Kurdî  ■  كوردی  ■  عربي
MON, 18 JUN 2018 10:47 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

نێچیرڤان بارزانی و باڵیۆزی ئێران پێوەندی نێوان هەولێر و تارانیان تاوتوو کرد
| KDP.info


هەولێر-KDP.info-   لە دیداری نێوان سەرۆکوەزیرانی کوردستان و باڵیۆزی کۆماری ئسلامی ئێران لە عێراق، پێوەندی نێوان هەولێر و تاران تاوتوو کرا و جەختیش لە پێوەندی نێوان هەرێم و کۆماری ئیسلامی ئێران کرایەوە.

ئێواره‌ی ئه‌مڕۆ یه‌كشه‌ممه‌ ١٦/٧/٢٠١٧ (نێچیرڤان بارزانی) سه‌رۆكوه‌زیرانی هه‌رێمی كوردستان، پێشوازی لە (ئیره‌ج مه‌سجدی)، باڵیۆزی نوێی كۆماری ئیسلامیی ئێران له‌ عێراق كرد كه‌  كونسووڵی كۆماری ئیسلامیی ئێران له‌ هه‌ولێر یاوه‌ری بوو.

له‌ دیدارێكدا (مه‌سجدی) خۆشحاڵیی خۆی به‌ سه‌ردانی هه‌رێمی كوردستان و په‌یوه‌ندییه‌ دێرینه‌كانی نێوان هه‌رێمی كوردستان و كۆماری ئیسلامیی ئێران ده‌ربڕی و بره‌ودانی زیاتر به‌ په‌یوه‌ندییه‌كانی نێوان هه‌ولێر و تاران له‌ هه‌موو بواره‌كاندا دووپات كرده‌وه‌.

ئاماژه‌ی به‌وه‌ش دا‌ كه‌ كۆماری ئیسلامیی ئێران چۆن‌ له‌ كاته‌ سه‌خته‌كاندا هاوكاری هه‌رێمی كوردستان بووه‌، ئێستاش به‌ هه‌موو شێوه‌یه‌ك هه‌وڵ ده‌دات به‌ ڕێگه‌ی دیالۆگ و گفتوگۆوه‌ گرفته‌كانی نێوان هه‌لێر و به‌غدا چاره‌ بكرێن، هه‌روه‌ها پشتگیریی وڵاته‌كه‌ی بۆ دۆستایه‌تیی نێوان هه‌رێمی كوردستان و كۆماری ئیسلامیی ئێران دووپات كرده‌وه‌.

لای خۆیه‌وه‌  سه‌رۆكوه‌زیرانی هه‌رێمی كوردستان سوپاسی ئه‌و سه‌ردانه‌ و هاوكارییه‌كانی كۆماری ئیسلامیی ئێران بۆ گه‌لی كوردستان له‌ كاته‌ سه‌خته‌كاندا و هه‌وڵه‌كانی  (مه‌سجدی) له‌ ئێستا و ڕابردوودا بۆ به‌ره‌وپێشبردنی په‌یوه‌ندییه‌كانی نێوان هه‌رێمی كوردستان و كۆماری ئیسلامیی ئێران كرد و په‌یوه‌ندییه‌كانی نێوان هه‌ولێر و تارانی به‌رز نرخاند، هه‌روه‌ها پاڵپشتیی خۆی بۆ كار و چالاكییه‌كانی به‌ڕێزیان نیشان دا و هیوای سه‌ركه‌وتنی له‌ ئه‌ركه‌ نوێكه‌یدا بۆ خواست.

ده‌رباره‌ی كێشه‌ هه‌ڵواسراوه‌كانی نێوان هه‌ولێر و به‌غداش، جه‌ختی له‌وه‌ كرده‌وه‌ كه‌ چاره‌سه‌ركردنی ئه‌م كێشانه‌ پێویستی به‌ دیالۆگێكی جددی هه‌یه‌ و له‌مباره‌یه‌وه‌ كۆماری ئیسلامیی ئێران ده‌توانێت ڕۆڵێكی ئه‌رێنی بگێڕێت.

تاوتوێكردنی چه‌ند بابه‌تێكی په‌یوه‌ندیدار به‌ شه‌ڕی دژی تیرۆرستانی داعش و دوا گۆڕانكاری و پێشهاته‌كانی بارودۆخی ناوچه‌كه‌، لایه‌نێكی دیكه‌ی دیداره‌كه‌ بوو.
 




دوایین هەواڵەکان

ئەنجیلینا جولی پشتگیرییه‌كانی حکوومەتی ھەرێم لە پەنابەرانی سوریا به‌رز ده‌نرخێنێت

SUNDAY, 17 JUNE 2018 21:06:09

هه‌ولێر-KDP.info-  ئەنجیلینا جولی، نێردەی تایبەتیی کۆمسیۆنی باڵای پەنابەرانی سه‌ر به‌ نەتەوە یەکگرتووەکان و شاندێكی یاوه‌ری، سەردانی ھەولێری کرد و لەلایەن سەفین دزەیی وتەبێژێ فەرمیی حکوومەتی ھەرێمی کوردستان و بەرپرسی نووسینگەی تایبەتیی سەرۆکوه‌زیرانی هه‌رێمی كوردستانه‌وه‌ پێشوازی لێ کرا.

 
"لە عەفرین خەڵک ئازار دەدرێ"

SUNDAY, 17 JUNE 2018 16:06:01

عەفرین-KDP.info- چاودێرێکی سیاسی دەڵێ، گروپەچەکدارەکان لە  عەفرین خەڵکی بەتوندترین شێوە ئازار دەدەن، رێکخراوی هیومان وۆچ ئاشکرای کردووە کە چەکدارەکان لەگەڵ ئەوەی خەڵکی ئازار دەدەن، شوێنەکانیش خاپوور دەکەن تا خەڵکی نەگەڕێنەوە.

داعش له خانه‌قین سه‌رۆكهۆزی هه‌مه‌وه‌ند و خێزانه‌كه‌یان تیرۆر کرد

SUNDAY, 17 JUNE 2018 15:06:11

خانەقین-KDP.info-  تیرۆریستانی داعش لە سنووری خانەقین سەرۆکهۆزی هەمەوەند و خێزانەکەیان تیرۆر کرد.

سه‌رۆك بارزانی سه‌ردانی میحوه‌ری پردێ ده‌كات

SATURDAY, 16 JUNE 2018 17:06:20

میحوەری پردێ-KDP.info-  سەرۆك مه‌سعوود بارزانی، له‌ دووه‌م رۆژی جه‌ژندا، سەردانی بەرەكانی هێزی پێشمەرگەی كوردستان لە میحوەری پردێ كرد.

"مەسیحییەکان دەڵێن بەغدا فەرامۆشی کردووین"

SATURDAY, 16 JUNE 2018 17:06:51

هەولێر-KDP.info-  رۆمیۆ هەکاری سکرتێری حزبی بەیتنەهرێن دەڵێ، وەک پێکهاتەکان هیچ هەست ناکەین کە ئێمە لە لایەن بەغداوە لە پرسە چارەنوسسازەکاندا بەشداریمان پێدەکرێ، بەغدا پێکهاتەکانی فەرامۆش کردووە.



 
© 2018 Kurdistan Democratic Party, KDP