Kurdî  ■  كوردی  ■  عربي
THU, 22 FEB 2018 13:40 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

هێنری لێڤی: کوردستانی سەربەخۆ و ئازاد، بەهێزترین هۆکاری ئاشتی و سەقامگیریی ناوچەکەیە
| KDP.info


 

هەولێر-KDP.info-  فەیلەسوفێکی فەرەنسایی دامەزراندنی دەوڵەتی کوردستانی سەربەخۆ و ئازاد بە هۆکاری ئاشتی و سەقامگیری لە ناوچەکە دەزانێت.

لە وتارێکدا کە لە هەفتەنامەی (لۆپوەن)ـی فەرەنساییدا بڵاوی کردووەتەوە، (بێرنارد هێنری لێڤی) فەیلەسووفی ناوداری فەرەنسایی، باسی لە پرسی ڕیفراندۆم لە هەرێمی کوردستان کردووە کە بڕیارە ٢٥ی مانگی ئەیلوولی دابێ ئەنجام بدرێت، لەو بارەیەوە نووسیویەتی، لە ڕەوانگەی ئەورووپاییەکانەوە کە وڵاتی عێراق بە دروستکراوی دوای یەکەم شەڕی جیهانی دەزانن و وەک دەوڵەتێکی دەستکرد ناوی دەبەن، بەڵام لە هەرێمی کوردستان وەک نەتەوە – دەوڵەت دەڕوانن کە خاوەنی ڕەسەنایەتیی خۆیەتی، ڕیشەی قووڵی فەرهەنگیی هەیە و ڕێز لە بنەما دیموکراتییەکان دەگرێت، لەوانە ئازادی و یەکسانیی ژن و پیاو و پاراستنی مافی کەمینەکان.

لەو وتارەی فەیلوسەفە فەڕەنساییەکدا هەروەها هاتووە، پشتیوانی لە سەربەخۆییی هەرێمی کوردستان، پشتیوانییە لە دیموکراسی و ڕێزگرتنە لە مافی کەمینە نەتەوەییەکان کە بە ڕوونی لە هەڵسوکەوتی کوردەکان و هاووڵاتیانی غەیری کورد لە هەرێمی کوردستاندا دەردەکەوێت. پاڵپشتی لە سەربەخۆییی هەرێمی کوردستان، پاڵپشتییە لە بەرابەری و یەکسانیی ژن و پیاو لە کۆمەڵگا و ئەو بنەمایانەی کە وڵاتانی ئەورواپای لەسەر دامەزراوە.

نووسەر لە وتارەکەیدا هاوکات نووسیویەتی، کە جێی گومان نییە سەرەڕای دوژمنان و نەیارانی سەربەخۆییی کوردستان، ئەو دەوڵەتە دەبێتە هۆکاری زۆر بەهێزی ئاشتی و سەقامگیری لە ناوچەکەدا.

(بێرنارد هێنری لێڤی) لە وتارەکەیدا لە هەفتەنامەی (لۆپوەن)، هەروەها ئاماژە بە هێزی پێشمەرگەی کوردستان دەکات لە شەڕی دژ بە تیرۆریستانی داعش و دەڵێت، کە لە ڕاستیدا پێشمەرگەی کوردستان بوو کە لە مانگەکانی ئۆکتۆبەر و نۆڤەمبەری ڕابردوودا دەروازەکانی شاری مووسڵیان بە ڕووی هێزەکانی سوپای عێراقدا کردەوە، هەر ئەوانیش بوون کە لەم ساڵانەی دواییدا بە تەنیا لە بەرامبەر داعشدا وەستان و بە کردنەوەی بەرەی شەڕی زیاتر لە هەزار کیلۆمەتر، شکستیان پێ هێنان.




دوایین هەواڵەکان

وەزارەتی گواستنەوە و گەیاندن: نازانین کێ نووسراوی کردنەوەی فڕگەکانی ساختە کردووە

THURSDAY, 22 FEBRUARY 2018 13:02:53

هەولێر-KDP.info-  گوتەبێژی وەزارەتی گواستنەوە و گەیاندنی هەرێمی كوردستان دەڵێ، ئه‌وكاته‌ی نووسراوەکەی به‌غدایان بە دەست گەیشتووه‌، زانیویانه‌ ساختەیە و ده‌ستبه‌جێ بەغدایان لێ ئاگادار کردوه‌تەوە.

 
سیوەیلی: گۆڕانكارییه‌ دیپلۆماسییه‌كانی هه‌رێم زۆر پۆزەتیڤن.. بەغدا لە ژێر گوشاردایه‌

THURSDAY, 22 FEBRUARY 2018 12:02:52

ھەولێر-KDP.info- بەرپرسی مەكتەبی پەیوەندییەكانی دەرەوەی پارتی ڕایگەیاند، حكوومەتی عێراق زۆر ھەوڵی دا ئابڵووقەی دیپلۆماسی بخاتە سەر ھەرێمی كوردستان، بەڵام سەركەوتوو نەبوو، چونكە وڵاتان زۆر بەپەرۆشن پەیوەندییەكانیان لەگەڵ ھەرێمی كوردستاندا پەرە پێ بدەن، ھەر بۆیەیش بەردەوام گوشار لە حكوومەتی عێراق دەكەن كێشەكانیان لەگەڵ ھەرێم چارە بكەن.

 
عەلی ھالۆ: پەیامی عەفرین ده‌گه‌یه‌نینه‌ نوێنەری وڵاتان لە ھەرێم

THURSDAY, 22 FEBRUARY 2018 10:02:22

ھەولێر-KDP.info- نوێنەری فڕاكسیۆنی زەرد لە شاندی پەرلەمانی كوردستان بۆ عەفرین ڕایدەگەیێنێت، دەستیان بە سەردانیكردنی نوێنەری وڵاتان لە ھەرێم كردووە و، پەیامی عەفرینیان پێ گەیاندوون. دەشڵێ، "داوامان كردووە ھاوكاریی ئەو شارە بكەن و، وەڵامی ئەوانیش ئەرێنی بووە".

 
پەرلەمان گفتوگۆکان چڕ دەکاتەوە.. پڕۆژەیاسای چاكسازی پەسند دەکرێ

THURSDAY, 22 FEBRUARY 2018 10:02:34

ھەولێر-KDP.info-  جێگری سەرۆكی لیژنەی ئاساییش و ناوخۆ لە پەرلەمانی كوردستان دەڵێ، كۆبوونەوەی پەرلەمانی كوردستان لەبارەی پڕۆژەیاسای چاكسازییەوە بەردەوام دەبێت و، بڕیارە ئەمڕۆیش پڕۆژەیاساكە پەسەند بكرێت.

 
هاوكاریی دارایی ئەمەریكا بۆ پێشمەرگە گەییشتووە و دەست بە خەرجكردنی دەكرێت

THURSDAY, 22 FEBRUARY 2018 10:02:27

ھەولێر-KDP.info- بەڕێوەبەری گشتیی راگەیاندنی وەزارەتی پێشمەرگە ڕایگەیاند، ھاوكاریی دارایی ئەمەریكا بۆ وەزارەتی پێشمەرگە گەییشتووە و، بڕیارە دەست بە خەرجكردنی بكرێت بۆ خزمەتكردنی ھێزی پێشمەرگە.

 


 
© 2017 Kurdistan Democratic Party, KDP