Kurdî  ■  كوردی  ■  عربي
THU, 19 APR 2018 12:45 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

نێچیرڤان بارزانی و كۆنسووڵی به‌ریتانیا، برەودان بە په‌یوه‌ندییه‌ دووقۆڵییه‌كان دووپات ده‌كه‌نه‌وه‌
| KDP.info


 

ھەولێر-KDP.info-  لە دیداریدا لەگەڵ كۆنسووڵی به‌ریتانیا، (نێچیرڤان بارزانی) سپاسی هاوكاریی حكوومه‌تی به‌ریتانیای له‌ بواره‌كانی سه‌ربازی و مرۆییدا بۆ‌ هه‌رێمی كوردستانی کرد و، جه‌ختی له‌ به‌ره‌وپێشبردنی زیاتری په‌یوه‌ندییه‌ دووقۆڵییه‌كان كرده‌وه‌.

سه‌رله‌به‌یانیی ئه‌مڕۆ دووشه‌ممه‌ 17-7-2017، (نێچیرڤان بارزانی) سه‌رۆكوه‌زیرانی هه‌رێمی كوردستان، پێشوازی له‌ (مارتن وار) كۆنسووڵی نوێی به‌رتیانیا له‌ هه‌رێمی كوردستان و شاندێكی یاوه‌ری كرد.
له‌ دیدارێكدا (مارتن وار) سوپاسی ئه‌و پێشوازی و پشتگیرییه‌‌ گه‌رمه‌ی كرد كه‌ له‌لایه‌ن داموده‌ز‌گاكانی حكوومه‌تی هه‌رێمی كوردستانه‌وه‌ لێی كراوه‌ و، هیوای به‌رده‌وامیی هاوكاری و هه‌ماهه‌نگیی نێوان ده‌زگاكانی حكوومه‌تی هه‌رێم و كۆنسوولخانه‌ی وڵاته‌كه‌ی و فراوانكردنی په‌یوه‌ندییه‌كانی نێوان هه‌ولێر و له‌نده‌ن له‌ هه‌موو بواره‌كاندا خواست.
نه‌به‌ردی و چاونه‌ترسیی خه‌ڵك و پێشمه‌رگه‌ی كوردستانیشی‌ له‌ ڕووبه‌ڕووبوونه‌وه‌ی تیرۆریستانی داعشدا، هەروەها پێشوازیكردن له‌ ژماره‌یه‌كی زۆری ئاواره‌ و په‌نابه‌رانی ده‌ستی تیرۆری، به‌رز نرخاند، هه‌روه‌ها به‌رده‌وامیی هاوكارییه‌كانی وڵاته‌كه‌ی بۆ هه‌رێمی كوردستان به‌تایبه‌تی له‌ بواری سه‌ربازیدا دووپات كرده‌وه‌.

لای خۆیه‌وه‌ سه‌رۆكوه‌زیرانی هه‌رێمی كوردستان سوپاسی ئه‌و سه‌ردانه‌ی كرد و هیوای سه‌ركه‌وتنی بۆ (مارتن وار) له‌ ئه‌ركه‌ نوێكه‌یدا خواست و پشتگیریی حكوومه‌تی هه‌رێمی كوردستانی بۆ سه‌رخستنی كاره‌كانی ده‌ربڕی، هه‌روه‌ها سوپاسی حكوومه‌تی به‌ریتانیای كرد بۆ ئه‌و هاوكارییانه‌ی له‌ بواره‌كانی سه‌ربازی و مرۆییدا پێشكه‌ش به‌ هه‌رێمی كوردستانی ده‌كات و جه‌ختی له‌ به‌ره‌وپێشبردنی زیاتری په‌یوه‌ندییه‌ دووقۆڵییه‌كان كرده‌وه‌.
(نێچیرڤان بارزانی) پوخته‌یه‌كیشی ده‌رباره‌ی ڕه‌وشی ئابووریی هه‌رێمی كوردستان پێشكه‌ش كرد و ئاماژه‌ی دا، له‌مباره‌یه‌وه‌ به‌ریتانیا ده‌توانێت له‌ ڕێگه‌ی هاندانی كۆمپانیاكانی وڵاته‌كه‌یه‌وه‌ بۆ ئه‌نجامدانی پڕۆژه‌ی سه‌رمایه‌گوزاری له‌ هه‌رێمی كوردستان، ڕۆڵی خۆی بگێڕێت به‌ شێوه‌یه‌ك هه‌رێم بكه‌نه‌ بنكه‌یه‌ك بۆ پڕۆژه‌كانیان له‌ سه‌رتاسه‌ری عیراق.
ده‌رباره‌ی په‌یوه‌ندییه‌كانی نێوان هه‌ولێر و به‌غدایش، (نێچیرڤان بارزانی) ئاماده‌یی هه‌رێمی كوردستانی بۆ چاره‌سه‌ركردنی كێشه‌ هه‌ڵواسراوه‌كان به‌ ڕێگه‌ی دیالۆگ و گفتوگۆوه‌ له‌گه‌ڵ به‌غدا نیشان دا و له‌مباره‌یه‌‌وه‌ ڕۆڵی به‌ریتانیای به‌ گرینگ زانی.
تاوتووكردنی چه‌ند بابه‌تێكی په‌یوه‌ست به‌ بارودۆخی ناوچه‌كه‌ و دواپێشهاته‌كانی شه‌ڕی دژی تیرۆریستانی داعش له‌ مووسڵ، لایه‌نێكی دیكه‌ی دیداره‌كه‌ بوو.




دوایین هەواڵەکان

ئافرەتان: لەپێناو دەستکەوتی زیاتردا، دەنگ بە لیستی 184 دەدەین

THURSDAY, 19 APRIL 2018 11:04:27

سۆران-KDP.info-  لە درێژەی بانگەشەی هەڵبژاردن لە سنووری شارۆچكەكانی سۆران، رۆژ بە رۆژ جەماوەری پارتی ڕوو لە زیادبوونە، ئافرەتانی ئەو سنوورە دەڵێن، تاكە حزب لە كوردستان كە خۆی بە خەمخۆری ئافرەتان زانیوە پارتییە و، لیستی 184ـیش دەستكەوتی زیاتر بەدی دێنێت، بۆیە دەنگی پێ دەدەن.

 
نەجیبە نەجیب: مەترسیدارترین هەڕەشە بۆ سەر عێراق دوای داعش، گەندەڵییە

THURSDAY, 19 APRIL 2018 11:04:11

هەولێر-KDP.info- ئابووریناسێك باس لەوە دەكات، زۆر جار بەرپرسانی حكوومەتی عێراق بۆ پەردەپۆشكردنی گەندەڵی و بندیوارەكانی خۆیان، پەنجەی تۆمەت بۆ هەرێمی كوردستان درێژ دەكەن، لە كاتێكدا عێراق گەندەڵترین وڵاتە لە جیهاندا، ئەمەیش بەپێی راپرسییە نێودەوڵەتییەكان.

 
گوتەبێژی هۆزە عەرەبەكان، هەستمان بە جیاوازیی پێكهاتەكان نەكردووە.. پشتیوانی لیستی 184 دەكەین

THURSDAY, 19 APRIL 2018 10:04:33

نەینەوا-KDP.info- گوتەبێژی هۆزە عەرەبەكان لە ناوچەكانی سنووری ماددەی 140 دەڵێت، داوایان لە تەواوی لایەنە عەرەبەكان كردووە لە سنووری ناوچەكانی ماددەی 140 و ئەوانەی لە هەرێمی كوردستانن، دەنگ بە لیستی ژمارە 184ـی پارتی دیموكراتی كوردستان و كاندیدەكانیان بدەن .

 
سێ كچی ڕفێندراوی ئێزدی لە سووریا رزگار كران

THURSDAY, 19 APRIL 2018 10:04:13

هەولێر-KDP.info- سێ كچی دیكەی كوردی ئێزدی كە سێ ساڵ بەر لە ئێستا رفێندرابوون، لە سووریا رزگار كران و سەرۆكی ئەنجوومەنی باڵای كاروباری خانمانیش دەڵێ، تا یەك كچ و ژنی رڕفێندراو لە دەست داعشدا مابێت، كار بۆ رزگاركردنی دەكەن و سەرۆكوەزیرانی ھەرێمیش ھەموو ھاوكارییەكی كردوون.

 
وه‌زاره‌تی دارایی داوا ده‌كات، ده‌روونى مووچه‌خۆران، تێكه‌ڵ به‌ بانگه‌شه‌ى هه‌ڵبژاردن و ململانێى حزبى نه‌كرێن

WEDNESDAY, 18 APRIL 2018 22:04:41

هه‌ولێر-KDP.info-  وێڕای ڕه‌تكردنه‌وه‌ی هه‌واڵێكی كه‌ناڵى KNN و به‌ ناڕاست وه‌سفكردنی، له‌ ڕوونكردنه‌وه‌یه‌كدا وه‌زاره‌تی دارایی و ئابووری، داوا ده‌كات داموده‌زگاكانى حكوومه‌ت و ده‌روونى مووچه‌خۆران، تێكه‌ڵ به‌ بانگه‌شه‌ى هه‌ڵبژاردن  و ململانێى حزبى نه‌كرێن.

 


 
© 2018 Kurdistan Democratic Party, KDP