Kurdî  ■  كوردی  ■  عربي
FRI, 20 JUL 2018 13:33 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

جووتیارە ‌‌نموونەییەكە: دەبمە شاگردی دەوڵەتی كوردستان.. بەرهەمی كشتوكاڵی بەشی هەناردەش دەكات
| KDP.info



هەڵەبجە-KDP.info- جووتیارە نموونەییەكەی پارێزگای هەڵەبجە ڕایدەگەیێنێت، بەروبوومی كشتوكاڵیی هەرێمی كوردستان، بەشی پێداویستیی ناخۆ دەكات، ئەگەر زیاتریش نەبێ. ئەو جەخت دەكاتەوە كە، ئەگەر بە هۆی ڕیفراندۆم بۆ سەربەخۆییەوە، هیچ شتێكیش لە وڵاتانی دراوسێوە نەهێندرێ، جووتیاران دەتوانن بەرهەمی ناوخۆ دابین بكەن.

(ئازاد محەممەد) كە جووتیارێكی نموونەییە لە پارێزگای هەڵەبجە، بۆ ماڵپەڕی فەرمیی پارتی دیموكراتی كوردستان گوتی، لە ئێستا‌دا بەروبوومی ناوخۆیی كشتوكاڵ، لە ‌ئاستێكی زۆر بەرزدایە، كە دەتوانێت پێداویستیی تەواوی باشووری كوردستان دابین بكات.

(محەممەد) كە زەوی و ئاوی هەرێمی كوردستان بە زۆر دەوڵەمەند و‌ گونجاو‌ بۆ كشتوكاڵ وەسف دەكات، هاوكات بە پێویستیشی دەزانێ‌ حكوومەتی هەرێمی كوردستان زیاتر گرینگی بە بواری كشتوكاڵ بدات.

ئەگەرچی هیچ ئاماژەیەكی پێشوەختە نییە، چونكە بەرژەوەندییە ئابوورییەكان لە نێوان هەرێم و دراوسێکانیدا زۆر و گەورەن، بەڵام لەبارەی ئەگەری كاردانەوەكانی ڕیفراندۆم بۆ سەربەخۆییی باشووری كوردستان، لەلایەن دراوسێكانەوە، چۆنیەتیی دابینكردنی بەروبوومی كشتوكاڵی، ئەو جووتیارە نموونەییە باوەڕی وایە، جووتیارانی كوردستان دەتوانن بەروبوومی سەوزە و تەڕە، گەنم و جۆ و پێداویستییەكانی دیكەیش بۆ تەواوی باشووری كوردستان دابین بكەن و جەخت دەكاتەوە، "ئێستا بەروبووم‌ زیاترە لە پێویستیی نێوخۆیی‌، دەتوانین ئەوەی لە خۆمان زیادە، هەناردەی ‌وڵاتانی دەرەوەیشی بكەین."

تامەزرۆیی (ئازاد محەممەد) بۆ بڕیاردان لە چارەنووسەكەی لە ڕێی سندووقی دەنگدانەوە هێندە زۆرە، دەڵێ، "وەك جووتیارێك بەڵێن دەدەم ببمە شاگردی دەوڵەتی كوردستان؛ هەموو ئەو توانایەیش كە هەمە لە ‌داهێنانی كشتوكاڵی و هاوكاریی برا جووتیارەكانمدا بۆ زیاتر خزمەتكردنی میللەتەكەمان دەخەمە گەڕ. ئاواتی هەموومانە كە دەوڵەتی كوردستان بە ‌چاوەكانی خۆمان ببینین، دەستخۆشی لەو هەوڵانە دەكەم كە بۆ ڕێفراندۆم بۆ سەربەخۆییی كوردستان لەئارادان."

(ئازاد محەممەد) ساڵانە بەروبوومێكی زۆری كشتوكاڵی دەخاتە بازاڕەكانی كوردستانەوە، بە ‌داهێنانەكانیشی لە ڕووی بەرهەمی كشتوكاڵییەوە، چەندین جار لەلایەن حكوومەتی هەرێمی كوردستان و ڕیكخراوەكانەوە خەڵات كراوە‌.

هێڤیار هەڵەبجەیی

 




دوایین هەواڵەکان

چەواشەکارییەکان لە بارەی سەدی بێخمەوە هەر بەردەوامن

FRIDAY, 20 JULY 2018 12:07:22

چاودێرێک
هیچ شتێک لەوە ئاسانتر نییە کای کۆن بە با کەیت و حەقیقەتەکان ئاوەژوو بکەیتەوە، بەشكم نانێكی لێ بخۆی. شانۆنووسی گەورەی ئەلمانی دەڵێ: ئەوەی هەقیقەت نازانێ، گێلە و ئەوەیشی دەیزانێ و خۆی لێ گێل دەکات تاوانبارە! جا نازانین هەڵسوڕێنراوانی ئەو چەند میدیا کوردی و عەرەبییەی بە یەک نیەت و میلۆدی باسی هۆکاری دروستنەکردنی بەنداوی بێخمە دەکەن، لە توخمی گێلەکەن یا تاوانباران!

نێردە و ڕاوێژكاری یەكێتیی ئەورووپا ستایشی هێزە ئەمنییەكانی هەولێر دەكەن

THURSDAY, 19 JULY 2018 17:07:38

هەولێر-KDP.info- شاندێكی نێردە و ڕاوێژكاری یەكێتیی ئەورووپا بۆ كاروباری ئەمنی، لە دیدارێكیاندا لەگەڵ بەڕێوەبەری پۆلیسی هەولێر، ستایشی هێزە ئەمنییەكانی هەولێریان كرد لە دابینكردنی ئەمنییەت و سەقامگیری بۆ هاووڵاتیان.

 
"حکوومەتی ھەرێم ئامادەکاری بۆ پڕۆژەبودجەی ساڵی ٢٠١٩ دەکات"

THURSDAY, 19 JULY 2018 15:07:02

هەولێر-KDP.info-  لە لایەن وەزارەتی دارایی و ئابووریی حکوومەتی ھەرێمی کوردستانەوە ھەموو وەزارەتەکان ڕاسپێردراون کە ئامادەکاری بکەن بۆ بودجەی ساڵی دابێ. بەرپرسێکی وەزارەتی پەروەردە ئاشکرای کرد، ئەگەر بودجە بۆ ساڵی دابێت دابین بکرێت، مامۆستاش دادەمەزرێنن.

 
"داعش و حەشد هەریەکەو لە لایەکەوە هەڕەشە لە کوردانی کاکەیی دەکەن"

THURSDAY, 19 JULY 2018 15:07:32

هەولێر-KDP.info-  کوردانی کاکەیی لە نێوان داعش و حەشدی شەعبیدا بوونەتە قوربانی و لە لایەک حەشد دەیەوێت بەزۆر چەکیان بکات و لە لایەکی دیکەوە شەوانە داعش ھەڵدەکۆتێتە سەریان. چالاکێکی کوردی کاکەیی دەڵێ، خەریکە ناوچەکە چۆڵ دەبێت لە کاکەیی و بە ھەموو لایەک ھەر زوڵم لە کاکەیی دەکەن.

 
"ژێرخانی ئەلکترۆنیی ئەمەریکا لەژێر هەڕەشەی ڕووسیادایە"

THURSDAY, 19 JULY 2018 15:07:10

هەولێر-KDP.info- گەورەترین کێشە کە بۆ هەڵبژاردنی مانگی ١١ی ئەمساڵ  بەرۆکی بە ترامپ گرتووە، پرسی دەستوەردانی ڕووسیایە لە ژێرخانی ئەلکترۆنیی دیجیتاڵیی ئەمەریکا، بۆیە ترامپ بەرەو کوێ دەچێ ئەو پرسە بە دوایی دێت.

 


 
© 2018 Kurdistan Democratic Party, KDP