دهۆک-KDP.info- " په‌رله‌مانتارێ ئێزدی ل په‌رله‌مانێ كوردستانێ گه‌شبینیا خۆ راگه‌هاند، سه‌باره‌ت ئه‌نجامێن سه‌ره‌دانا شاندێ كوردستانی یێ كو ب سه‌رۆكاتیا (مه‌سعود بارزانی)، سەرۆکێ هەرێما کوردستانێ ژبۆ بروكسل، کو تێدا و چەندین چاڤپێکەفتن و كۆمبوونێن دگه‌ل ئه‌ندامێن وه‌لاتێن ئێكه‌تیا ئه‌ورۆپی کرن، ناڤبری دووپات کر، كو ریفراندۆم ده‌رفه‌ته‌كا دیرۆكی یه ژبۆ كوردێن ئێزدی داكو پرسا ئێكلاكرنا ده‌ڤه‌ر و چاره‌نڤیسا ناسنامه‌یا وان ڤه‌گه‌رێت بۆ وه‌لاتێ وان یێ دایك كوردستان.
وهه‌ر دڤێ سه‌ره‌دانێ دا ب پشكداریا شاندێ سه‌ره‌دانا برۆكسل كری ل هه‌فتیا بۆری، (شێخ شامۆ) ئە‌ندامێ په‌رله‌مانێ كوردستانێ و سه‌رۆكێ ده‌سته‌یا بلندا بنگه‌هێ لالش و ئە‌ندامێ لژنا بلندا ریفراندۆمێ ل كوردستانێ بۆ ماڵپەرێ فەرمیێ پارتی دیموکراتی کوردستان دیارکر، پێشوازیا وان یا ب كوردستانی ب شێوەیەکی زۆر باش بوو، یه دیار بوو ب گیانه‌كێ دیموكراسیا بلند، و مه هه‌ست ب وێ چه‌ندێ كر كو ئه‌و بارودۆخێ گه‌لێ كوردستانێ و ئێش و ئازارێن وان یێن دقۆناغێن دیرۆكێ دا تێدا ده‌رباز بووین تێدگه‌هن، و هه‌ڤسۆزیا خۆ یا بهێز دیاركرن دگه‌ل گه‌لێ كوردستانێ ژ ئه‌گه‌رێ وێ تیرۆر و شه‌رێ ل سه‌ر مه‌هاتی سه‌پاندن ژلایێ رێكخراوا تێرۆرستیا داعش ڤه، مه دیت كو پێشمه‌رگەی رێزه‌كا مه‌زن ل دەڤ وان هه‌بوو، و حێبه‌تیا خۆ بۆمە دیاركرن به‌رامبه‌ر وان قاره‌مانی و قوربانیێن پێشمه‌رگه‌ی یێن كو دشه‌رێ دژی داعش دا ژبۆ به‌ره‌ڤانی كرن ژ خه‌لكێ هه‌رێما كوردستانێ ژبۆ ب ده‌ستڤه‌ئینانا مافێ خۆ ،زێده‌باری و دئێنه هژمارتن وه‌لاتێن دیموكراسی و پشته‌ڤانیا هه‌ر پرۆسێسه‌كا دیموكراسی دكه‌ن ل هه‌ر جهه‌كی بت ، هه‌روه‌سا سه‌ربۆرا كوردستانی یا د26 سالێن بۆری دا دبوارێ دیموكراسیێ و دیبلۆماسیه‌تێ دا دبوارێ ئاڤاكرنا په‌یوه‌ندییان ژئه‌نجامێ ڤێ چه‌ندێ پره‌كا ژ باوه‌ریێ دناڤبه‌را كوردستانێ وه‌لاتێن دیموكراسی دا هاتیه ئاڤاكرن ، ئه‌وان ژ سه‌رۆك بارزانی داخواز كر كو چاڤدێران ڤرێکەن ژبۆ چاڤدێریكرنا ریفراندۆما 25 ئه‌یلولا بێت ، و ب شێوه‌كی روون و ئاشكه‌را ب مه گۆتن ئه‌م پشته‌ڤانیا ئه‌نجامان دكەین و خه‌لكێ كوردستانێ د ئازادن د مافێ خۆ دا ژبۆ هه‌ر بریاره‌كێ بده‌ن .''
(سه‌رۆك بارزانی) دگه‌ل شانده‌كا بلندا كوردستانی سه‌ره‌دانا برۆكسل كربوو ل هه‌فتیا بۆری، و دڤێ سه‌ره‌دانێ دا زنجیره‌كا كۆمبوونێن به‌رفره‌هـ دگه‌ل مه‌زنه به‌رپرسێن ئه‌ورۆپی ئه‌نجام دابوون سه‌باره‌ت ریفراندوما 25 ئه‌یلولا بێت، (شێخ شامۆ) ئه‌و چه‌نده ژی دا دیاركرن كو شاندێ كوردستانی بوو جهێ كه‌یفخۆشیا نوونه‌رێن وه‌لاتێن ئه‌ورۆپی ، وێنه‌كێ جوانێ فره‌نه‌ته‌وه‌ی و ئایینی و دیموكراسی و پێكڤه‌ژیانێ یێ كوردستانێ نیشا وان دا ، ژبه‌ر كو ئه‌ڤ شانده ژ لایه‌نێن جوراوجۆرێن حیزبی و ئاینی پێكاهتبوون “ سه‌رۆك بارزانی دئاخفتنا خۆدا ژ بۆ نوونه‌رێن ئه‌وروپی ته‌كه‌ز كر و گۆت:”خه‌لكێ وان ده‌ڤه‌رێن هه‌لاویستی یێن دناڤبه‌را (هه‌ولێر و به‌غدا) ئه‌و ده‌ڤه‌ر ب ماددا 140 ڤه‌گرتی ژ ده‌ستوورێ عێراقێ یێ ئیتیحادی و خه‌لكێ وان ده‌ڤه‌ران دئازادن دبریارا خوۆ دا هه‌ر بریاره‌كا بده‌ن ، ئه‌گه‌ر ڤه‌گه‌رنه سه‌ر كوردستانێ ، دێ ده‌ستووره‌ك نوویی ئێته نڤیسین و دڤی ده‌ستووری دا دێ مافێ وان دپاراستی بن و گره‌نتیا مافێ حه‌موو پێكهاتێن ئۆلی و نه‌ته‌وه‌ی ڤه ژی ب شێوه‌كی روون و ئاشكه‌را.
شاندێ ب سه‌رۆكاتیا (سه‌رۆك بارزانی) پێكهاتی بوون ژ نوونه‌رێن پارتی دیموكراتی كوردستان ، ئێكه‌تی نشتیمانی كوردستان ، حزبا ئێكگرتووا ئیسلامی یا كوردستانێ ، په‌رله‌مانتارێ کوردێن ئێزدی، نوونه‌رێ مه‌سیحیان ل كوردستانێ .
سه‌باره‌ت گه‌شبینیا خۆ ب ئه‌نجامێن سه‌ره‌دانێ (شێخ شامۆ)، زه‌لالكر، ئه‌ز گه‌له‌ك گه‌شبینم ، ژبه‌ر كو مه (سه‌رۆكه بارزانی) هه‌یه و باوه‌ری ب دیموكراسی و ئازادیێ هه‌یه، و په‌یوه‌ندیێن به‌رفره ـ و باش هه‌نه دگه‌ل سه‌ركردێن ئه‌ورۆپی و رۆژئاڤایی و ئه‌م دێ ئه‌نجامێن باش بده‌ستڤه بینن ، ئه‌ز دبینم پشته‌ڤانیه‌كا جیهانی ژبۆ كوردستانێ هه‌یه ژبۆ مافێ سه‌ربه‌خۆبوونێ .
(شێخ شامۆ) ئاماژه دا وێ چه‌ندێ دماوێ سه‌ره‌دانا وان بۆ برۆكسل ، چه‌ندین چڤپێکەفتن و کۆمبوون دناڤبه‌را (سه‌رۆك بارزانی) و هنده‌ك كه‌سایه‌تیێن پله به‌رزێن ئه‌ورۆپی دا هه‌بوون و ئێك ژوان دیاریێن بارزانی پێشكێشكرن ژبۆ كه‌سایه‌تیه‌كێ ل ده‌مێ پێشوازیكرنێ قه‌ڤده‌كێ گولان بوو ژ پێكهاته‌یێن ده‌شتا نه‌ینه‌وا ل ده‌مێ سه‌ره‌دانا وی بۆ دڤه‌را باشیكێ ژلایێ كۆمه‌كا زلامێن ئاینی ڤه ژ ئۆلێن جێاواز بوو ، (بارزانی) ئه‌و قه‌ڤدكا گولان پێشكێشی وان كر و بوو جیێ دلخۆشیا وان و گۆتن ئه‌ڤه به‌لگه بۆ وێ چه‌ندێ كو پێكڤه‌ژیان و لێبۆرین و باوه‌ری ب فره‌نه‌ته‌وه و لێبۆرینا پشتی قۆناغا داعشه “.
سه‌باره‌ت سه‌ره‌دانا خۆ بۆ لایێ میرێ ئێزدیان (ته‌حسین سه‌عید به‌گ) ل ئه‌لمانیا (شێخ شامۆ) ی گۆت:" من ڤیا سه‌ره‌دانا میری بكه‌م و ره‌وشا ساخله‌میا وی بزانم ، و دماوێ هه‌ڤدیتنا من دگه‌ل میری دا من به‌حسێ سه‌ره‌دانا شاندێ كوردستانی بۆ برۆكسل شلۆڤه‌كر، ژبۆ میرێ ئێزدیان دیار كر گرنگیا نوونه‌راتیا ئێزدیا و دئێته هژمارتن ل پله‌یا ئێكی ژ ڤی جۆری دگه‌ل شاندێ بلندێ دچارچۆڤێ كوردستانی دا و ئه‌ڤ چه‌نده ژ ب راسپاردێن (بارزانی) بوو ، و پشكداریا من وه‌ك پێكهاتێ ئۆلی دچارچۆڤێ نه‌ته‌وه‌ی دا و پشكداری د مه‌حفەلێن نێڤ ده‌وله‌تی دا .''
کاروان باعەدری