Kurdî  ■  كوردی  ■  عربي
THU, 22 FEB 2018 19:51 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

"کوردستان لە گۆڕانکارییەکانی ناوچەکەدا سوودمەند دەبێ"
| KDP.info


هەولێر-KDP.info- مامۆستایانی زانكۆ، فراوانبوونی بەرەی پشتوانیكردن لە ڕیفڕاندۆمی ھەرێمی كوردستان لە ئەمەریكا بە گرینگ وەسف دەكەن و پێیان وایە، گۆڕانكارییەكانی ناوچەكە و ڕەوشی ئێستای عێراق، كاریگەریی لەسەر بۆچوونی ئەمەریكا ھەیە بۆ پرسی ڕیفڕاندۆم و سەربەخۆییی باشووری كوردستان.

دوێنێ ھەینی، لە ئەمەریكا كۆنفڕانسێك لەژێر ناونیشانی كوردستان ھاوپەیمانی ستراتیژیی ئەمەریكایە، بە ئامادەبوونی (مەسروور بارزانی)، ڕاوێژكاری ئەنجومەنی ئاسایشی ھەرێمی كوردستان بەڕێوە چوو، تێیدا (مەسروور بارزانی) و كۆنگرێسمانە ئەمەریكاییەكان تیشكیان خستە سەر ئەو ھاوپەیمانەتییە و پرسی ڕیفڕاندۆمی ھەرێمی كوردستان.

(ڕۆژگار شێخانی)، مامۆستای زانكۆ، بە ماڵپەڕی فەرمیی پارتی دیموكراتی كوردستانی ڕاگەیاند: ''سازكردنی كۆنفڕانسێك لە واشنتن بە ناونیشانی كوردستان ھاوپەیمانی ستراتیژیی ئەمەریكایە و بە بەشداریی ژمارەیەك سەركردەی كوردستان و كۆنگرێسمانەكان، گرینگی و بایەخی خۆی بۆ ھەرێمی كوردستان ھەیە، چونكە پێم وایە ئەمەریكا بە ڕوونی ھەستی بە ھاتنەكایە و نیزیكبوونەوەی كاتی گۆڕانكاری لەسەر نەخشەی ڕۆژھەڵاتی ناوەڕاست كردووە و، دڵنیایە لە لێكھەڵوەشاندنەوەی ئەو ناوچە پڕكێشە و گرفت و گرێوگۆڵە، لە لایەكی دیكەوە وای دەبینم ئەمەریكا زۆر چاك دەزانێت عێراقی ئێستا عێراقی حەشدی شەعبییە و كەوتووەتە ژێر كاریگەری و ھێژمۆنیی ئێرانەوە، لەبەر ئەوەیش بەرژەوەندیی ئەمەریكا وا دەخوازێت و پێویست دەكات پاڵپشتیی ڕیفڕاندۆمی ھەرێمی كوردستان بكات.''

(شێخانی) ئاماژەی بۆ ئەوەیش كرد: ''ئەگەر ڕیفڕاندۆم ئەنجام درا، ئەوكات ئەمەریكا و وڵاتانی دیكەیش خۆیان لەگەڵ ئەو ڕاستییەدا دەگونجێنن و لەگەل دیفاكتۆ مامەڵە دەكەن، لەو ماوەیەیشدا ژمارەیەك لە كۆنگرێسمان و دیپلۆماتكار و ژەنەڕاڵی سەربازی ئەو بۆچوونەیان گەڵالە كردووە، ھەروەك ژەنەڕاڵی خانەنشینكراوی ئەمەریكا، (ئۆدێرنۆ)، لە گوتەیەكیدا بۆ ڕۆژنامەی واشنتن تایمز دەڵێت، لە واقیعدا ئێستا بەغدا بووەتە ڕۆژئاوای ئێران، سوپای عێراق ٧٥%ـی شیعەمەزھەبن و زیاتر لە ١١٠ ھەزار ئەندامی میلشیا چەكدارە شیعەكانی لێیە.''

لای خۆیشیەوە، (زێرەڤان بەرواری)، مامۆستای زانكۆ، بۆ ماڵپەڕی فەرمیی پارتی دیموكراتی كوردستان گوتی: ''پشتیوانیكردنی ئەمەریكا بۆ ڕیفڕاندۆم و بڕیاری گەلی كوردستان گرینگە، فراوانبوونی دەنگی پشتیوانی لە ئەمەریكاوە لە ڕێگەی گرووپی گوشارەوە دروست دەبێت، سەركردایەتیی سیاسیی ھەرێمی كوردستان بە ئەنجامدانی چالاكی و بەشداریكردنیان لە پرۆگرام و داڕشتنی دیبەیتی سیاسی و ئەكادیمی، ڕێگا خۆش دەكەن بۆ ئەوەی كاریگەریی خۆی ھەبێت لەسەر بەرفراوانبوونی ئەو پشتیوانییەی لە ڕیفڕاندۆم دەكرێت، تەنانەت كاریگەریی لەسەر ڕای گشتیی ئەمەریكا و دروستبوونی بڕیاری سیاسیی ئەمەریكا دەبێت.''

لەبارەی گرینگیی ھەرێمی كوردستانەوە بۆ ئەمەریكا، (بەرواری) دەڵێت: ''بە گوێرەی پێشھاتە نوێیەكان، بە تایبەتی فراوانبوونی ڕۆڵی ئێران و ڕووسیا لە ھاوكێشە سیاسییەكانی ڕۆژھەڵاتی ناوەڕاستدا، وا دەكات ئەمەریكا ھەوڵ بدات كۆنتڕۆڵی سیاسی و لەشكری لە ناوچەكە لە دەست نەدات، ھەر ئەوەیش وای كرد واشنتن بۆ جاری یەكەمە مامەڵەی ڕاستەوخۆ لەگەلە وڵاتە بێدەوڵەتەكاندا دەكات، بۆ پاراستنی بەرژەوەندییەكانی خۆی، ھەرێمی كوردستانیش یەكێك لە گرینگترین فاكتەری بێدەوڵەت بووە و بووەتە ھاوپەیمانی ستراتیژی ئەمەریكا، ئێستا بڕیاری سیاسی لە عێراق ژێر كۆنتڕۆڵی ئێراندایە، ڕەوشی ئەمنی و سەربازی لە دەستی ھەندێ میلیشیای ئایدۆلۆژیدایە، ئەمەیش مەترسییە بۆسەر ئاسایشی كۆمەڵایەتی لە عێراق و ناوچەكە، لەبەر ئەوەی من پێشبینی دەكەم بەھۆی ئەو گۆڕانكارییانەی لە پەیوەندیی نێوان ئەمەریكا و وڵاتانی ناوچەكە دەكرێت، لە بەرژەوەندییی كورددا بێت.''
 
قائید میرۆ
 




دوایین هەواڵەکان

مه‌سروور بارزانی گه‌یشته‌ ئه‌مریكا

THURSDAY, 22 FEBRUARY 2018 16:02:22

ئەمەریکا-KDP.info-  مه‌سروور بارزانی، راوێژكاری ئه‌نجوومه‌نی ئاسایشی هه‌رێمی كوردستان به‌ سه‌ردانێك گه‌یشته‌ ویلایه‌ته‌ یه‌كگرتووه‌كانی ئه‌مەریكا و بڕیاره‌ له‌و سه‌ردانه‌یدا چاوی به‌ ژماره‌یه‌ك به‌رپرسی باڵای ئه‌مریكا بكه‌وێت.

فەلاح حەسەن باسی ڕیفراندۆم و کەرکووکی بۆ سەرۆکەکانی لاوانیی سیاسیی ئەورووپا کرد

THURSDAY, 22 FEBRUARY 2018 15:02:14

ئیتالیا -KDP.info- جێگری سەرۆکی لاوانی سیاسیی جیهان باسی ڕیفراندۆم و کەرکووکی بۆ سەرجەم سەرۆکەکانی لاوانی سیاسیی وڵاتانی ئەورووپا کرد.

 
بەرزنجی: هاوپەیمانێتیی عەبادی بەرەو لاوازی دەچێ و ناچارە داواکاریی کورد جێبەجێ بکات

THURSDAY, 22 FEBRUARY 2018 15:02:05

هەولێر-KDP.info- سەرۆکی سەنتەری زەھاوی بۆ لێکۆڵینەوە ئاشکرای کرد، زانیاری ھەیە لە مانگی ئاداری داھاتوودا ھەرێمی کوردستان و بەغدا لە ژێر چاودێریی نێودەوڵەتیدا دەگەنە ڕێککەوتن بۆ چارەسەرکردنی کێشەکانیان و دەشڵێ، ھاوپەیمانیی عەبادی بەرەو لاوازی دەچێت و ناچارە داوکاریی کورد جێبەجێ بکات.

 
"بەغدا لە فرۆشتنی نەوتی کەرکووک دەستووری پێشێل کردووە"

THURSDAY, 22 FEBRUARY 2018 15:02:42

کەرکووک -KDP.info- پسپۆڕێکی کەرتی نەوت پێی وایە، فرۆشتنی نەوتی کەرکووک بەبێ ھەماھەنگیی ئەنجومەنی پارێزگا لادانە لە دەستووری عێراق و دەشڵێ، بە پێی ماددەی  ١١٢ی دەستووری عێراق، بەغدا ناتوانێ بە تاکلایەنە و بەبێ ڕێککەوتن و ھەماھەنگی نەوتی ھیچ پارێزگایەک ھەناردە بکات.

 
وەزارەتی گواستنەوە و گەیاندن: نازانین کێ نووسراوی کردنەوەی فڕگەکانی ساختە کردووە

THURSDAY, 22 FEBRUARY 2018 13:02:53

هەولێر-KDP.info-  گوتەبێژی وەزارەتی گواستنەوە و گەیاندنی هەرێمی كوردستان دەڵێ، ئه‌وكاته‌ی نووسراوەکەی به‌غدایان بە دەست گەیشتووه‌، زانیویانه‌ ساختەیە و ده‌ستبه‌جێ بەغدایان لێ ئاگادار کردوه‌تەوە.

 


 
© 2017 Kurdistan Democratic Party, KDP