر)، ئەندامی لیژنەی چاکسازیی وەزارەتی پێشمەرگە بە ماڵپەڕی فەرمیی پارتی دیموکراتی کوردستانی ڕاگەیاند: ''دوای ئەوەی لیژنەیەکی شارەزا لە وەزارەتی پێشمەرگە بە ھاوکاریی ڕاوێژکارانی ئەمریکایی و ئەڵمانی و بریتانی پڕۆژەیەکیان بۆ ڕێکخستن و پێداچوونەوە بە ھەیکەل و ژیانی پێشمەرگەدا ئامادە کرد، لە لایەن ئەنجومەنی وەزیرانەوە پەسەند کرا، حەفتەی ڕابردووش سەرۆکی هەرێمی کوردستان (مەسعوود بارزانی) پڕۆژەکەی وەزارەتی پێشمەرگەی پەسەند کرد و ئیدی لەمەودوا دەکەوێتە بواری جێبەجێکردنەوە، بۆ ئەوەی خاڵەکانی نێو پڕۆژەکە جێبەجێ بکرێن، بۆ ئەو گۆڕانکارییانەی کە دەمانەوێت بیانکەین و پڕۆژەکە لەم حەفتەیەوە دەست بە جێبەجێکردنی دەکرێ."

ئەو بەرپرسەی وەزارەتی پێشمەرگە ئاماژەی بۆ ئەوەش کرد: ''لەم حەفتەیەدا لە لایەن وەزارەتی بەرگریی ئەڵمانیاوە کۆرسێک بۆ کۆمەڵێک ئەفسەری وەزارەت دەکرێتەوە و ڕاھێنانیان پێ دەکرێت، بۆ ئەوەی لە بەڕێوەبەرایەتیی چاکسازیی وەزارەتی پێشمەرگەدا دابمەزرێن و لە ڕێی ئەو بەڕێوەبەرایەتییەوە تەواوی پڕۆژەکە جێبەجێ دەکرێت.''

عەمید ڕۆکن (ھەژار عومەر) گوتیشی: ''پڕۆژەکە زۆر شتی وەزارەتی پێشمەرگە دەگۆڕێت، ھەر لە یەکەکانی سەر بە وەزارەتەوە تا دەگاتە باشترکردنی ژیانی ھێزی پێشمەرگەی کوردستان، چونکە بەوردی کار لەسەر پڕۆژەکە کراوە و شارەزایانی ئەو سێ وڵاتە لەگەڵ ئێمە بوونە، ئێمەش لای خۆمانەوە، وەک ئەنجومەنی وەزارەت و ڕاوێژکارە بیانییەکان ھاوکار دەبین، بۆ ئەوەی وەک خۆی جێبەجێ بکرێت.''

قائید میرۆ




دوایین هەواڵەکان

پارێزگاری دھۆک هۆکاری گیان‌لەدەستدانی حەوت کەسەکەی زیندانێکی دهۆک دەخاتە ڕوو

SATURDAY, 26 MAY 2018 20:05:33

دهۆک-KDP.info- ئەمڕۆ ئێوارە بە ھۆی نانەوەی پشێوی و شەڕ و ئاڵۆزی لە نێو زیندانی چاکسازیی زڕکا لە شاری دھۆک، حەوت زیندانی گیانیان لەدەست دا و ژمارەیەکی زیاتریش بریندار بوون، پارێزگاری دھۆکیش دەڵێ، ئەوانەی پشێوییان دروست کردووە ھەوڵی ئەوەیان داوە لە زیندان ڕا بکەن و بە ماددەی تیرۆر حوکم دراون.

مەکتەبی سەرۆک سەرەخۆشیی لە خانه‌واده‌ی شێخ جه‌مال شێخ خالید دەکات

SATURDAY, 26 MAY 2018 16:05:07

به‌ناوی خودای گه‌وره‌ و میهره‌بان

 
کورد دەیەوێ عێراق بخاتە ژێر چەتری دەستوورەوە

SATURDAY, 26 MAY 2018 16:05:58

سلێمانی-KDP.info-  پارتی دیموكراتی كوردستان دوای ئه‌وه‌ی له‌ هه‌ڵبژاردنه‌كانی 12/5ی ئه‌نجومه‌نی نوێنه‌رانی عێراق جارێکی دیکە وەک براوەی یەکەمی کوردستان مایەوە‌، ئێساش کە کاتی گفتوگۆی نێوان هەولێر و بەغدایە، کورد دەیەوێ کابینەی نوێی عێراق بخاتە ژێر چەتری دەستوورەوە.

 
لە کۆڕبەندی ئابووریی سانپیتەرسبورگ لاوێکی کورد سەرۆکایەتیی شاندی لاوانی سیاسیی جیھان دەکات

SATURDAY, 26 MAY 2018 15:05:58

رووسیا-KDP.info- لە کۆڕبەندی ئابووریی جیھانی ئەم جارەی سانپیتەرسبورگ، فەلاح حەسەن، جێگری سەرۆکی لاوانی سیاسیی جیھان، کە گەنجێکی باشووری کوردستانە، سەرۆکایەتیی شاندی لاوانی جیھان دەکات .

 
پەیامی سەرۆك بارزانی بە بۆنەی ساڵیادی هەڵگیرساندنی شۆڕشی گوڵان

SATURDAY, 26 MAY 2018 15:05:11

هەولێر-KDP.info-  سەرۆک بارزانی لە پەیامیدا بە بۆنەی چل و دووهەمین ساڵیادی هەڵگیرساندنی شۆڕشی گوڵان رایگەیاند كە ئیرادەی گەلی كوردستان بەهێزە و سەرباری بوونی پیلانگێڕی، بەڵام بە ئیرادەیەكی بەرزتر لە جاران تێدەكۆشی بۆ بەدیهێنانی مافە ڕەواكانی و بەردەوامی لە پەیامی ئاشتی و پێكەوەژیان و پێشكەوتنخوازی.



 
© 2018 Kurdistan Democratic Party, KDP