Kurdî  ■  كوردی  ■  عربي
SUN, 22 APR 2018 09:53 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

حەیدەر شەشۆ حزبە نوێیەکەی ڕاگەیاند؛ پشتی ڕیفراندۆم دەگرین و دەمانەوێت شنگال بگەڕێتەوە سەر هەرێم
| KDP.info


دهۆک-KDP.info- (حەیدەر شەشۆ)، کە فەرماندەی هێزی پاراستنی ئیزدیخانە، ئەمڕۆ لە پارێزگای دهۆک حزبە نوێیەکەی بە ناوی (پارتی ئێزدیی دیموکراتی) ڕاگەیاند و وەک سەرۆکی حزبەکە گوتیشی، ئەوان پشتیگری لە ڕیفراندۆم دەکەن و دەیانەوێت شنگال بگەڕێتەوە سەر هەرێم.


ئەمڕۆ، شەممە، لە پارێزگای دهۆک، (حەیدەر شەشۆ)، فەرماندەی هێزی پاراستنی ئێزدیخان کۆنگرەی دامەزراندنی حزبە نوێیەکەی بە ناوی (پارتی ئێزدیی دیموکراتی) ڕایگەیاند.

هەر لە بارەیەوە (حەیدەر شەشۆ)، تایبەت بە ماڵپەڕی فەرمیی پارتی دیموکراتی کوردستان گوتی: ''ئامانج لە دروستکردنی کۆنگرەی پارتەکەم لە پارێزگای دهۆک لەبەر هۆکاری ئەوە بوو، کە زۆربەی ئێزدییەکان لە پاریزگای دهۆک کۆچبەرن، کە نیزیکی ٨٠%ن، پێویست بوو ئەم کۆنگرەیە لەم پاریزگایە ببەستین، وێرای ئەوەش، (شەشۆ) سوپاسی پاریزگاری دهۆک و هێزە ئەمنییەکانی پاریزگاکەی کرد،  بۆ بەڕێوەچوونی کۆنگرەی دامەزراندنی حزبەکەی.''

(شەشۆ) گوتی: ''پارتەکەمان پارتێکی سەربەخۆ و بێلایەنە و سەر بە هیچ لایەنێکی حزبییەوە نییە، تەنیا ئێمە پەیوەندیی باشمان لەگەڵ هەموو پارتە کوردییەکان هەیە و هیچ کاتێک ناتوانین لە دووری ئەوان بین،  ئامانج لەم حزبە خزمەتکردن و بەدەستهێنانی مافی ڕەوای ئێزدییەکانە.''

(شەشۆ) دەڵێت: ''لە دوای شەش مانگ، یان ساڵێکی دیکە، کۆنگرەی گشتی و یەکەم دەبەستین، ئیستا خەریکی دروستکردنی دەستەیەکین بۆ حزبەکە، بۆ ئەوەی کار بکەن و پاشانیش کۆنگرەی گشتی دەبەستین.''

(شەشۆ) ئەوەیشی خستەڕوو: ''حزبەکەمان هەموو ڕێکارە یاساییەکانی کۆمیسیۆنی تەواو کردوون و بەشداری لە هەڵبژاردنی داهاتووی کوردستاندا دەکات.''

ڕیفراندۆمی هەریمی کوردستان لە (٢٥-٩-٢٠١٧)دا بەڕێوە دەچیت، (حەیدەر شەشۆ) گوتی: ''پرسی ڕیفراندۆم بە دیدی ئیمە پرسێکی زۆر زۆر گرینگە و پێویستە ئێزدییان ئەم پرسە بە گرینگ وەربگرن، چونکە کوردستان خاک و وڵاتمانە و ڕیفراندۆم مان و نەمانی ئێمەیە و پێویستە ڕیفراندۆم لە هەموو ناوچە ئێزدییەکان بکرێت و پشتگیریی ئەم پرسە بکەن و شنگال بگەڕێتەوە سەر هەرێم و بە هیچ شێوەیەک نابێ لە کوردستان جیا بێتەوە، چونکە ئێزدیخان کوردستانە و کوردستان ئێزدیخانە، ناکریت لێک جیا ببنەوە.''

کاروان باعەدری
 




دوایین هەواڵەکان

كاندیدێکی پارتی: گوشار دەخەینە سەر بەغدا بۆ دەستەبەرکردنی مافە دەستوورییەکانی هەرێم

SATURDAY, 21 APRIL 2018 16:04:41

سلێمانی-KDP.info-  یاساناسێك ده‌ڵێت: ئه‌گه‌ر به‌غدا پێشلی ده‌ستووری نه‌كردایه‌، كورد مافی ڕه‌وای خۆی وه‌رگرتبوو، به‌ڵام كاتێك حكوومه‌تی عێراق هێزی چه‌كداری بنیات نایه‌وه‌، بە ته‌واوه‌تی پشتی له‌ ده‌ستوور و یاسا كرد به‌رامبه‌ر به‌ كورد. كاندیدێكی لیستی ژماره‌ 184ی پارتی له‌ سنووری پارێزگای سلێمانی ده‌ڵێت: به‌ پێی یاسا و ده‌ستوور ته‌واوی ئه‌و مافانه‌ی كوردستان پێشێل كراون له‌ لایەن حكوومه‌تی عێراقەوە، بۆ گه‌له‌كه‌مانی وه‌رده‌گرینه‌وه‌.

 
مەکتەبی سەرۆک ساڵیادی گۆڤاری گوڵان پیرۆز دەکات

SATURDAY, 21 APRIL 2018 16:04:28

هەولێر-KDP.info-  مەکتەبی سەرۆک، بەبۆنەی بیست و چوارەمین ساڵیادی دەرچوونی گۆڤاری گوڵان پەیامێکی پیرۆزبایی ئاراستەی سەرنووسەر و ستافی گۆڤارەکە کرد کە ئەمە دەقەکەیەتی:

 
پارتی ٢٤ ساڵەی گۆڤاری گوڵان پیرۆز دەکات

SATURDAY, 21 APRIL 2018 16:04:56

هەولێر-KDP.info-  مەکتەبی سیاسی پارتی دیموکراتی کوردستان و دەزگای رۆشنبیری و راگەیاندنی پارتی، لە دوو پەیامی جوودادا ٢٤ ساڵەی گۆڤاری گوڵان پیرۆز دەکەن کە ئەمە دەقەکانیەتی:

 
راگەیاندنی پارتی، ١٢٠ ساڵەی رۆژنامەگەری کوردی پیرۆز دەکات

SATURDAY, 21 APRIL 2018 16:04:35

هەولێر-KDP.info- دەزگای رۆشنبیریی وراگەیاندنی پارتی دیموكراتی كوردستان بۆ(120)یەمین ساڵیادی رۆژنامەگەریی كوردی پەیامێکی پیرۆزبایی راگەیاند کە ئەمە دەقەکەیەتی:

 
"بەغدا ڕێگرە لە دانی قەرزی ژاپۆن بە ھەرێمی کوردستان"

SATURDAY, 21 APRIL 2018 16:04:35

هەولێر-KDP.info-  وڵاتی ژاپۆن چەند پڕۆژەیەکی کەرتی کارەبا لە ھەرێمی کوردستان جێبەجێ دەکات و گوتەبێژی وەزارەتی کارەبای حکوومەتی ھەرێمی کوردستانیش دەڵێ، ئەو قەرزەی ژاپۆن بە عێراقی داوە بەشی ھەرێمی کوردستانی تێدایە بۆ جێبەجێکردنی  پڕۆژەی دیکە، بەڵام تا ئێستا بەغدا ڕازی نەبووە بە خەرجکردنی بەشی ھەرێمی کوردستان.

 


 
© 2018 Kurdistan Democratic Party, KDP